جالعاننان ءسوز بايلاسىپ،ءتورت ازاماتتان 140 مىڭ يۋان قىمقىرعان نەكەلى ايەل
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-05-02 15:13:00


    داي جياۋمەي،  سۋ گاڭۋي


    اتاققۇمارلىققا بەرىلىپ، ىرعىن پايداعا كەنەلۋدى كوزدەگەن نەكەلى ايەل، جالعاننان ءسوز بايلاسىپ، نەكەلەنۋدى سىلتاۋراتىپ، 3 جىلدان ارتىق ۋاقىتتا ىلگەرىندى-كەيىندى ءتورت ازاماتپەن ءسوز بايلاسىپ، ولاردان قۇنى 140 مىڭ يۋاندىق اقشا جانە زاتتىق بۇيىم الداپ العان.


    كەزەكتە، قىلمىس كۇماندىسى ۋاڭ xx الدامشىلىق قىلمىسىمەن ساۋان اۋداندىق قوعام حاۋىپسىزدىگى مەكەمەسى جاعىنان قولعا الىندى.


    زيانكەستىككە ۇشىراۋشى جاۋ xx 4-ايدىڭ 5-كۇنى ساۋان اۋداندىق قوعام حاۋىپسىزدىگى مەكەمەسىنىڭ قىلمىستىق ىستەر ۇلكەن اترەتىنە دەلو مالىمدەپ، 3 جىلدان ارتىق ۋاقىت ءسوز بايلاسىپ، نەكەلەنبەكشى بولعان «قالىڭدىعىنىڭ» ونى الداپ، 100 نەشە مىڭ يۋانىن قىمقىرعانىن ايتادى. دەلونى قابىلداعان سوڭ، دەلو تەكسەرۋشى ساقشىلار قاتىستى ءىز-دەرەكتەرگە نەگىزدەلىپ، دەرەۋ دەلو تۇرعىزىپ تەكسەرۋ جۇرگىزەدى. تەكسەرۋ ارقىلى قىلمىس كۇماندىسى ۋاڭ xx تىڭ نيڭشاعا قاشىپ كەتكەندىگىنەن حاباردار بولادى.


    4-ايدىڭ 9-كۇنى نيڭشيانىڭ يىنچۋان قالاسىندا جاسىرىنىپ جاتقان ۋاڭ xx ساقشىلاردىڭ قايتا-قايتا يدەيالىق تاربيە جۇرگىزۋىنىڭ ناتيجەسىندە، ساۋان اۋدانىنا قايتىپ ءوزىن مالىمدەۋگە ءماجبۇر بولادى.


    تەرگەۋ ارقىلى 2015-جىلى 3-ايدا 25 جاستاعى قىلمىس كۇماندىسى ۋاڭ xxاتا مەكەنى گانسۋدا نەكەسىز بالالى بولعان سوڭ، ساۋان اۋدانىنا كەلىپ،ءمالىم زاۆودقا جۇمىسقا ورنالاسادى. وسى بارىستا ناقتىلى جاعدايدى جاسىرىپ،ءبىر سەحتا جۇمىس ىستەيتىن جاۋ xx پەن ماحابباتتاسادى. 2018-جىلى 3-ايدا جاۋ xx ۋاڭ xx تىڭ 2016-جىلى 12-ايدا كورلا قالاسىنىڭ قاراشار اۋدانىنداعى تيان xx پەن نەكەلەنگەندىگىن بىلەدى.


    وسى 3 جىلدا ۋاڭ xx القا- مونشاق جانە زات ساتىپ الۋ ءۇشىن جاۋ xx تەن تالاي رەت ناق اقشا سۇراپ، ىلگەرىندى-كەيىندى قۇنى 140 مىڭ يۋاندىق اقشا جانە زاتتىق بۇيىم العان. نەكەلەنگەنى اشكەرەلەنىپ قالعاننان كەيىن، جاۋ xx تىڭ اقشاسى مەن زاتىن قايتارىپ بەرۋگە شاماسى كەلمەگەندىكتەن، بيىل 3-ايدا ۋاڭ xx قاراسىن ءوشىرىپ، نيڭشيا ولكەسىنىڭ يىنچۋان قالاسىنا جاسىرىنىپ الادى.


    ۇعىسۋعا قاراعاندا، قىلمىس كۇماندىسى ۋاڭ xx جاۋ xx پەن ماحابباتتاسقان 3 جىلدا ەشقاشان شىنايى سۇيىسپەنشىلىك ورناتپاعان، قايتا وسى زاۆودتاعى جاسى شامالاس 3 ازاماتپەن جاسىرىن ءسوز بايلاسىپ، اقشا قاجەت بولسا بولعانى جاۋ xx قاتارلى ءتورت ازاماتتان اقشا الىپ وتىرعان ەكەن.


    2017-جىلى اقپاندا ارانى اشىلعان ۋاڭ xx كۇيەۋى تيان xx تى ءوزى ىستەپ جاتقان زاۆودقا تانىستىرادى، سول جىلى 7-ايدا كۇيەۋى جۇمىستان قول ءۇزىپ قاراشار اۋدانىنا قايتادى. وسى بارىستا ۋاڭ xx جاۋ xx قاتارلى 5 ازاماتپەن بولعان قاتىناسىن شىپ-شىرعاسىن شىعارماي جالعاستىرىپ وتىرعان، باسقا كوڭىلدەسى بايقاپ قالعان كۇندە دە تۋىسىم نەمەسە اۋىلداسىم ەدى دەگەندەي سىلتاۋلارمەن جونگە سالعان.


    دەلو تۋىلعاننان كەيىن ساقشىلار قالعان زيانكەستىككە ۇشىراۋشىلاردى شاقىرىپ اكەلگەندە بارىپ، وزدەرىنىڭ الدانعانىن بىلگەن،اقشا جانە زات الداپ العان رەت سانى كوپ بولعاندىقتان، ۇساق اقشالاردىڭ ەسەبىن شىعارۋدىڭ مۇمكىندىگى بولمادى.


    كەزەكتە، قىلمىس كۇماندىسى ۋاڭ xx ساۋان اۋداندىق قوعام حاۋىپسىزدىگى مەكەمەسى جاعىنان قولعا الىندى، دەلو ىشكەرىلەي تەكسەرىلۋ ۇستىندە.


اۋدارعان: احات سانياز ۇلى
تارباعاتاي گازەتى اۋدارما-رەداكسيا ءبولىمى