قارتتاردا ۇزاق مەزگىل قان ازدىق بولسا جۇرەگىن زاقىمدايدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 16:00:00


    قان ازدىق پەن جۇرەك اۋرۋى قارتتاردا ءجيى كەزدەسەتىن اۋرۋ. ادەتتە قارتتار جۇرەك اۋرۋى بايقالسا ەداۋىر نازار اۋدارادى، ال قان ازدىق اۋرۋىنا دۋشار بولسا ونشا كاپەرىنە المايدى. ويتكەنى، قان ازدىقتى ەلەۋسىز اۋرۋ دەپ قارايدى. ءىس جۇزىندە ولاي ەمەس. ۇزاق مەزگىل قان ازدىققا دۋشار بولىپ ەمدەلمەسە، جۇرەك اۋرۋىنا شالدىقتىرادى ءارى ول كوپتەگەن اۋرۋدىڭ بايقالۋ بەلگىسى بولىپ، استە ەلەۋسىز قاراۋعا بولمايدى.


    قان ازدىق اۋرۋى دەگەنىمىز ادام دەنەسىنىڭ قانىنداعى قىزىل كلەتكا سانى مەن گەموگلوبين(قاندا بولاتىن كۇردەلى بەلوكتىك قوسىلىس)مولشەرىنىڭ كورنەكتى ازايىپ،قالىپتىءمانىنەن تومەندەۋىن مەڭزەيدى.ادام دەنەسىندەگى قىزىل كلەتكا دەنەنىڭءارقايسى مۇشەسىنە وتتەگىن”جەتكىزۋ“ گە جاۋاپتى بولادى؛ ەگەر قانداعى قىزىل كلەتكا مەن گەموگلوبين ازايسا وندا: باس اينالۋ، جۇرەك قىسىلۋ، تىنىس تارايۋ، تولارساق ءىسىنۋ، جىگەرسىزدەنۋ، جابىرقاۋ، ارىقتاۋ، اۋىز قۋىس جاراسى، ەزۋ قابىنۋ، ۇيقى قاشۋ، تۇيسىگى قالىپسىز-دانۋ سياقتى كەرى اسەرگە اپارىپ سوعادى. ەگەر قان ازدىق ۇزاق ۋاقىتقا سوزىلسا، جۇرەك اۋرۋىنا شالدىعادى.


    نەء ۇشىن قان ازدىق جۇرەك اۋرۋىنا شالدىقتىرادى؟ ويتكەنى، ادام دەنەسىندەگى قان جۇرەكتىڭ كەڭەيۋىنە ءسۇيەنىپ اينالىس جاسايدى، ادام دەنەسىنىڭ قانىنداعى قىزىل كلەتكادا ازايۋ پايدا بولعاندا،دەنەدەگىءاربىر مۇشەنىڭ تكاندارىن جەتكىلىكتى وتتەگىمەن قامداۋعا كەپىلدەندىرۋ قاجەت بولاتىندىقتان،جۇرەكتىڭ جۇگى اۋىرلاسادى، سودان ۇزارا كەلە جۇرەك اۋرۋىنا شالدىعادى.


    قارتتارداعى قان ازدىقتان قالاي ساقتانۋ جانە ەمدەۋ كەرەك؟ بىرىنشىدەن، ناۋقاستانۋ سەبەبىن تاۋىپ شىعۋ؛ ويتكەنى، جىلىك مايى ناۋقاسى، راك اۋرۋى، بۇيرەك اۋرۋى، رەۆماتيزم، اس قورىتۋ جولىنداعى اۋرۋلار،اق قان اۋرۋى سياقتىلارعا دۋشار بولعانداردىڭ بارلىعىندا قان ازدىق پايدا بولادى، انىقتاعاننان كەيىن اۋرۋعا قاراي داۋالاعان ءجون؛ ەكىنشىدەن، ازىقتانۋدى كۇشەيتۋ قاجەت؛ دەنەنى B ۆيتامين ءتۇرىمەن تولىقتاۋ؛ ازىقتانۋدا تەمىر ەلەمەنتى مول تاعامداردى كوپ جەۋ، ماسەلەن، ءسۇت ونىمدەرى، بۇرشاق ونىمدەرى، جۇمىرتقا، بالىق، مايسىز ەت، ساڭىراۋ قۇلاق، بالدىركوك، شىلان، جەرجاڭعاعى، جاڭعاق سياقتىلار.

اۋدارعان: بولات توقتاسىن ۇلى