شيپاگەردىڭ ىشتەگى بالانى ءتۇسىرتىپ تاستاۋ جونىندە پىكىر بەرۋ ۇقىعى بولادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-05-16 15:11:00


    زاڭ اقىلشىسى ۇيىرمەسىنە: ۇيلەنىپ بەس جىلعا دەيىن ەمدەلە ءجۇرىپ، سوڭىندا جۇكتى بولدىم. ىشتەگى بالا بەس اي بولعاندا ءىشىم اۋرىپ شيپاحاناعا تەكسەرتۋگە بارسام، شيپاگەر تەكسەرىپ ىشتەگى بالادا سالماقتى تۇقىم قۋالاۋ اۋرۋى بار ەكەن، بوسانعاننىڭ وزىندە دە بالا ۇزاق عۇمىر كورە المايدى، سوندىقتان ءتۇسىرتىپ تاستا،-دەدى. شيپاگەردىڭ كەڭەسى ماعان اۋىر سوققى بولدى. شيپاگەرلەردىڭ جۇكتى ايەلدەردىڭ كوڭىل كۇيىمەن ساناسپاي، ىشتەگى بالانى الدىرىپ تاستا، دەپ پىكىر بەرۋ ۇقىعى بولا ما؟ وسى جونىندە كەڭەس بەرسەڭىز.

  قۇلجادان گۇلپيا


    زاڭ اقىلشىسى: گۇلپيا حانىم، انا–بالالار دەنساۋلىعىن ساقتاۋ زاڭىنىڭ 18–تارماعىندا بىلاي دەلىنگەن: بوسانۋدان بۇرىنعى دياگنوز قويۋدا تومەندەگى جاعدايلاردىڭ ءبىرى بايقالسا، شيپاگەر ەرلى–زايىپتى ەكى جاققا جاعدايدى انىق ءتۇسىندىرۋى ءارى ىشتەگى بالانى ءتۇسىرىپ تاستاۋ جونىندە مەديتسينالىق كەڭەس بەرۋى كەرەك: (1) ىشتەگى بالادا سالماقتى تۇقىم قۋالاۋ اۋرۋى بولسا؛ (2) ىشتەگى بالادا تۋما كەمتارلىق بولسا؛ (3) ناۋقاسى سالماقتى بولىپ، جۇكتى ايەلدىڭ ومىرىنە قاتەر ءتونۋى نەمەسە جۇكتى ايەلدىڭ دەنساۋلىق اقاۋسىزدىعىنا اۋىر ىقپال ەتۋى مۇمكىندىگى بولسا. سوندىقتان شيپاگەردىڭ جۇكتى ايەلدە سالماقتى تۇقىم قۋالاۋ اۋرۋى بار ەكەنىن باياعان سوڭ، ىشتەگى بالانى ءتۇسىرتىپ تاستاۋ جونىندە پىكىر بەرۋى جوعارىداعى بەلگىلەمەگە ۇيلەسەدى.

شينجياڭ زاڭ گازەتىنەن الىندى، اۋدارعان: سەرىك سابىر ۇلى