مىناداي ستاكاندارمەن سۋ ءىشۋ راكقا وڭاي شالدىقتىرادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2017-08-30 15:04:00


    1. ءبىر رەت ىستەتىلەتىن قاعاز ستاكان. ءبىر رەت ىستەتىلەتىن قاعاز ستاكان تازا، قولايلى بولعانىمەن الايدا تولىمدىلىق مولشەرىنە تۇجىرىم جاساۋ مۇلدە مۇمكىن ەمەس، كوزبەن كورىپ تە تۇجىرىم جاساۋعا كەلمەيدى، ورتانى قورعاۋ تۇرعىسىنان ايتقاندا دا مۇمكىندىكتىڭ بارىنشا از ىستەتۋ كەرەك. كەيبىر قاعاز ستاكان وندىرەتىن زاۆودتار ستاكاندى ءتىپتى دە اق كورسەتۋ ءۇشىن، جىلتىراتاتىن اعارتقىش قوسادى. بۇل ادام دەنەسىنە كىرىسىمەن راكقا شالدىقتىراتىن فاكتورعا اينالادى. سونىمەن بىرگە، تولىمسىز قاعاز ستاكان جۇمساق بولعاندىقتان سۋ قۇيعاننان كەيىن فورماسى وزگەرىپ، كەيبىر ستاكانداردىڭ تىعىزدىعى ناشار بولعاندىقتان تۇبىنەن سۋ اعىپ، قولدى كۇيدىرۋ مۇمكىندىگى كۇشتى بولادى. تاعى ءبىر جاعىنان ستاكاننىڭ ءىشىن قولمەن سيپاپ كورگەندە قولعا اق ۇنتاق نارسە جابىسادى، مىنە، بۇل وتە ساپاسىز ستاكان بولىپ تابىلادى.


    2. سۋلياۋ ستاكان. سۋلياۋ ستاكاندى دا كوپ ىستەتۋگە بولمايدى. ويتكەنى سۋلياۋعا سوزىلعىشتىعىن ارتتىرعىش قوسىلادى، ونىڭ قۇرامىندا ۋلى حيميالىق زات بولادى، سۋلياۋ ستاكانعا ىستىق نەمەسە قايناق سۋ قۇيعاندا ۋىتتى حيميالىق زات سۋعا سىمىرىلەدى، ونىڭ ۇستىنە سۋلياۋدىڭ ىشكى بولىمىندەگى ميكرو قۇرىلىمدا كوپتەگەن ساڭلاۋ بولادى دا وعان لاس زاتتار جاسىرىنعان، ابدەن جۋماعاندا باكتەريا ءوربيدى. سوندىقتان سۋلياۋ ستاكان تاڭداعاندا، ءسوزسىز، مەملەكەتتىك ولشەمگە ساي كەلەتىن تۇتىنۋعا ارنالعان سۋلياۋدان جاسالعان ستاكاندى تاڭداۋ كەرەك.


    3. رەڭدى ستاكان. رەڭدى ستاكان وتە كوز تارتقانىمەن، الايدا ونى ىستەتپەۋ كەرەك. ويتكەنى كوز تارتقان بوياعىشتاردىڭ ىشىنە كومەسكى حاۋىپ جاسىرىنعان، وتە - موتە، ىشكى بۇيىرىنە جىلتىراق سىر جاعىلعان، ستاكانعا سۋ نەمەسە اشتى، ءسىلتىلى سۋسىندىقتار قۇيىلعان كەزدە بوياعىشتارداعى قورعاسىن سياقتى ۋىتتى اۋىر مەتال ەلەمەنتى وڭاي ەرىپ سۋسىندىققا قوسىلىپ ادام دەنەسىنە سمىرىلەدى. بۇل دەنساۋلىققا وتە زياندى.


    4. مەتالدان جاسالعان ستاكان. ماتەل ماتەريالىنان، مىسالى، تاتتانبايتىن بولاتتان جاسالعان ستاكاننىڭ باعاسى فارفور ستاكاننان قىمبات بولادى. مەتالدان جاسالعان ستاكاننىڭ قۇرىلىمىندا مەتال ەلەمەنتتەر قالىپتى جاعدايدا ءبىرشاما تۇراقتى بولادى، الايدا قىشقىل ورتادا ەرۋى مۇمكىن، كوفە، اپەلسين شىرىنى سياقتى قىشقىل سۋسىندىقتاردى قۇيعاندا حاۋىپسىز بولمايدى. ەڭ حاۋىپسىز ستاكان رەڭسىز سىرلى فارفور ستاكان، وتە - موتە، ءىشى رەڭسىز بولۋ كەرەك، ماتەريالى حاۋىپسىز بولىپ قالماستان جوعارى تەمپەراتۋراعا ءتوزىمدى، سونىمەن بىرگە ىستىق ساقتاۋ ءونىمى بار، قايناق سۋ نەمەسە شاي ىشسە دە بولا بەرەدى. قورىتىپ ايتقاندا، دەنساۋلىق ءۇشىن، سۋ ىشەتىن ستاكاندى ويداعىداي تاڭداپ، ستاكاننىڭ اۋرۋ تۋدىرۋىنان ساقتانۋ كەرەك.

 


حانزۋشادان اۋدارعان: داۋرەن دارمەن ۇلى