شاش جۋۋدىڭ دۇرىس جولىن ۇيرەنىپ الىڭىز
كەلۋقاينارى: |جاۋاپتى رەداكتور: | جاڭالانعان ۋاقىت:2017-10-11 14:11:00

 


 باس جۋۋدىڭ الدىندا شاشىڭىزدى تاراڭىز، باس تەرىسى شاش جونىنەن وتە ماڭىزدى. شاش جۋۋدىڭ الدىندا سۋلانعان تاراقپەن شاشىڭىزدى تاراساڭىز، باسىڭىزداعى كىر داقتارى شاشىڭىزدىڭ بەتىنە شىعادى. بۇندا باس تەرىڭىزدىڭ زاقىمدالۋىنان ساقتانىڭىز ءارى كەڭ دۇزدى تاراق ىستەتۋدى ۇمىتپاڭىز.


  شاشىڭىزدى سۋلاي سالا، دەرەۋ شاش سابىن جاقپاڭىز. كوپتەگەن ادامدار باسىن سۋلاي سالا شاش سابىن جاعىپ باسىن جۋا باستايدى، بۇلاي ىستەگەندە شاشىڭىزدى تازا جۋۋعا بولمايدى، الدىمەن باستى سۋعا ءبىر مينۋتتىڭ ۇستىندە شايقاپ، سوڭىنان شاش سابىن ىستەتسەڭىز سابىن كوبىرشىگى مول بولۋمەن بىرگە شاشىڭىزدى دە تازا جۋۋعا بولادى.


  شاشىڭىزدى جۋعاندا باس تەرىنى تىرناقپەن تىرناپ جۋۋعا بولمايدى. تىرناقتا كوپتەگەن ميكروبتار بولاتىندىقتان ابايسىزدا باس تەرىڭىزدى زاقىمداپ الساڭىز وڭاي ميكروبتانادى. سابىنداپ باس جۋعاندا باس تەرىنى ساۋساقپەن اقىرىن يتەرمەلەپ جۋۋ كەرەك، وسىلاي ىستەگەندە كىر، داقتار تازا كەتىپ، قان اينالىسى جاقسارادى.


  شاش قورعاۋ مايىن شاش تۇبىنە جاقپاڭىز. باسىڭىزدى جۋعان كەزدە تەرى كوزدەرى اشىلاتىندىقتان ەگەر شاش قورعاۋ مايىن شاش تۇبىنە جاقساڭىز ونىڭ ىشىندەگى حيميالىق زاتتار تەرى كوزدەرىن وڭاي بىتەيدى، سوندىقتان الدىمەن ۇيىسقان شاشىڭىزدى جازىپ، قۇلاقتى بويلاي شاش ۇشىنا قاراي شاش قورعاۋ مايىن جاعىڭىز، استە باس تەرىسىنە تىكەلەي ىستەتپەڭىز.


  شاش قورعاۋ مايىن تازا جۋماۋ. كوپتەگەن ادامدار شاش قورعاۋ مايىنىڭ قالدىعىن ابدەن جۋماۋ شاشتىڭ جىلتىرلىعىن اسىرادى دەپ تۇسىنەدى، امالياتتا شالا جۋىلعان شاش مايى قالدىعى شاشقا جابىسقان شاڭ - توزاڭدارمەن وڭاي ارالاسىپ، تەرى كوزدەرىن بىتەپ قابىنۋ پايدا قىلادى. سوندىقتان شاشقا جاققان شاش قورعاۋ مايىن، ءسوزسىز، تازا جۋۋ كەرەك.


  شاش دىم كۇيىندە ۇيىقتاۋ. دىم كۇيدەگى باس تەرىسىنىڭ تەرى كوزدەرى اشىق بولعاندىقتان بۇل كەزدە شاش وتە ءالسىز بولادى. ۇيكەلىسكە شىدامسىز، ەگەر شالا كەپكەن شاشپەن ۇيىقتاساڭىز تەرى بەتتەرى جۇقارىپ، شاشىڭىز قۇرعايدى.


  شاشتى جۋا سالىپ دەرەۋ دالاعا شىعۋ. زەرتتەۋلەرگە قاراعاندا، شاشتىڭ قابىلداعان لازەر ساۋلەسى مولشەرى بەت ءبولىمنىڭ 2 ەسەسىنەن ارتىق، لازەر ساۋلەسى تەرى قابىقتارىن جۇقارتادى، ەگەر شاشىڭىزدى جۋا سالا سىرتقا شىقساڭىز لازەر ساۋلەسى شاشتىڭ ءۇزىلۋىن، ۇشتالۋىن كەلتىرىپ شىعارادى. ەگەر، ءسوزسىز، شىعۋعا ءتيىستى بولسا ەڭ جاقسىسى مالاقاي كيۋ نەمەسە لازەر ساۋلەسىنەن ساقتانۋ كۇندىگىن ۇستاۋ كەرەك.


  شاشتى قاتتى ىسىقىلاپ كەپتىرۋگە بولمايدى، باستى ورامالمەن وراپ سۋىن ءسىڭىرۋ، كەڭ ءدۇزدى تاراقپەن تاراۋ، شاش قۇرعاتۋ ماشيناسىمەن شاش قۇرعاتقاندا شاشتىڭ تۇبىنەن ۇشىنا قاراي ۇرلەۋ، شاش قۇرعاتۋ ماشيناسىن شاشتان 51 سانتيمەتر الىس ۇستاۋ كەرەك، ويتپەگەندە شاش ساپاسى اۋىر دارەجەدە قۇرعاپ كەتەدى. (كەلۋ قاينارى: شينجياڭ گازەتى )
 

 
  اۋدارعان: ساۋلە جانات قىزى