قۇرىلىس ورنىندا حاۋىپسىزدىك قالپاعىن كيمەگەن جارالانۋشىعا تولىق تولەم بەرىلمەيدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-06-01 15:02:00


    دەلو جاعدايى: ادام ىستەتۋشى ورىنداردىڭ جۇمىس ۇستىندە جارالانعان جۇمىسشى–قىزمەتكەرلەرگە جۇمىستا جارالانۋ تولەمىن بەرۋى زاڭعا ۇيلەسىمدى، الايدا ساۋ ۇستاز قۇرىلىس ورنىندا جارالانىپ، قۇرىلىس سەرىكتىگىنەن ەمدەلۋ اقشاسى، مۇگەدەكتىك تولەمى سياقتى بارلىق شىعىنىن تولەپ بەرۋدى تالاپ ەتسە دە، سوت مەكەمەسى قۇرىلىس سەرىكتىگى بەرۋگە ءتيىستى تولەم سوماسىن تومەندەتىپ ۇكىم شىعارعان.


    ساۋ ۇستاز 2016–جىلى 11–ايدا فۋجيان ولكەسى لۇڭيان قالاسى ليانچيڭ اۋدانىنداعى ءمالىم زاۆودتىڭ قۇرىلىس ورنىندا ىستەپ جاتقاندا، باسىنا كەرپىش ءتۇسىپ جارالانادى. شيپاگەرلەر تەكسەرۋ ارقىلى ساۋ ۇستازدىڭ شەكە سۇيەگى سىنعان، دەپ دياگنوز قويادى. ءادىليالىق باعالاۋدا ونى 10-دارەجەلى مۇگەدەك، دەپ بەكىتەدى.


    ساۋ ۇستاز وتكەن جىلى 12–ايدا ليانچيڭ اۋداندىق حالىق سوتى مەكەمەسىنە شاعىم بەرىپ، وسى قۇرىلىستىڭ اشەكەيلەۋىن مەردىگەرلىككە العان سەرىكتىكتەن ۇقىققا سايۋ تولەم جاۋاپكەرلىگىن ۇستىنە الىپ، ەمدەلۋ اقىسى، مۇگەدەكتىك تولەمى سياقتى 12 ءتۇرلى قاراجاتى ءۇشىن 125 مىڭ يۋان تولەم بەرۋدى تالاپ ەتكەن.


    سەرىكتىك وزدەرىن تەك قۇرىلىستى باسقارۋشى جاق، داۋگەردىڭ ۇقىعىنا ىلىگۋشى ەمەس، سوندىقتان تولەم جاۋاپكەرلىگىن ۇستىمىزگە المايمىز، دەپ قاراپ، ساۋ ۇستازدىڭ تولەم تالابىن تويتارادى.


    ليانچيڭ اۋداندىق حالىق سوتى مەكەمەسى بۇل دەلونى قاراپ شىققاننان كەيىن، قۇرىلىس سەرىكتىگى ٪70 تولەم جاۋاپكەرلىگىن ۇسىتىنە الىپ، ساۋ ۇستازعا 87 مىڭ 500 يۋان تولەم بەرەتىندىگى جونىندە ۇكىم شىعاردى.


    ساراپتاۋ: جاۋاپكەر قۇرىلىس سەرىكتىگى دەلوعا قاتىستى عيمارات اشەكەيلەۋ قۇرىلىسىنىڭ باس مەردىگەرى، سوندىقتان قۇرىلىس ورىننىڭ حاۋىپسىزدىك قامتاماسىزداندىرۋ شاراسى جانە جۇمىسشىلاردىڭ حاۋىپسىزدىك قالپاعىن كيۋى سياقتى قىزمەتتەردى باسقارۋ جاۋاپكەرلىگى بار، قۇرىلىس سەرىكتىگى باسقارۋ قىزمەتىن ويداعىداي ىستەمەي داۋگەردىڭ جارالانۋىنا سەبەپكەر بولعان، سوندىقتان قوسىمشا تولەم جاۋاپكەرلىگىن ۇستىنە الۋى كەرەك. ءبىراق ساۋ ۇستاز حاۋىپسىزدىك قالپاعىن كيمەي قۇرىلىس ورنىنا كىرىپ، قۇرىلىس قىزمەتكەرلەرىنىڭ حاۋىپسىز قۇرىلىس جۇرگىزۋ بەلگىلەمەسىنە قيعاشتىق ىستەگەندىگى سەبەپتى قاتىستى جاۋاپكەرلىكتى ارقالاۋى كەرەك.

«شينجياڭ زاڭ گازەتىنەن» اۋدارعان سەرىك سابىر ۇلى