ۇرىمجىدە مەتروعا وتىرۋدا بىلۋگە ٴتيىستى تۇيىندەر
كەلۋقاينارى: |جاۋاپتى رەداكتور: | جاڭالانعان ۋاقىت:2018-04-29 15:34:00


8-ٴساۋىر، ٷرىمجى قالالىق 16-كەزەكتى حالىق قۇرىلتايى تۇراقتى كوميتەتىنىڭ 10-رەتكى ماجىلىسىندە «ۇرىمجىدەگى رەلىستى قاتىناستاردى باسقارۋ ەرەجەسى» ماقۇلدانىپ، مەتروعا شىعۋدا الىپ جۇرۋگە بولمايتىن بۇيىمدار جونىندە انىق بەلگىلەمەلەر شىعاردى. ولار مىنالار:


1. مىسىق، ٴيت سياقتى ٴتىرى جانۋارلاردى مەتروعا الىپ شىعۋعا بولمايدى. (كۋالىگى تولىق، باسقالاردى جارالاۋدان ساقتانۋ اسپاپتارى تاعىلعان سوقىرلارعا جول باستايتىن ٴيت مۇنىڭ سىرتىندا)


2. جەل تولتىرىلعان شاردى مەترو ايالداماسىنا اكەلۋگە بولمايدى. شاردىڭ ىشىندە ادەتتە وتتەگى بولادى، ەگەر جەل تولتىرىلعان شار قولدان شىعىپ كەتىپ، اۋماق ارالىقتى رەلىسكە كىرىپ، ٴتيىسۋ تورابىمەن جاناسۋ جاعدايى تۋىلسا، مەترونىڭ توقتاۋىنا اپارىپ سايادى. گۋاڭجوۋ، شي-ان قاتارلى قالالاردا بۇرىن وسىنداي جاعداي ٴجۇز بەرگەن ەكەن. ونىڭ ۇستىنە شار جارىلىپ كەتسە وقىستان ٴورت كەتۋى، ادامدار توپتاسقان جەرگە بارىپ «تارس» ەتىپ جارىلسا، جاي تۇرعان بۇقارانى دۇرلىكتىرۋى مۇمكىن.


3. ۆەلەسيپەت سياقتى باسقالاردى وڭاي جارالايتىن نارسەلەردى مەتروعا الىپ شىعۋعا بولمايدى.


بۋىنشاق-تۇيىنشەك ولشەمىنە تولاتىن بۇكتەمەلى ۆەلەسيپەتتى الىپ شىعۋعا بولادى، الايدا باسقا جولاۋشىلاردىڭ ٴجۇرىس-تۇرىسىنا ىقپال جاساماۋى ٴتيىس.


4. مەترودا ناۋقاس جانە نارەستەلەردەن باسقالاردىڭ تاماق جەۋىنە بولمايدى. مەترو ۆاگونى الەۋمەتتىك ورىن، جاعىمسىز ٴيىستى ازىقتىقتاردى الىپ شىعۋعا بولمايدى ٴارى مەترودا تاماق جەۋگە بولمايدى. ىشكى ولكەدەگى كەيبىر قالالاردا ٴيىسى مۇرىندى تىتىركەندىرەتىن حيميالىق بۇيىمدار مەن ساسىق بۇرشاق ىرىمشىگى سياقتى ازىقتىقتاردى مەتروعا الىپ شىعۋ شەكتەلگەن.

دەرەككوزى: «ٷرىمجى كەشكى گازەتى» 16-ٴساۋىر كۇنگى سان


اۋدارعان: قاۋسىلقان قاسىمقان ۇلى (تورابىمىزدىڭ ۇسىنىس ەتىلگەن ٴتىلشىسى)