قۇلاق شەمىرشەگىن تەسۋدىڭ قانداي زيانى بار
كەلۋقاينارى: |جاۋاپتى رەداكتور: | جاڭالانعان ۋاقىت:2017-10-11 14:12:00

 


 كەيبىر جاستار قۇلاق شەمىرشەگىن تەسىپ، ءتۇرلى - ءتۇستى القا مونشاق وتكىزۋدى قازىرگى زاماننىڭ ءسانى دەپ قارايدى. ءىس جۇزىندە، قۇلاقتىڭ جۇمساق شەمىرشەك بۋىننان تەسىك اشۋ قۇلاق سىرعالىعىن تەسۋگە قاراعاندا كوپ قاتەرلى.


  گۋاڭدۇڭ قارۋلى ساقشى شيپاحاناسىنىڭ بەت ءپىشىن وڭاۋ ورتالىعى بەت ءپىشىن سىرتقى ءبولىمىنىڭ دوكتورى لي شيجۇن بىلاي دەپ ءتۇسىندىردى: قۇلاق نەگىزىنەن جۇمساق شەمىرشەكتەن قۇرالادى، قان اينالىسى قۇلاق سىرعالىعىنا قاراعاندا ءالسىز، ميكروبتارعا دا قارسىلىق قۋاتى تومەن، سوندىقتان دا وڭاي ىرىڭدەپ كەتەدى. ەگەر ىرىڭدەپ كەتسە مۇنى ەمدەۋدە قابىنۋدى قايتاراتىن انتيبيوتيپتىك وكىلدەردىڭ ءونىمى ونشالىقتى زور بولمايدى. اسقىنىپ ءىرىڭدى شەمىرشەك قابىنۋىنا اپارىپ سوعادى، اۋەلى، قۇلاقتىڭ سولۋىن كەلتىرىپ شىعارۋى مۇمكىن. ەگەر قۇلاقتىڭ شەمىرشەك بۋىنىن تەسسە، جازىلعان كۇننىڭ وزىندە ادەتتە سىرتقى ۇيكەلىستىڭ اسەرىنە كوپ ۇشىرايتىندىقتان ۋاقىت ۇزارا كەلە جانە دە شەمىرشەك قابىنۋى، شەمىرشەك قالىڭداۋ اۋرۋلارىن كەلتىرىپ شىعارادى.


  لي شيجۇن دوكتور مىنانى ەسكەرتەدى: استە قۇلاق تۇيمەشىگىن، ياعني كىشى قۇلاقتى تەسپەۋ كەرەك، ەگەر قاتتى جارالانسا بەت ءپىشىنىنىڭ جانسىزدانۋىن كەلتىرىپ شىعارادى.


  قۇلاق - مۇرىن ءبولىمىنىڭ ماماندارى مىنانى ەسكەرتەدى: بازارداعى سپيريت ارقىلى دەزينفەكسيالاپ قۇلاق تەسۋ ءادىسى، ءىس جۇزىندە دۇرىس دەزينفەكسيالاۋ جولىنا جاتپايدى. عىلمي جولمەن ايتقاندا، ءار رەت جوعارى قىسىممەن دەزينفەكسيالاپ تۇرۋ، سونىمەن بىرگە قۇلاق تەسۋ قۇرالىنان جۇعاتىن جۇقپالى اۋرۋلاردىڭ الدىن الۋ كەرەك. ەگەر قۇلاق تەسۋ قۇرالىنىڭ تازالىعى جاقسى بولماعاندا قۇلاق تەسىگىنىڭ ماڭى اۋىرىپ قىشيدى، قىزارىپ ىسىنەدى، سۋلى ءىرىڭ اعادى. اۋىر بولعاندا قۇلاق اۋرۋىن، ءتىپتى، ارتىق ەت وسپە شىعۋ ىقتيمالدىعى دا كۇشتى. سونىمەن قاتار قان اۋرۋىن جۇقتىرۋى دا مۇمكىن. ماسەلەن: ايدس اۋرۋى، باۋىر اۋرۋى قاتارلىلار. سوندىقتان، ءسوزسىز، تۇراقتى، ارناۋلى ورىندارعا بارىپ قۇلاق تەستىرۋ قاجەت.


  قۇلاق تەسكەننەن كەيىن ءار ۋاقىت قۇلاقتى دەزينفەكسيالاۋ، جاقسىلاپ قورعاۋ كەرەك. كەيبىر ايەل جولداستار قۇلاعىن تەسە سالا القا - مونشاق تاعادى دا جوعارىدا ايتىلعان قۇلاق قابىنۋىن كەلتىرىپ شىعارادى، ەگەر تاققان القا - مونشاق وتە اۋىر بولسا قۇلاقتىڭ سىرعالىعىن سوزىپ، قۇلاق تەسىگى زورايادى. اسقىنعاندا قۇلاق سىرعالىعى جىرىلادى. سوندىقتان سۇلۋلىقتى جانىنا بالايتىن بارشا ايەل قاۋىمىنا ايتارىمىز: سالماعى اۋىر القا - مونشاق تاعىنباۋ، ەگەر تاعۋعا تۋرا كەلسە دەر كەزىندە الىپ تاستاۋ، سول ارقىلى قۇلاق سىرعالىعىن قورعاۋ كەرەك. (كەلۋ قاينارى: شينجياڭ گازەتى )


  اۋدارعان: ساۋلە جانات قىزى