توقتامداعى توبەگە ءۇي سالۋ جونىندەگى تارماق كۇشكە يە ەمەس
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-05-16 15:06:00



    ۇرىمجىدەن وقىرمانىمىز ماقسۇت حات جازىپ، قورا-جاي سەرىكتىگىمەن كەلىسكەن توقتام كۇشكە يە مە؟ دەپ كەڭەس سۇرادى. ونىڭ بايانداۋىنشا، ول 2016–جىلى بەلگىلى قورا-جاي سەرىكتىگىنىڭ تۇرعىن ۇيلەرىن كورۋ ءۇشىن بارعاندا، ءۇي ساتۋعا جاۋاپتى قىزمەتكەر ەڭ ۇستىڭگى قاباتتى ساتىپ السا، توبەسىنە ءۇي سالىپ السا بولاتىندىعىن ايتقان. سونىمەن ول ۇستىڭگى قاباتتاعى ءۇيدى ساتىپ الاتىن بولىپ كەلىسىم جاساعان ءارى كەلىسىمگە وسى جونىندە انىق ەسكەرتۋ ەنگىزگەن. ءبىراق قۇرىلىس تامامدالعاننان كەيىن توبەسىنە ءۇي سالماقشى بولعاندا، باسقا تۇرعىندار قارسى بولعان. قوجالىق سەرىكتىگى دە قارسى شىققان.


    شينجياڭ ۋنيۆەرسيتەتى زاڭ عىلىمى ينيستيتۋتىنان عالىپ سىمايىل بۇل جونىندە بىلاي دەدى: مال-مۇلىك ۇقىعى زاڭىندا: ءۇي يەسىنىڭ قۇرىلىستاعى تۇرعىن ءۇي، ساۋدا سيپاتىندىق ءۇي سياقتىلاردىڭ ءبىر بولىمىنە جەكە يەلىك ەتۋ ۇقىعى بولادى. ءبىر بولىمىنەن باسقا ورتاق بولەگىنە ورتاق يەدەرلىك ەتۋ جانە ورتاق باسقارۋ ۇقىعى بولادى؛ قۇرىلىس جانە ونىڭ قوسىمشا قۇرىلعىلارىن وزگەرتۋ، قايتادان سالۋدى كەڭەسۋدە جەكە يەلىكتەگى بولەگى قۇرىلىس جالپى كولەمىنىڭ ۇشتەن ەكى بولەگىنەن اساتىن تۇرعىنداردىڭ ماقۇلداۋىنان ءوتۋ كەرەك، دەپ بەلگىلەنگەن.


    توقتام زاڭىنىڭ 52-، 59- تاراۋىندا: بوگدە نيەتپەن ءتىل بىرىكتىرىپ، مەملەكەت، كوللەكتيۆ نەمەسە 3–جاقتىڭ ۇقىعىنا زيان جەتكىزسسە، توقتام كۇشكە يە ەمەس، قاتىستى بوگدە نيەتپەن ءتىل بىرىكتىرىپ مەملەكەت، كوللەكتيۆ نەمەسە 3–جاقتىڭ ۇقىعىنا زيان سالىپ قول جەتكىزگەن مال–مۇلىك مەملەكەت يەلىگىنە وتەدى نەمەسە كوللەكتيۆكە نەمەسە 3–جاققا قايتارىلادى، دەپ بەلگىلەنگەن.


    دەمەك، وقىرماندارىڭىزبەن قورا-جاي سەرىكتىگىنىڭ جوعارىداعى توقتامعا كەلىسۋى سوبيەكتيۆ جاقتا بوگدە نيەتپەن ءتىل بىرىكتىرۋ سانالادى. ونىڭ باسقا تۇرعىنداردىڭ ماقۇلداۋىنان وتكىزبەي توبەگە ءۇي سالماقشى بولۋى باسقا تۇرعىنداردىڭ ۇقىعىنا زيان سالادى، سوندىقتان وقىرماندارىڭىزدىڭ قورا-جاي سەرىكتىگىمەن كەلىسكەن توقتامداعى توبەگە ءۇي سالۋ جونىندەگى تارماعى كۇشكە يە ەمەس.

شينجياڭ زاڭ گازەتىنەن الىندى، اۋدارعان: سەرىك سابىر ۇلى