اكەسىنەن باعىم اقىسىن تالاپ ەتىپ ارىزداندى
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-03 12:03:00

« اكە- شەشەم اجىراسقانسوڭ اكەم ماعان قارايلاسىپ كورمەدى، شەشەمنىڭ تۇراقتى قىزمەتى جوق، باسقالارعا جالداما جۇمىس ىستەپ ەكەۋمىز سونىمەن تىرلىك كورەمىز، سۋديا اپپاي، ماعان كومەك قولىڭىزدى سوزا الاسىزبا!». مىنە بۇل بيىل 10- ايدىڭ 12- كۇنى شايار اۋداندىق حالىق سوتى مەكەمەسىندە باعىم اقىسى داۋ- شارىنا قاتىستى دەلوداعى 13 جاسقا تولماعان شياۋ ليۋدىڭ سۋدياعا ايتقانى.

شياۋ ليۋ مەن ليۋ×× اكەلى- بالالىلار، 2005- جىلى ليۋ×× پەن ايەلى كەلىسىم بويىنشا اجىراسىپ، شياۋ ليۋ شەشەسىمەن بىرگە تۇرمىس كەشىرەتىن، اكەسى ليۋ×× اي سايىن تۇرمىس قاراجاتىن بەرىپ تۇراتىن، سونىمەن بىرگە ايىنا بالاسىن 4 رەت كورىپ تۇراتىن بولىپ كەلىسەدى. ايتسەدە، اجىراسقاننان قازىرگە دەيىن ليۋ×× بالاسىن ءبىر رەتتە بارىپ كورمەيدى، تۇرمىس قاراجاتىندا بەرمەيدى. شياۋ ليۋ مەن شەشەسى كوپ رەت ليۋ×× تەن باعىم قاراجاتىن سۇراسادا ءونىم بولمايدى، قىستاق كوميتەتىدە كوپ رەت جاراستىرادى، ەشقانداي ناتيجە شىقپاعانسوڭ شياۋليۋ حالىق سوتى مەكەمەسىنە ليۋ×× تىڭ ۇستىنەن ارىزدانادى. سوتتا تەكسەرۋ بارىسىندا ليۋ××: « اجىراسقاندا بالانى شەشەسى باعاتىن بولعان، مەنىڭ باعىم قاراجاتىن بەرۋ بورىشىم جوق» دەپ ءوزىن اقتايدى.

دەلوعا جاۋاپتى سۋديا بالانىڭ باعىم اقىسى داۋ- شارى دەلوسى تۋىستىق پەن وتباسى قاتىناسىنا تىعىز بايلانىستىلىعىن ويلاستىرىپ، زاڭدىق قاعيدا مەن ادامگەرشىلىك قاعيداسىنا ۇشتاستىرا وتىرىپ بايىپتىلىقپەن تاراپتاردى جاراستىرىپ، بالانىڭ باعىم اقىسى مەن باعىم ۇقىعى جونىندەگى زاڭدىق ماسەلەلەردى اشالاپ ءتۇسىندىرىپ، تاراپتار اجىراسۋىنا بولا اتا- انامەن پەرەزەنىتىنىڭ قاتىناسى ءۇزىلىپ قالمايتىندىعىن، اتا- انا بولعان 2 جاقتىڭدا پەرەزەنىتتەرىن باعىپ- تاربيەلەۋ بورىشى بولاتىندىعىن تۇسىندىرەدى، سوڭىندا ليۋ×× شياۋليۋگە باعىم اقىسىن بەرۋگە قوسىلادى.

سۋديا بىلاي ەسكەرتەدى: ەلىمىزدىڭ « ۇيلەنۋ زاڭىندا» اتا- اناسىنىڭ پەرەزەنىتتەرىن باعىپ- تاربيەلەۋ بورىشى بولادى، اجىراسقاننان كەيىن دە پەرەزەنىتتەرىن باعىپ- تاربيەلەۋ بورىشى ءارى ۇقىعى. ەرلى- زايىپتىلىق قاتىناسىنىڭ كۇشىنەن قالدىرىلۋى اتا- انا مەن پەرەزەنىتتەرىنىڭ قاتىناسىنا ىقپالى بولمايدى. تاراپتار كەلىسىم ارقىلى اجىراسقان كەزدە پەرەزەنىتتەرىنىڭ احاۋسىز ءوسىپ ەرجەتۋىن كوبىرەك ويلاسۋى كەرەك، پەرەزەنىتتەرىن باعۋ ۇقىعى، سونداي- اق، باعىم اقىسى سياقتى ماسەلەلەردى ايقىنداۋى، ازامات جاسىنا تولماعانداردىڭ زاڭدى ۇقىق- مۇددەسىنىڭ زياندالۋىنان ساقتانۋ كەرەك دەپ ايقىن بەلگىلەنگەن.

كەلۋ قاينارى: شينجياڭ جوعارى حالىق سوتى مەكەمەسى ءۇنحات تەكشەسى


اۋدارعان: گۇلبانيا باعىدات قىزى


قىزمەت ورىنى: شينجياڭ ماناس اۋداندىق قوعام حاۋىپسىزدىگى مەكەمەسى قاتىناس باسقارۋ ۇلكەن اتىرەتى