جالعان اجىراسىپ، ايەلىنىڭ اتىندا تىزىمگە الدىرعان قوراجايدان ايىرىلدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2018-07-25 17:09:00

 

وراي قايتا كەلسە ا-پاڭ بىلەرمەندىككە باسىپ، ايەلىمەن جالعان اجىراسپاس ەدى. دەسەدە، ول بارلىعىنان كەش قالدى. وكىنگەنىمەن ورنىنا كەلەر دۇنيە جوق.


تابان ەت ماڭداي تەرىنىڭ بوداۋىنا كەلگەن 9 قورا-جايى كوزدى اشىپ جۇمعانشا ونىڭ ۋىسىنان شىعىپ ۇلگىردى.


مال-مۇلكىن جوتكەۋ ءۇشىن ول ايەلىمەن جالعان اجىراسىپ، 9 قورا جايىن ايەلىنىڭ اتىندا نوپوسقا قوندىرادى


حاڭجوۋلىق ا-پاڭ 50 جاس شاماسىندا. وسى ۋاقىتقا دەيىن تاپقان-تايانعانىمەن حاڭجوۋدان 9 قوراجاي ساتىپ العان.


بىرەر جىلدىڭ الدىندا ا-پاڭ ساۋدا سالاسىنداعىلاردان مال-مۇلىكتى جوتكەۋ ءتاسىلى ارقىلى «زاڭ-تۇزىمدىك حاۋىپ-قاتەردەن» ساقتانۋعا بولاتىنىن ەستيدى. ول ويلانىپ-تولعانۋ ارقىلى الداعى كۇندەردە ساۋداسى قۇلدىراپ زاڭدىق ايىپتاۋعا ۇشىراسا، سوتقا بەرىلسە مال-مۇلكىنىڭ زيانعا ۇشىراۋىنان الاڭدايدى. سونىمەن، ا-پاڭ «توستىك تە، ىستىك تە كۇيمەيتىن» ۇتىمدى ءادىس تابادى: «قاتىنمەن جالعان اجىراسۋ كەرەك».


انىعىندا، ا-پاڭنىڭ ايەلىمەن ىنتىماعى جاقسى ەدى. ونىڭ ۇستىنە، ا-پاڭنىڭ جالعان اجىراسۋى قورا جايدى ايەلىنىڭ اتىندا نوپوسقا قوندىرۋ ماقساتىندا بولعاندىقتان، ايەلى دەرەۋ ماقۇل بولادى.


وسىلايشا، ەرلى-زايىپتى ەكەۋى شەتەلدە اسپيرانت وقىپ جاتقان قىزىنا سەزدىرمەستەن، اجىراسۋ كەلىسىمىن جاساسىپ، ەرلى زايىپتى ەكەۋىنە ورتاق مال-مۇلىك سانالاتىن 9 قورا جايدى تۇگەلىمەن ايەلىنىڭ مەنشىگىنە اۋدارادى.


ايەلى توسىننان راكقا دۋشار بولىپ ومىردەن وزادى، كوز جۇماردان بۇرىن مال-مۇلىكتى كۇيەۋىنە قالدىرۋدى وسيەتتەيدى.


جالعان اجىراسقان سوڭ، ەرلى زايىپتى ەكەۋى بۇرىنعىداي بىرگە تۇرادى، ا-پاڭنىڭ ساۋداسىنا پالەندەي قاتەر تونبەيدى. بىلتىر جىل سوڭىندا تۇتقيىل ۋاقيعا تۋىلادى: ا-پاڭنىڭ ايەلى راكپەن ناۋقاستانىپ، عۇمىرىنىڭ ساناۋلى كۇندەرى قالعانى انىقتالادى.


سول شاقتا، ا-پاڭنىڭ ايەلى وسيەت قالدىرۋدى ويلايدى. ەرلى-زايىپتى ەكەۋى تاتۋ-ءتاتتى بولعاندىقتان جالعان اجىراسۋ كەلىسىمىن الدە قاشان ەستەن شىعارىپ جىبەرگەن ەدى. ا-پاڭنىڭ ايەلى قالدىرعان وسيەتتە: 9 قورا جايعا كۇيەۋى يەلىك ەتەدى، قىزىنىڭ مۇراگەرلىك ەتۋىنە بولمايدى،-دەلىنگەن.
وكىنەرلىگى، بۇل وسيەت قاعازى كۋالاندىرۋدان وتپەگەن ەكەن.


كۋالاندىراتىن تۇستا ا-پاڭ نەكەلەنۋ كۋالىگىن الىپ شىعا المادى. قىزى اكەسى مەن شەشەسىنىڭ اجىراسۋ سەبەبىن بىلگەندە توتەنشە كۇيزەلدى.


بيىل جىل باسىندا، ا-پاڭنىڭ ايەلى اۋرۋدان كوز جۇمادى. ا-پاڭ مەن قىزى وسيەت قاعازىن كوتەرىپ كۋالاندىرۋ باسقارماسىنا بارىپ، مال-مۇلىككە يەلەىك ەتۋ ۇقىعىن كۋالاندىرماق بولادى. كۋالاندىرۋ ورنىنىڭ قىزمەتكەرى ا-پاڭعا نەكەلەنۋ كۋالىگى قاتارلىلاردى اكەلىپ قاتىستى راسىمياتتاردى بىتىرۋگە بولاتىنىن ۇقتىرادى.
ساسىپ قالعان ا-پاڭ: ايەلىممەن جالعان اجىراسىپ ەدىم، بۇنىڭ زيانى جوق شىعار،-دەيدى.


كۋالاندىرۋ قىزمەتكەرى قاباعىن شىتادى: وسيەت قاعازىندا قورا جاي كۇيەۋىمە قالسىن دەلىنگەن.


وسى ساتتە، ا-پاڭنىڭ جانىندا تۇرعان قىزى اكەسىنە: سەندەر ماعان سەزدىرمەي اجىراسىپ العانسىڭدار ما؟-دەپ كۇيزەلەدى. اشۋى قوزداي كەلە ا-پاڭنىڭ قىزى، اۋەلى، شەشەسىنىڭ ءولىمىن اكەسىنە ارتادى. شەشەمە زومبىلىق جاساپ ءولتىردىڭ دەپ كىنالايدى.


ا-پاڭنىڭ قايىن اتاسى مەن قايىن اپاسى وعان قورا جايعا يەلىك ەتۋ ۇقىعىڭ جوق دەپ بۇلقان-تالقان بولادى، سونىمەن ا-پاڭنىڭ مال-مۇلىككە يەلىك ەتۋ تولىمدىلىعىنان ايىرىلادى.


وسيەت تالاس-تارتىسقا تۇسكەندىكتەن، كۋالاندىرۋ قىزمەتكەرى ا-پاڭنىڭ مال-مۇلىككە يەلىك ەتۋ ۇقىعىن كۋالاندىرۋ ءوتىنىشىن قابىلدامايدى. ا-پاڭ مەن قىزىنىڭ قارىم قاتىناسىنا سىزات تۇسەدى.


ۇيىنە كەلگەن سوڭ ا-پاڭنىڭ قىزى ناعاشى اتاسى مەن ناعاشى اپاسىنا اكەسى مەن شەشەسىنىڭ اجىراسقان جاعدايىن باياندايدى. ناعاشى اتاسى مەن ناعاشى اپاسى بۇل حاباردى ەستىگەندە توبەلەرىنەن جاي تيگەندەي كۇي كەشەدى: قىزىممەن اجىراسىپ كەتكەن بولسا، مال-مۇلىكتى يەلىك ەتۋ ۇقىعىنا ارالاسپاسىن. قاي بەتىمەن قورا جايدى يەمدەنبەك؟!-دەپ كۇيىپ-پىسادى.


ا-پاڭ باياعىداعى جالعان اجىراسۋدىڭ بۇگىنگى كۇنى سەميالىق ارازدىققا اپاراتىنىن مۇلدە ويلاماعان بولاتىن. 9 قورا جايى ەندى وزىنە بۇيىرمايتىن بولدى.


كۋالاندىرۋ قىزمەتكەرىنىڭ ايتۋىنشا، ا-پاڭنىڭ «جالعان اجىراسىپ» زاڭدىق قاتەردەن ساقتانۋ دەگەن سىلتاۋىنىڭ نەگىزى جوق. ا-پاڭنىڭ ايەلى قالدىرعان وسيەتتە ماسەلە ساقتالعان. بۇنىڭ سوڭى سەميالىق ارازدىققا سوقتىردى.


بالالارىنىڭ نەكە تۇراقتىلىعىنان الاڭدايتىن اتا-انالاردىڭ باسىم كوبى مال-مۇلىكتى تابىستاۋ وسيەتىندە تەك وزدەرىنىڭ ۇلدارى مەن قىزدارىنىڭ يەلىك ەتۋىنە قالدىراتىن بولعان.


قازىر، ادامداردىڭ كوز قاراسى جاڭالانۋمەن قوسا قاتىستى ورگانداردىڭ جولعا قويۋىندا وسيەتتى كۋالاندىرۋ جۇمىسى بىرتىندەپ ادامداردىڭ نازارىنا ورنىقتى.


وسيەتتى كۋالاندىراتىن ادامدار اناعۇرلىم كوبەيۋدە. ورتاق قۇبىلىسقا ساياتىن ءىشىنارا ماسەلەلەر ادامداردىڭ نازارىن اۋداردى.


مەملەكەت قاراستىلىعىنداعى كۋالاندىرۋ باسقارماسىنىڭ مەڭگەرۋشىسى جين تاۋدىڭ ايتۋىنشا، 70 جاسقان قارتتاردىڭ مال-مۇلىككە يەلىك ەتۋ وسيەتىن كۋالاندىرۋدا، 85% تەن ارتىق قارتتار مال-مۇلكىن ءوزىنىڭ ۇلى مەن قىزىنا عانا قالدىراتىنىن، كۇيەۋ بالاسى، كەلىنى قاتارلىلاردىڭ يگىلىكتەنۋ ۇلەسى جوقتىعىن وسيەتتەيدى ەكەن. «باستىسى، قارتتار قازىرگى جاستاردىڭ نەكە قارىم-قاتىناسىنا كۇمانمەن قارايدى، ۇلى مەن قىزىنىڭ نەكەسى تۇراقسىز بولۋىنان الاڭدايدى».


22-شىلدە كۇنى حاڭجوۋ قالالىق مەملەكەت قاراستىلىعىنداعى كۋالاندىرۋ باسقارماسىنا ەرلى زايىپتى قارتتار كەلەدى. اقساقال بيىل 95 جاستا، اجەي 90 جاستا ەكەن. ەكەۋى دە پەنسياعا شىققان كادرلار بولىپ، مەنشىكتەرىندە 2 قورا جاي بار.


اقساقال مەن اجەيدىڭ 2 قىزى بار. كىشى قىزى مەن كۇيەۋ بالاسى ەكى قارتقا ەرىپ وسيەتتى كۋالاندىرۋ جۇمىسىن بىتىرگەن.


-اقساقال، قوراجايدى قالاي بولمەكسىزدەر؟


-ۇلكەن ءۇي 200 كۆادىرات مەتر، ونى كىشى قىزىما قالدىرامىن. كىشكەنە ءۇي 85 كۆادىرات مەتر، ونى ۇلكەن قىزىما بەرەمىن،-دەيدى اقساقال.


قوراجايدى نەلىكتەن بۇلاي بولىسكە سالعانىن سۇراعاندا، اقساقالدىڭ ايىتقانى:


-ەكى قىزىم ماعان جاقسى قارايدى. دەسەدە، كىشى قىزىمنىڭ بالاسى ۇل بولعاندىقتان، ونىڭ ەكونوميكالىق قىسىمى اۋىرلاۋ.


-ءۇيدىڭ ۇلەسىنەن كۇيەۋ بالالارىڭىزعا بەرەسىز بە؟


-بەرمەيمىز. بەرۋدىڭ قاجەتى جوق،-دەيدى اقساقال مەن اجەي باستارىن شايقاپ،-قىزدارىمىزعا قالدىرامىز. ەكى كۇيەۋ بالانىڭ قوراجاي ۇلەسىنەن ورتاق يگىلىكتەنەتىن ۇقىعى جوق.


ءبىر شەتتە بۇنى ەستىگەن كىشى كۇيەۋ بالاسى كۇلىمسىرەپ قارتتاردىڭ ايىتقانىنا قۇرمەت ەتەتىنىن بىلدىرەدى.


وسيەت كۋالاندىراتىندار جاستانۋعا قاراي بەتالۋدا، بيىل 36 جاسقا كەلگەن بىرەۋ وسيەت كۋالاندىرۋ ءىسىن ءبىتىردى


بۇرىنعىمەن ۇقسامايتىنى، قازىر ورتا جاستاعى كىسىلەر، ءتىپتى، جاستاردا وسيەتتى كۋالاندىراتىن بولعان. ولاردىڭ الاڭدايتىنى، ويدا-جوقتا بىرەر ىسكە تاپ بولسا، اتا-انالارى مەن بالا-شاعاسى ورتاسىندا مۇل-مۇلىككى يە ەتۋ جونىندە داۋ-شار تۋىنداۋى مۇمكىن.


-وسيەت كۋالاندىراتىنداردىڭ جاستانۋ اۋقىمىنا كوپ ساندى ادامدار تۇسىنىستىكپەن قارايدى. قالا تۇرعىندارى ەرتەلى-كەش كۋالاندىرۋ باسقارماسىنا كەلىپ مال-مۇلىكتەرىن قايىتكەندە وزدەرىنىڭ ويلارى بويىنشا كۋالاندىرۋعا بولاتىنىن ۇعىسۋدا،-دەيدى جين تاۋ.


ۇعىسۋعا قاراعاندا، وسى كۋالاندىرۋ باسقارماسى بيىل 36 جاستاعى بىر ادامدى قابىلداپ، ونىڭ وسيەتتى كۋالاندىرۋ جۇمىستارىن بىتىرگەن.


دەرەككوز: حالىق گازەتى ۋيچات تەكشەسى


اۋدارعان: قۋات جۇماش ۇلى (تورابىمىزدىڭ ۇسىنىس ەتىلگەن ءتىلشىسى)