قاراقولداردى تازالاپ، سۇرقيالىقتى الاستاۋدا 12-ءتۇرلى ساقتانۋ مىسالى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2018-03-10 20:38:00


    جۇڭحۋا حالىق رەسپۋبليكاسى ەڭ جوعارى حالىق سوتى، ەڭ جوعارى پراكراتۋرا مەكەمەسى مەن قوعام حاۋىپسىزدىگى مينيسترلىگى، ادىليا مينسترلىگى شىعارعان «قارا قوعام سيپاتتى سۇرقيا كۇشتەردىڭ قىلمىس دەلوسىن ءبىر جاقتى ەتۋ جونىندەگى ءبىر قىدىرۋ ماسەلەرگە جەتەكشى پىكىردە» بىلاي دەپ اشىق ورتاعا قويىلدى: «ادۋاكات ۋاكىلەتتىككە العان دەلونى قاراۋ بارىسىندا قىلمىس كۇماندىسىمەن كەزدەسۋدە تۇزىمگە قيعاشتىق جاساسا؛ جەڭ ۇشىنان جالعاسىپ، اشىق حات جاريالاپ، ينتەرنەت ارقىلى ۇيىمداسىپ، پىكىر تالاسىن تۋدىرۋ سياقتى ادىستەر ارقىلى نەمەسە دەلونى قاراۋ اتىندا قوعامدىق پىكىر-تالاس تۋدىرىپ، ءادىليا تاراۋلارى مەن ءادىليا تۇزىمىنە قارسى شابۋىلداسا؛ داۋگەر نەمەسە باسقا ادامداردى جەلىكتىرىپ، ءسوز ۇيرەتىپ ءادىليا تاراۋلارىنىڭ نەمەسە باسقا مەملەكەت ورگاندارىنىڭ شىرقىن بۇزىپ، تاقتا، كەرمە تۋ كوتەرۋ، ۇرانداۋ سياقتى زاڭسىز تاسىلدەرمەن الەۋمەتتىك ءتارتىپتى ءبۇلدىرىپ، الەۋمەتتىك حاۋىپسىزدىككە حاۋىپ توندىرسە؛ تۇزىمگە قايشىلىق جاساپ اشىق جاريالانباعان تەرگەۋدەگى دەلونىڭ ءوز قولىنداعى نەمەسە باسقا ادۋاكاتتىڭ قولىنداعى ينفورماتسيا، ماتەريالدارىن تاراتسا زاڭ بويىنشا قىلمىستى ىستەر جاۋاپكەرشىلىگى قۋزاستىرىلادى».


    بۇگىن ءبىز بۇرىنعى دەلو مىسالدارى ارقىلى ادۋكاتتار دەلوعا ۋاكىلەتتى بولعان كەزدە، اسىرەسە قارا قوعام سيپاتتى كۇشتەرگە قاتىستى دەلونى قاراۋ بارىسىندا قانداي حاۋىپ-قاتەردەن ساقتانۋ كەرەكتىگىن ەسكەرتەمىز:


    1. قۇپيالىققا قاتىستى دەلولاردىڭ ماتەريالدارىن جانە باسقا ينفورماتسيالارىن قىلمىس كۇماندىلارىنا جانە ونىڭ جاقىندارىنا كورسەتۋ - مەملەكەت قۇپيالىعىن شاشۋ قىلمىسى


    مىسال: 2011-جىلى گانسۋداعى ۋاڭ فاملليالى ادۋاكات بەلگىلى ءبىر قوعام حاۋىپسىزدىگى مەكەمەسىنىڭ «ايىپتاۋ پىكىرناماسى» سياقتى دەلوعا قاتىستى ماتەريالدارىن سۋرەتكە تارتىپ، ونى كوبەيتىپ قىلمىس كۇماندىسىنىڭ تۋىسى گۋان x كە بەرگەن. ءىس اشكەرىلەنگەننەن كەيىن گانسۋ ولكەلىك مەملەكەت قۇپيالىعىن قورعاۋ مەكەمەسى بۇل «ايىپتاۋ پىكىرناماسىنىڭ» دارەجەسى مەملەكەت قۇپيالىعىنا جاتاتىندىعىن ساراپتاپ تۇراقتاندىرىپ، ۋاڭx تىڭ ۇستىنەن ءىس-شارا قارالىپ، جەرگىلىكتى سوتتىڭ 1-تەرگەۋىندە ونىڭ ارەكەتىن مەملەكەت قۇپيالىعىن شاشۋ قىلمىسى دەپ تۇراقتاندىرىپ، 6 اي مەرزىمدى قاماۋ ۇكىمىن شىعارادى. 2-تەرگەۋدە زاڭ قولدانۋدا قاتەلىك بولعاندىعى سەبەپتى قىلمىس ۇكىمى كۇشىنەن قالدىرىلدى.


    بۇل عانا ەمەس «ەڭ جوعارى حالىق سوتى گازەتىنىڭ» 2004-جىلعى 2-سانىندا «يۇيپيڭنىڭ قاساقانا مەملەكەت قۇپيالىعىن شاشۋ قىلمىسى» اتتى ماقالادا دا ادۋكاتتىڭ دەلو ماتەريالدارىن داۋگەرگە كورسەتكەنى ءۇشىن قىلمىسقا كەسىلگەنىن جازدى. سوتتىڭ 2-تەرگەۋىندە قىلمىسسىز دەپ شىعارىلعان بولسادا، ءبىراق وسى ەكى ادۋاكاتتىڭ جولىققان ءىسى بارشا ادۋاكاتتارعا ءبىر ەسكەرتۋ دەۋگە بولادى. استە 2-رەتكى تەرگەۋدە قىلمىسىز دەپ شىعارىلعانىنا بولا نەمقۇرايدى قاراپ قالماڭىز، اسىرسە قارا قوعام سيپاتىندىق دەلولاردىڭ قۇپيالىعى كۇشتى، دەلوعا قاتىستى ماتەريال، ينفورماتسيالاردى قىلمىس كۇماندىسىنا نەمەسە ونىڭ جاقىندارىنا جەتكىزەم دەپ باسىڭىزعا پالە تاۋىپ الماڭىز.


    2. ۇقىق پەن اقشا ساۋداسىن ىستەپ، ءادىليا قىزمەتكەرلەرىنە ارىز-شاعىم دالەلىمەن قامداۋ - پارا بەرۋ قىلمىسى


    مىسال: 2010-جىلدان 2014-جىل ارالىعىندا جىجياڭداعى ۋاڭ فاملليالى ادۋاكات بۇرىندى-سوڭدى كوپ رەت قاراستى قالالىق قاماقحانانىڭ ساقشىسى ساي xx، ديڭxx، ۋاڭ x جانە قالالىق سوت مەكەمەسىنىڭ قىلمىستى ىستەر كوللوگياسىنىڭ ورىنباسار سوت باستىعى چىن x قاتارلىلارعا جالپى 171 مىڭ يۋان پارا بەرگەن، 2014-جىلى 10-ايدىڭ 21-كۇنى جاۋشيڭ قالالىق سوت مەكەمەسى پارا بەرۋ قىلمىسى دەپ تۇراقتاندىرىپ، 1 جىل 3 ايلىق مەرزىمدى قاماق جازاسىنا ۇكىم ەتتى.


    كەلسە-كەلمەس حالىق ساقشىسى، پروكۋرور، سۋديا سياقتى ءادىليا قىزمەتكەرىلەرىنە پارا بەرۋگە بولمايدى. ءسال ميڭىزدى ىستەتسەڭىز مۇنداعى قاتەردىڭ قانشالىق ۇلكەن ەكەندىگىن بىلە الاسىز، اسىرەسە قارا قوعام سيپاتىندىق ۇيىمدارعا قاتىستى دەلولاردا ءتىپتى دە بولمايدى. بۇلاي ىستەۋ كاسىپتىك ءمورالعا جات قىلىق، سونداي-اق ەڭ سوڭىندا داۋگەرىڭىزدى تۇرمەگە وتىرۋدان اراشالاپ قالا المايسىز، كەلەر-كەتەرى انىق جۇمىستا اقىماقتىق ىستەي كورمەڭىز!


3. بايلانىس ارقىلى «ادام تارتىپ» قول ۇزدىك الۋ - الدامشىلىق قىلمىسى


    مىسال: 2014-جىلى حۋبەيدەگى لۇي فاملليالى ادۋاكات جالعاننان زياندالۋشى اتىندا داۋگەرمەن كەلسىمناماعا قول قويعان، سونداي-اق 500 مىڭ يۋاندىق قول ۇزدىك العان، سۋديامەن «بايلانىس» ورناتىپ جانە ءتۇرلى قاراجات پەن سىلتاۋ تاۋىپ ەكى رەت مىندەتتەۋشىدەن 200 مىڭ يۋاننان استام اقشا الداپ العان. حۋبەي ولكەسى حۋاڭشى قالالىق سوت مەكەمەسى الدامشىلىق دەلوسى دەپ تۇراقتاندىرىپ، لۇي xx تى 10 جىل 6-ايلىق مەرزىمدى قاماۋ ۇكىمىن شىعاردى، ءارى 50 مىڭ يۋان ايىپ سالدى.


    2015-جىلى بەيجيڭدەگى لي فاملليالى ادۋاكات سوڭعى تەرگەۋدە جەڭىپ شىعاتىنىنا كەپىلدىك بەرىپ، مىندەتتەۋشىدەن 4 ميلليون 100 مىڭ يۋان الىپ الدامشىلىق قىلمىسىن وتكىزگەندىگى سەبەپتى 14 جىل 6 ايلىق مەرزىمدى قاماۋ جازاسىنا كەسىلدى، سونداي-اق 800 مىڭ يۋان ايىپ سالىندى.


    ادۋاكات بولعان ادام ءسوزسىز زاڭ-تۇزىمگە قۇرمەت ەتۋى، زاڭ-تۇزىمدى ەستە بەرىك ساقتاپ، كاسىپتىك ءمورال جانە كاسىپتىك باسقارۋ تۇزىمىنە بويسۇنۋى كەرەك. زاڭدى ءبىلىپ تۇرىپ، زاڭعا قايشىلىق جاساعاندار زاڭ بويىنشا قاتاڭ جازاعا تارتىلاتىنىن ەسىنەن شىعارماعانى ابزال.


    4. قىلمىس كۇماندىسىنا كومەكتەسىپ، جەڭ ۇشىنان جالعاسىپ، جالعان دالەل-فاكىت جاساۋ- اقتاۋشىنى قارالاۋ قىلمىسى


    مىسال: 2016-جىلى گۋاڭدۇڭ ولكەسىندەگى لي فاملليالى ادۋاكات ۋاكىلەتتى بولعان باسقىنشىلىق دەلوسىن قاراۋ بارىسىندا زياندالۋشى حۋاڭ x تى «دەلو تۋىلعان كۇنى ءوز ەركىمەن تاڭ x پەن جىنىستىق قاتىناس وتكىزگەن» دەگەن جالعان سپات شىعارادى. گۋاڭدۇڭ ولكەسى فوشان قالاسى سانشۇي رايوندىق حالىق سوتى اقتاۋشىنى قارالاۋ قىلمىسى دەپ تۇراقتاندىرىپ، ءبىر جىلدىق مەرزىمدى قاماۋعا ۇكىم ەتتى.


    ادۋاكات بولعان ادام ءسوزسىز ءوزىنىڭ سالاۋاتى مەن كاسىبى جونىندە دۇرىس تانىمدا بولىپ، ءوز داۋگەرىنىڭ مۇددەسىن ءسوزسىز زاڭعا قيعاشتىق جاساماۋ نەگىزىندە ناقتى قورعاۋى كەرەك.


    5. قىلمىس كۇماندىسىن شىرعالاپ، اۋزىنان جالعان سپات الىپ، باسقانى قورعاۋ - قىلمىسكەرگە جان باسۋ قىلمىسى


    مىسال: 2013-جىلى گۋاڭدۇڭداعى چى فاملليالى ادۋاكات مەملەكەت زاڭىن كوزگە ىلمەي، لين xx تىڭ لي xx قاتارلىلاردىڭ جوۋ گويۇيدى قاساقانا زاقىمداۋ دەلوسىنىڭ پەردە ارتىنداعى قىلمىس كۇماندىسى ەكەندىگىن بىلە تۇرا، لين xx تى زاڭ تۇزاعىنان قۇتقارۋ ءۇشىن ادۋاكات سالاۋاتىن پايدالانىپ، لين xx تەن پارا الىپ، لي xx تىڭ اقتاۋشى ادۋاكاتى بولىپ، كوپ رەت ونى شىرعالاپ جالعان سپات جاساپ، لين xx تىڭ قاساقانا ادام زاقىمداعان قىلمىسىن بۇركەمەلەپ قالماقشى بولادى. گۋاڭدۇڭ ولكەسى ماۋميڭ قالالىق سوت مەكەمەسى قىلمىسكەرگە جان باسۋ قىلمىسى دەپ تۇراقتاندىرىپ، 7 ايلىق مەرزىمدى قاماۋ جازاسىنا ۇكىم ەتتى.
مۇنداي جاعدايلار ادۋاكات قارا قوعام سيپاتىندىق سۇرقيا كۇشتەرگە قاتىستى دەلو قاراۋ بارىسىندا كوپ كەزىگەدى. قارا قوعام سيپاتىندىق كۇشتەردىڭ قىلمىسىنىڭ كوبى ۇيىمدىق جانە توپتىق قىلمىس وتكىزۋ بولعاندىقتان توپتىڭ اتامانى ادەتتە ەكونوميكالىق قۋاتى كۇشتى ادام بولىپ، قاشاندا زاڭ قورىعىنان قۇتىلىپ كەتۋ ءۇشىن ادۋاكات ارقىلى قىلمىسىن بىرەۋگە اۋدارىپ كەتۋ جاعدايى كوپ كەزدەسەدى. سوندىقتان ادۋاكات ءسوزسىز سەرگەك بولىپ، اراندالىپ قالماعانىڭىز ءجون.


    6. جوسپارلانعان جالداپتىق ىستەۋ دەلوسى، ۇكىمەتتىڭ وبرازىنا جانە ءادىليانىڭ ادىلدىگىنە كۇيە جاعاۋ- مەملەكەت بيلىگىن زيانداۋ قىلمىسى


    مىسال: 2012-جىلدان باستاپ بەيجيڭدەگى جوۋ فاملليالى ادۋاكات فىڭرۇي ادۋكاد ىستەرى باسقارماسىنىڭ تەكشەسىندە كوپتەگەن زاڭسىز ادۋاكاتتارمەن جەڭ ۇشىنان جالعاسىپ، ينتەرنەت ارقىلى، استىرتىن توپ قۇرىپ، شەتەل جاۋ كۇشتەرىمەن بىرلەسىپ ىلگەرىندى-كەيىندى 40 تان استام سەزىمتال ۋاقيعالاردى جوسپارلاپ، جالداپتىق ىستەگەن بولىپ، بۇقارانىڭ پارتيا مەن ۇكىمەتكە نارازىلىعىن تۋدىرىپ، ۇكىمەت وبرازىنا جانە ءادىليانىڭ ادىلدىگىنە كۇيە جاققان، ءادىليانىڭ قالىپتى قىزمەتىنە اۋىر نۇقسان جەتكىزىپ، قوعامدىق ءتارتىپتى اۋىر دارجەدە ءبۇلدىرىپ، مەملەكەت ءىشى-سىرتىنا جامان ءتاسىر قالدىردى. جوۋ شىفىڭ مەملەكەتتىك بيلىگىن زيانداۋ قىلمىسىن وتكىزگەندىگى سەبەپتى 7 جىل مەرزىمدى قاماۋ جاساسىنا ۇكىم ەتىلىپ، ساياسي ۇقىعىنان 5 جىل ماقۇرىم ەتىلدى.


    7. قىلمىس كۇماندىسىنىڭ جازاسىن جەڭىلدەتۋ نەمەسە قۇتىلدىرۋ ماقساتىندا جالعاننان دالەل-سپات جاساۋ- اقتاۋشىنىڭ جالعاننان دالەل-سپات جاساۋىنا كومەكتەسۋ قىلمىسى


مىسال: 2008-جىلى حۋبەي ولكەسىندەگى يان فاملليالى ادۋاكات 100 مىڭ يۋانعا قىلمىستى ىستەر دەلوسىنىڭ ادۋاكاتى بولىپ، جاۋاپكەر ۋاڭ xx تىڭ قىلمىسىن كەشىكتىرىپ اتقارتۋ نەمەسە ءبىر جىلدىق قاماۋ جازاسىن بەرگىزۋگە كەلىسىپ، يۇينجي ساقشى اترەتىنىڭ ساقشىسى گاۋ xx كە پارا بەرىپ، جالعاننان دالەل-سپات جاساپ ايىتپالۋشىنى ءبىر جىل قاماۋ جاساسىن ءبىر جىل كەشكتىرىپ اتقاراۋ ۇكىمىنە كەستىرەدى.


    8. ساقشى سياقتى زاڭ اتقارۋشىلارعا دەلو قاينارىمەن قامداعانى ءۇشىن قول ۇزدىك بەرۋ - پارا بەرۋ قىلمىسى


    2012-جىلدان باستاپ انحۇيداعى گاۋ فاملليالى ادۋاكات كوپ رەت ساقشى جاڭ xx ، ۋاڭ xx ارقىلى دەلو قاينارىن تاۋىپ وتىرعان، قارىمجى رەتىندە ءار جولى ول ەكەۋىنە نەشە ون مىڭداعان قول ۇزىك بەرگەن، جالپى بەرگەن اقشاسى 7 ميلليون 14000 يۋان بولعان. انحۇي ولكەسى چاڭفىڭ اۋداندىق حالىق سوتى وعان 6 جىلدىق مەرزىمدى قاماۋ جازاسىن بەرۋ ۇكىمىن شىعاردى.


    9. ادۋاكات قىلمىس كۇماندىسىنا كەزىگۋ ورايىندا شەكتەلگەن بۇيىمداردى بەرۋ - ەسىرتكى تاسىمالداۋ قىلمىسى


    2013-جىلى شاڭحايداعى جاڭ فاملليالى ادۋاكات قىلمىس كۇماندىسى ۋ x تىڭ اپەكەسىنىڭ مىندەتتەۋىندە ۋ xx تىڭ ەسىرتكى قۇمارى بارىن ءبىلىپ، كەزدەسۋ ورايىندا 9 رەت ۇكىمەت شەكتەگەن قۇرامىندا دولوفين قۇرامى بار سۋسىندىق بەرگەن. سوت ەسىرتكى ساۋدالاۋ قىلمىسى دەپ تۇراقتاندىرىپ، ونى 10 ايلىق مەرزىمدى قاماۋ جازاسىنا ۇكىم ەتتى جانە 2000 يۋان ايىپ سالدى.


    10. ادۋاكات سالاۋاتى شەكتەلگەن مەزگىلدە اقتاۋشى بولۋى - الدامشىلىق قىلمىسى (مەملەكەت ورگاندارىنىڭ قۇجات، كۋالىك، تاڭبالارىن جالعاننان جاساۋ قىلمىسى)


    مىسال: 2011-جىلى جيلينداعى چى فاملليالى ادۋاكات ادۋاكاتتىق زاڭ اتقارۋ كۋالىگىن بايچىڭ قالالىق ءادىليا مەكەمەسى 2011-جىلى 5-ايدىڭ 15-كۇنى كۇشىنەن قالدىرادى. سوندا دا ول ادۋاكات سالاۋاتىمەن سۇن xx تىڭ مىندەتتەۋىن قابىلداپ، سۇن x تىڭ قاساقانا كىسى ءولتىرۋ دەلوسىنا اقتاۋشى بولىپ، 46 مىڭ يۋان الداپ الادى، مۇنىڭ ىشىندە ادۋاكاتتىق مىندەتتەۋ اقسى 6 مىڭ يۋان، ادۋاكات اقىسى رەتىندە 40 مىڭ يۋان بولادى. جەرگىلىكتى سوت ونىڭ الدامشىلىق قىلمىسى ءۇشىن 2 جىلدىق مەرزىمدى قاماۋ جازاسىنا ۇكىم ەتتى.


    11. ازماتتىق ىستەر ارىز-شاعىمىندا دالەل-سپاتتى جالعاننان جاساپ، شىندىقتى بۇرمالاۋ - ارىز-شاعىمدى جالعاننان جاساۋ قىلمىسى


    مىسال: 2013-جىلى فۋجيانداعى لين فاملليالى ادۋاكات جىن xx پەن باسقالاردىڭ ازاماتتىق ىستەر دەلوسىنا ارالاسىپ، ونىڭ زيانىن ازايتۋ ماقساتىندا جياڭ xx تىڭ اقشا كارتوچكاسىنا اقشا جوتكەپ، قايتا شىعارىپ، قايتالاي جوتكەۋ ءادىسىن قولدانىپ، جالپى جىن xx تىڭ جياڭ xx كە 1 ميلليون 120 مىڭ يۋان اقشا قارىز بەرگەن ەسەپ كەستەسىن شىعارتىپ، جياڭ xx كە وسىمىمەن 1 ميلليون 300 مىڭ يۋان قارىز بەردىم دەگەن جالعان قارىز اقشا تالونىن شىعارتىپ، فوۋجوۋ قالاسى گۋلوۋ رايوندىق سوت مەكەمەسىنە ازاماتتىق ارىز-شاعىم كىرگىزىپ، سوتقا جوعاردا ايتىلعان قارىز اقشا مەن ءوسىمىن قايتارتىپ بەرۋ تالابىن قويادى. ءىس انىقتالعاننان كەيىن سوت لين xx تى جالعان ارىز-شاعىم بەرۋ قىلمىسى دەپ تۇراقتاندىرىپ، 9 اي مەرزىمدى قاماۋ جازاسىن ءبىر جىل كەشىكتىرىپ اتقارۋ ۇكىمىن شىعارادى ءارى 5000 يۋان ايىپ سالادى.


    12. ازماتتىق ىستەر، اكىمشىلىك ارىز-شاعىمىندا باسقالارعا كومەكتەسىپ دالەل سپاتتى جالعاننان جاساپ، جالعان فاكت بەرۋ - جالعان دالەل سپات بەرۋگە كومەكتەسۋ قىلمىسى


    مىسال: 2014-جىلى جىجياڭداعى لي فاملليالى ادۋاكاتقا جاۋشيڭ قالاسى حىچياۋ رايوندىق حالىق سوت مەكەمەسى جالعاننان دالەل-سپات جاساۋعا كومەكتەسۋ قىلمىسىن تۇراقتاندىرىپ، ءبىر جىلدىق مەرزىمدى قاماۋ جازاسىن ەكى جىل كەشكتىرىپ اتقارۋ ۇكىمىن شىعاردى. لي xx بۇل ۇكىمگە رازى بولماي جوعارىعا ارىزدانادى، 2015-جىلى 5-ايدىڭ 18-كۇنى جاۋشيڭ قالالىق ورتا سوتى ارىزدى قايتارىپ، اۋەلگى ۇكىمدى كۇشكە يە دەپ جاريالايدى.


    ەڭ سوڭعى تۇجىرىم: ادۋاكات جۇڭگوشا سوتسياليستىك قوعامنىڭ زاڭ قىزمەتكەرى بولعاندىقتان، ورتالىقتىڭ قارا قوعام سيپاتتى سۇرقيا كۇشتەرگە ارناۋلى سوققى بەرۋ شەشىم-ورنالاستىرۋىن باتىل دايەكتىلەندىرىپ، قارا قول سيپاتىندىق سۇرقيا كۇشتەرمەن شايقاس جاساۋعا بەلسەندىلىكپەن قاتىناسىپ، قارا قول سيپاتىندىق سۇرقيا كۇشتەرگە قاتىستى دەلولاردى زاڭ-ءتۇزىم بويىنشا قاراپ، ءادىليا تاراۋلارىنىڭ ءاربىر دەلونى ءادىل ءبىر جاقتى ەتۋىنە كومەكتەسۋى كەرەك. ءبىر جاعىنان قىلمىس كۇمانداسىنىڭ زاڭدى ۇقىعىن قورعاۋعا باتىل بولىپ، وبالدى بولۋ، دەلو قاتە ءبىر جاقتى ەتۋىنەن ساقتانۋمەن بىرگە، شىندىقتى ءىس جۇزىنەن ىزدەپ، زاڭنىڭ ادىلدىگىن قورعاۋى، ناقتى دالەل-سپات تاۋىپ، ناعىز قىلمىسكەردىڭ زاڭ تورىنان قۇتىلىپ كەتۋىنىڭ الدىن الۋى، پايدا ءۇشىن زاڭدى ءبىلىپ تۇرىپ، زاڭعا قايشىلىق جاساماۋى، ادۋاكاتتىڭ وبرازىنا نۇقسان جەتكىزبەۋى كەرەك.

حانزۋشادان اۋدارعان راحىمان قادەن ۇلى (تورابىمىزدىڭ ۇسىنىس ەتىلگەن ءتىلشىسى)