توراپتاعى الدامشىلىق دەلوسىن انىقتاپ، ەل القاۋىنا بولەندى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2018-06-26 18:23:00

ايبات قاجەتبەك ۇلى


2018-جىلى قاڭتار ايىندا جەمەنەي اۋداندىق قوعام حاۋىپسزدىك مەكەمەسى قىلمىستى ىستەر اترەتى ۇنحاتتا الدانعان زياندالۋشىلاردىڭ دەلو مالىمدەۋىن ارت-ارتىنان قابىلدادى، قوعام تىنىشتىعىن وزدەرىنە امانات ەتىپ، حالىق ءۇشىن قىزمەت ەتۋ مەن قىلمىستىق ارەكەتتەرگە قاتاڭ سوققى بەرۋدى كوزدە ۇستاعان جەمەنەي اۋداندىق قوعام حاۋىپسىزدىك مەكەمەسى قىلمىستى ىستەر اتىرەتىنىڭ ساقشىلارى زاڭ بويىنشا دەلو تۇرعىزىپ تەكسەرۋ جۇرگىزدى. تەكسەرۋ بارىسىندا بارلاۋشىلار ارت-ارتىنان تۇرعىزىلعان بەس رەتكى الدامشىلىق دەلوسىنا ءار قىرىنان كوز جۇگىرتە وتىرىپ بۇنداعى ورتاقتىقتى بايقاپ، بۇل دەلولارداعى الدامشىنىڭ ۇقساس ءبىر ادام نەمەسە ءبىر الدامشىلىق توبى ىستەپ وتىرعاندىعىن العاشقى ادىمدا تۇراقتاندىرعاننان كەيىن، ارناۋلى دەلو گرۋپپاسىن قۇرىپ، بۇل رەتكى ۇلاسپالى الدامشىلىق دەلوسىنا قاراتا ارناۋلى بارلاۋ الىپ باردى، بارلاۋشى ساقشىلاردىڭ تىنباي قۇلشىنۋىندا، ۇنحاتتان پايدالانىپ الدامشىلىق ىستەگەن باX تىڭ سالاۋاتى تەز ارادا انىقتالىپ، ونىڭ قىلمىس كۇماندىسى ەكەندىگىن تۇراقتاندىرىلدى، ارناۋلى تەكسەرۋ گرۋپپاسىنداعىلار قاتىستى ورىنداردىڭ تىعىز سايكەسۋىندە قىلمىس كۇماندىسىن قۇلجا قالاسىندا قولعا ءتۇسىردى.


بۇل رەتكى الدامشىلىق دەلوسىندا قىلمىس كۇماندىسى تومەن ءوسىمدى قارىز جۇمىستارىن ءبىتىرىپ بەرۋ، سەنىمدىلىك كارتوچكاسىن ءبىتىرۋدى جەلەۋ ەتىپ زيانكەسىتككە ۇشىراۋشىلاردىڭ سەنىمىنە يە بولعان سوڭ ولاردان الدىن-الا راسيمات اقىسىن الداپ العان، دەلونىڭ كولەمى ىلە، تارباعاتاي، قارامايلى قاتارلى جەرلەردى شارپىعان بولىپ، جەمەنەي اۋداندىق قوعام حاۋىپسىزدىك مەكەمەسى دەلوداعى زيانكەستىككە ۇشىراۋشىلاردىڭ الدانعان بارلىق زيانىن تۇگەلدەي قايتارتقىزىپ، حالىقتىڭ القاۋىنا يە بولدى. 2018-جىلى 10-اقپاندا جەمەنەي اۋداندىق حالىق پىروكۋاتۋراسىنىڭ بەكىتۋىمەن قىلمىس كۇماندىسى با Xالدامشىلىق قىلمىس كۇمانىمەن قولعا الىندى.

جەمەنەي اۋداندىق قوعام حاۋىپسىزدىك مەكەمەسى قىلمىستى ىستەر اترەتى