شينجياڭ راك اۋرۋىنا قارسى 17 ءتۇرلى ءدارى-دارمەكتى ەمدەۋ قامسىزداندىرۋىنىڭ ەسەپتەن كوتەرۋ كولەمىنە ەنگىزىپ، 11-ايدىڭ 1-كۇنىنەن باستاپ اتقاردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-05 15:42:00


11-ايدىڭ 1-كۇنى ساعات 0 دەن باستاپ، ازاتسيتيدين قاتارلى 17 ءتۇرلى راك اۋرۋىنا قارسى ءدارى-دارمەك «شينجياڭ ۇيعۇر اۆتونوميالى رايونى، شينجياڭ ءوندىرىس-قۇرىلىس بيڭتۋانى نەگىزدىك ەمدەۋ قامىسزداندىرۋى، جۇمىس ۇستىندە جارلانعانداردى قامسىزداندىرۋ مەن تۋىتتى قامسىزداندىرۋىنىڭ ءدارى-دارمەك تىزىمدىگىنىڭ (2017-جىلعى نۇسقاسى) » B تۇردەگى كولەمىنە ەنگىزىلىپ، ەمدەۋ قامسىزداندىرۋىنىڭ تولەۋ ولشەمى مەن شەكتى تولەۋ كولەمى مەملەكەتتىڭ بەلگىلەمەسى بويىنشا اتقارىلاتىن بولدى.

10 –ايدىڭ 30-كۇنى، ءتىلشىنىڭ شينجياڭ ۇيعۇر اۆتونوميالى رايوندىق ادام كۇش بايلىعى جانە قوعامدىق قامتاماسىزداندىرۋ مەڭگەرمەسى ەمدەۋدى، تۋىتتى قامسىزداندىرۋ بولىمىنەن ۇعىسۋىنا قاراعاندا، بۇل 17 ءتۇرلى ءدارى-دارمەك مەملەكەتتىڭ كەلىسىم باعاداعى ءدارى-دارمەگى بولىپ، مەملەكەتتىك ەمدەۋ قامىسزداندىرۋ مەكەمەسى ءار قايسى ولكەنىڭ بەلگىلەمەنى 11-ايدىڭ سوڭىنان بۇرىن اتقارۋدى تالاپ ەتتى. شينجياڭ ۇيعۇر اۆتونوميالى رايونى تالاپ ەتكەن ۋاقىتتان ءبىر اي بۇرىن اتقاردى.

17ءتۇرلى ءدارى –دارمەك تىزىمدىككە ەنگىزىلگەننەن كەيىن، شينجياڭداعى قامىسزداندىرۋعا قاتىناسقانداردىڭ ەسەپتەن كوتەرىلەتىن ءدارى-دارمەك ءتۇرى 2967 گە جەتىپ، بۇنىڭ ىشىندەگى راكقا قارسى ءدارى-دارمەك ءتۇرى 114 گە جەتكەن.

وسى رەتكى ءدارى-دارمەك تىزىمدىگىنە ەنگىزىلگەن 17 ءتۇرلى ءدارى-دارمەككە 12 ءتۇرى تۇلعالىق وسپە ءدارىسى مەن 5 ءتۇرى قان سۇيىقتىعىنىڭ وسپە ءدارىسى قامتىلعان، بۇنىڭ ءبارى كلەنيكالىق ەمدەۋگە ىستەتىلەتىن، ەمدەۋ ونىمدىلىگى كورنەكتى، ەمدەۋ قامىسزداندىرۋىنا قاتىناسقاندار ايرىقشا قاجەت ەتەتىن ءدارى-دارمەكتەر بولىپ، بەي كىشكەنە كلەتكالى وكپە راگى، بۇيرەك راگى، تىك ىشەك راگى، مەلانين وسپەسى، ليمفا وسپەسى قاتارلى كوپ ءتۇرلى راك تۇرلەرىن داۋالاۋعا قولدانىلادى. 17 ءتۇرلى ءدارى-دارمەكتىڭ ورتاشا بولشەك ساتۋ باعاسىمەن سالىستىرساق، نەگىزىنەن %56.7 تومەندەگەن، مۇنداعى باسىم كوپ ءبولىم يمپورت ەتىلگەن ءدارى-دارمەكتىڭ كەلىسمنەن كەيىنگى باعا ولشەمى توڭىرەكتەگى ەلدەر مەن رايونداردىڭ بازار باعاسىنان تومەن بولىپ، %36 تومەندەگەن، بۇل راكقا شالدىققان ەمدەۋ قامسىزداندىرۋىنا قاتىناسقانداردىڭ ەمدەلۋ قاراجاتىنىڭ اۋىرتپالىعىن بارىنشا جەڭىلدەتتى.

17 ءتۇرلى ءدارىنىڭ ەمدەۋ قامسىزداندىرۋىنىڭ ەسەپتەن كوتەرىلەتىن اقى ولشەمى مەن اقى تولەۋدەگى شەكتى كولەمى شينجياڭ ۇيعۇر اۆتونوميالى رايوندىق ادام كۇش بايلىعى جانە قوعامدىق قامتاماسىزداندىرۋ مەڭگەرمەسىنىڭ توراپ بەكەتىندە (http://www.xjrs.gov.cn/) جاريالاندى. ەمدەۋ قامسىزداندىرۋىنان كوتەرىلەتىن اقى ولشەمى نەگىزدىك ەمدەۋ قامسىزداندىرۋ قورى مەن ەمدەۋ قامسىزداندىرۋىنا قاتىناسقانداردىڭ ورتاق تولەيتىن جالپى اقىسىن قامتيدى. نەگىزدىك ەمدەۋ قامسىزداندىرۋ قورى مەن ەمدەۋ قامسىزداندىرۋىنا قاتىناسقانداردىڭ تەڭ كوتەرۋ سالىستىرماسىن ءبىر تۇتاس ورنالاستىرۋ جاسايتىن ءار قايسى جەر وزدەرى تۇراقتاندىرادى، بيڭتۋاننىڭ قاراستىعىنداعى ءبىر تۇتاس ورنالاستىرۋ جاسايتىن ءار قايسى جەر نەگىزدىك ەمدەۋ قامسىزداندىرۋ قورى مەن ەمدەۋ قامسىزداندىرۋىنا قاتىناسقانداردىڭ تەڭ كوتەرۋ سالىستىرماسىن بيڭتۋاننىڭ ءبىر تۇتاس ساياساتى بويىنشا اتقارادى. بەلگىلەنگەن اقى تولەۋ ولشەمىنىڭ مەرزىمدى ۋاقىتى 2020-جىلى 11-ايدىڭ 30-كۇنىنە دەيىن بولادى، مەرزىمدى ۋاقىت تولعاننان كەيىن، ەمدەۋ قامسىزداندىرۋىنىڭ اقى تولەۋ ولشەمىنە قاتىستى بەلگىلەمە بويىنشا تەڭشەۋ جۇرگىزىلەدى. مەرزىمدى ۋاقىت ىشىندە ورتاق اتتاعى ءدارى-دارمەكتەر (ۇقساتىپ جاسالعان ءدارى-دارمەكتەر) بازارعا سالىنسا نەمەسە ءدارىنىڭ بازارداعى ناقتى باعاسى قازىرگى تولەم ولشەمىنەن تومەن بولسا، تولەم ولشەمىنە تەڭشەۋ جاسالعاننان كەيىن قايتالاي ۇقتىرىلادى.

اۆتونوميالى رايون ءبىر تۇتاس ورنالاستىرۋ جاسايتىن ءار قايسى جەردەگى ادام كۇش بايلىعى جانە قوعامدىق قامتاماسىزداندىرۋ ورىندارىنا جەرگىلىكتى قوردىڭ ناقتى جاعدايىنا نەگىزدەلىپ مەملەكەتتىڭ كەلسىم باعاداعى ءدارى-دارمەكتەردى ەسەپتەن كوتەرۋ سالىستىرماسىن تۇراقتاندىرۋدى تالاپ ەتتى. مەملەكەتتىڭ كەلىسم باعاداعى ءدارى-دارمەكتەرىن تىزىمدىككە ەنگىزۋ سىندى ساياساتتىڭ سەبەبىنەن ەمدەۋ قۇرىلىمدارىنىڭ 2018-جىلعى ناقتى ىستەتكەن قارجىسى جالپى سومانىڭ تەڭشەۋ كورسەتكىشىنەن اسىپ كەتكەندەرگە جىل سوڭىندا ەسەپ اداقتاعاندا لايىقتى تولەم بەرەدى ءارى 2019-جىلعى جالپى سومانىڭ تەڭشەۋ كورسەتكىشىن بەلگىلەگەندە مەملەكەتتىڭ كەلىسىم باعاداعى ءدارى-دارمەكتەرىنىڭ ۇيلەسىمدى پايدالانۋ فاكتورىن ۆنيۋەرسال ويلاستىرادى. سونىمەن بىرگە، مەملەكەتتىڭ كەلىسىم باعاداعى ءدارى-دارمەكتەرىنىڭ اقى تولەۋدەگى شەكتى كولەمىن قاتاڭ اتقارىپ، پايدالانۋداعى باسقارۋدى كۇشەيتىپ، باعاسى جوعارى، ىستەتىلۋ مولشەرى كوپ بولعان ءدارى-دارمەكتەردى ءتۇيىندى تۇردە باقىلاپ ءارى تالداۋ جاساپ، ەمدەۋ قامسىزداندىرۋ قورىنىڭ حاۋىپسىزدىگىن كەپىلدەندىرەدى.

ناۋقاستىڭ اۋىرتپاشىلىعىن شىنايى جەڭىلدەتۋ ءۇشىن، ءبىر ءبولىم جاڭا دارىلەر مەن جوعارى باعالى دارىلەردىڭ باعاسىن كەلىسىم ارقىلى ۇيلەسىمدى تومەندەتىپ، ەمدەۋ قامسىزداندىرۋىنىڭ ەسەپ كوتەرۋ كولەمىنە ەنگىزەدى. بۇدان بۇرىن مەملەكەتتىڭ كەلىسىم باعاداعى 39 ءتۇرلى ءدارى-دارمەگى اۆتونوميالى رايوننىڭ بەلگىلەمەسى بويىنشا ەمدەۋ قامسىزداندىرۋ كولەمىنە ەنگىزىلگەن بولاتىن.

اۋدارعان: گۇلباقشا ءمادى قىزى، اينۇر گىمىڭعازى قىزى