كۇنىنە ءبىر تال اپەلسين جەپ تۇرسا اسقازان راگىنان ساقتايدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2017-08-30 15:14:00

 


    كۇنىنە ءبىر تال اپەلسين جەپ تۇرسا، اۋىز قۋىسى، كەڭىردەك جانە اسقازان راگىنان ساقتايدى، مىنە بۇل اۆستراليا عالىمدارىنىڭ زەرتتەۋ ناتيجەسى. اۆستراليا فەدەراتسياسى عىلىم جانە ونەركاسىپ زەرتتەۋ ۇيىمى ءار كۇنى اپەلسين تەكتەس كوكونىستەردى جەپ تۇرسا، ميعا قان قۇيىلۋدىڭ تۋىلۋ مولشەرىن %19 تومەندەتەتىندىگىن بايقاعان.


    اپەلسين تەكتەس كوكونىستەر _ كوكونىستىڭ ءبىرىنشى ۇلكەن توبى ەسەپتەلىپ، اپەلسين، ماندارين، تسيترۋس، سارى ماندارين، ليمون سياقتى كوپ ءتۇردى قامتيدى. مۇنىڭ ىشىندە اپەلسين باتىس تاعامدارىنىڭ ىشىندەگى ۆيتامين C نىڭ باستى كەلۋ قاينارى ەسەپتەلەدى ءارى ۇيلەسىمدى مولشەردە كاروتين، كالي، كالتسي، تەمىر سياقتى مينەرال زاتتاردى ازىرلەپ بەرەدى.


    اپەلسين تەكتەس جەمىستەر توتىعۋعا قارسى تۇرىپ، قارسىلىق قۋاتتى ارتتىرىپ، وسپە كلەتكاسىنىڭ ءوسۋىن تەجەيدى. اۆستراليالىق عالىمدار بىلاي دەدى: بارلىق جەمىستىڭ ىشىندە اپەلسين تەكتەس وسىمدىكتەردىڭ قۇرامىنداعى توتىعۋعا قارسى زات ەڭ جوعارى بولادى، مۇنىڭ 170 تۇردەن استامى وسىمدىك زاتى، 60 تۇردەن استامى كەتون، 17 ءتۇرى كاروتين. كەتوننىڭ قابىنۋعا، وسپەگە قارسى تۇرىپ، قان تامىردى كۇشەيتىپ، قاننىڭ ۇيۋىنان ساقتايتىن رولى، كاروتيننىڭ توتىعۋعا قارسى تۇرۋ رولى بار. مۇنداي ۋنيۆەرسالدى فيزيولوگيالىق كۇشتى قۇرامنىڭ كوپ ءتۇرلى راكتىڭ تۋىلۋىن تەجەيتىن رولى بار.


    امالياتتا، اپەلسين تەكتەس جەمىستەردە ءاربىر قورەكتىك زاتتىڭ مولشەرى وتە جوعارى ەمەس. مىسالى، كالي، مىرىش، تەمىر سياقتى مينەرال زاتتىڭ مولشەرى مەن ۆيتامين C نىڭ مولشەرى جاڭا شىلانعا جەتپەيدى، كەتوننىڭ مولشەرى دولاناعا جەتپەيدى، كاروتين مولشەرى قاۋىن مەن مانگوعا جەتپەيدى. الايدا اپەلسين تەكتەس جەمىستەردىڭ ءونىم مولشەرى جوعارى، باعاسى ارزان، ءتورت ماۋسىمدا دا تۇتىنۋعا بولادى.


    اپەلسين تەكتەس جەمىستەردىڭ قابىعىنىڭ قۇرامىندا زور مولشەردە پەكتين (ورگانيكالىق قوسىلىس) بار، مۇنىڭ ىشىندەگى حوش ءيىستى مايدىڭ تابەتتى اشاتىن رولى بار.


    ەسكەرۋگە ءتيىستى ءبىر ءجايت، ەگەر اپەلسين شىرىنىن ىشەتىن بولسا، دەنساۋلىقتى قورعاۋ ءونىمى تومەن بولادى. ويتكەنى مانەرلەۋ بارىسىندا ۆيتامين C، كەتون جانە كاروتين زور مولشەردە سارىپ بولادى.

 


حانزۋشادان اۋدارعان: جارقىن قايسا ۇلى