قاناعات ەتسەڭ بارىڭا ، جاقسىلىق ۇيىر جانىڭا
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-31 15:11:00



    بۇلبۇل احىمەت قىزى 

    تاسقىننىڭ اۋدان ورتالىعىنا كەلىپ، زات-تاسىمال سەرىكتىگىندە، زات جەتكىزۋشى بولىپ جۇمىس ىستەگەنىنە، ءبىر جىلدان استى، اپىرىپ-جاپىرىپ جۇمىس ىستەپ ۇيرەنگەن اۋىل بالاسى ءۇشىن، الارماندارعا، موتورلى كولىكپەن زات جەتكىزۋ، تىم جەڭىل سەزىلدى، ءارى، الاتىن ەڭبەك اقىسى دا ىلايىقتى بولعان سوڭ، ول ءبىر جىلدان بەرى، وسى سەرىكتىكتە تۇراقتى ىستەپ كەلەدى، الايدا، «قاناعاتسىزدىق، قارىننىڭ تويعانىن سەزدىرمەيدى»دەگەندەي، جاقىنعى كۇندەردەن بەرى، ونىڭ كوڭىلىن، ءبىر ارام وي تورلاپ الدى، ول بولسا، تاسىمال سەرىكتىگىنە، باسقا ايماق، قالالاردان كەلىپ تۇسەتىن، توپ-توپ جاشىكتەردەن، ياعني، ءوزى ءار كۇنى، الارماندارعا جەتكىزىپ جۇرگەن، زاتتاردان، جان بالاسىنا سەزدىرمەي قىمقىرىپ، پايدالانۋ ەدى، وسى ويىنىڭ جەتەگىمەن، وراي كۇتىپ جۇرگەن كۇندەردىڭ بىرىندە، الدە ءبىر ايماقتان كەلىپ تۇسكەن، 20 كيلو كەپتىرىلگەن ورىك، ارام ماقساتىنىڭ العاشقى قۇربانىنا اينالدى، سول كۇنى تاسقىن، باسقا الارمانداردىڭ زاتتارىن تۇگەل جەتكىزىپ بولدى دا، قاس قارايا، ورىكتى الىپ، قالاشىقتا تۇراتىن، جاقىن دوسىنىڭ ۇيىنە اپارىپ، ءوز زاتىم دەپ قويىپ كەتىپ، بىرنەشە ساعاتتان كەيىن، ءبىر ساۋداگەرگە اپارىپ، 500 يۋانعا ساتىپ، ارام اقشانى قالتاسىنا باسىپ، قارىق بولادى.


    وسىلايشا، ارام جولمەن تاپقان اقشانى، كاسىپتەن سىرتقى كىرىس كوزىنە بالاعان، اقىلسىز كەيىپكەرىمىز، جوعارىداعى جىمسىما ۇرلىقتان كەيىن جانە بىرنەشە مارتە، ءوزى ىستەپ جۇرگەن تاسىمال سەرىكتىگىنە، قاتە كەلىپ تۇسكەن زاتتاردى قىمقىرۋداي، ادامگەرشىلىككە جات قىلىقتار ىستەپ، جالپى، ۇرلاعان زاتتارىنىڭ قۇنى، 12068يۋانعا جەتەدى، دەلو اشىلعاننان كەيىن، جاۋاپكەر تاسقىن، زاڭ ورگاندارىنا، وزىنىڭ قىلمىسىن قاز قالپىندا تاپسىرادى، ءارى ۇرلانعان زاتتاردىڭ ەكونوميكالىق زيانى، زياندالۋشىلارعا تولىعىمەن قايتارىلىپ بەرىلەدى، سوڭىندا، حالىق سوتى مەكەمەسى، جاۋاپكەر تاسقىنعا، مەملەكەت زاڭىن كوزگە ىلمەي، زاڭسىز يەمدەنۋ ماقساتىندا، باسقالاردىڭ مال-مۇلكىن ۇرلاۋ ارەكەتىنەن قالىپتاستىرعان، ۇرلىق قىلمىسى ءۇشىن، 10 ايلىق مەرزىمدى قاماق جازاسىن بەرىپ، ءبىر جىل كەشىكتىرىلىپ اتقارىلسىن، جانە 4000يۋان ايىپ سالىنسىن دەپ ۇكىم شىعارادى.


    «قاناعات ەتسەڭ بارىڭا، جاقسىلىق ۇيىر جانىڭا» دەگەندەي، تاسقىن، ارام پايداعا كوز قىزارتپاي، جۇمىس ورنىندا، ادال ەڭبەگىن جالعاستىرا بەرگەن بولسا، زاڭ جازاسىنا تارتىلىپ، وكىنىش ارقالاماس ەدى، يا، بارشا جاس دوستار، ادالدىقپەن دوس بولىپ، ەرىنبەي ەڭبەك ەتەيىك!


    قىزمەت ورنى: قابا اۋداندىق قوعام حاۋىپسزدىگى مەكەمەسى