ەمدەۋ قامسىزداندىرۋى كارتچكاسىن بىلاي ىستەتسەڭىز، قىلمىس ارقالايسىز
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-03 12:05:00



ەمدەۋ قامسىزداندىرۋى قورى بۇقارالاردىڭ « قۇتقارۋ سوماسى» دەپ اتالىپ كەلەدى، ايتسەدە، ءىشنارا زاڭسىز ەلەمەنىتتەر ەمدەۋ قامسىزداندىرۋىن الداپ الۋ جونىندە جامان ويدا بولىپ وتىر. 2018- جىلى 12- ايدىڭ 18- كۇنى بەيجيڭ قالاسى حايديان رايوندىق حالىق سوتى مەكەمەسى باسقالاردىڭ ەمدەۋ قامسىزداندىرۋى كارتچكاسىمەن 440 نەشە مىڭ يۋان ءدارى كەستىرىپ قامسىزداندىرۋ سوماسىن الداپ العان دەلونىڭ ۇكىمىن جاريالادى.

ءبىرىنشى، ايىپكەر سۇڭ ليرۋعا الدامشىلىق قىلمىسىن وتكىزگەندىگى ءۇشىن 6 جىل مەرزىمدى قاماق جازاسى بەرىلىپ، 100 مىڭ يۋان ايىپ سالىندى.

ەكىنشى، ايىپكەر جياڭ جىيۋگە الدامشىلىق قىلمىسىن وتكىزگەندىگى ءۇشىن 6 جىل مەرزىمدى قاماق جازاسى بەرىلىپ، 100 مىڭ يۋان ايىپ سالىندى.

ەرلى- زايىپتى ەكەۋى كوپ رەت الدامشىلىق ىستەپ، ەمدەلۋ قامسىزداندىرۋىنان 440 مىڭ يۋان الداپ العان.

بۇل ەكى ايىپكەر ەرلى- زايىپتىلار بولىپ، جياڭ جىيۋ بۇرىن بەيجيڭدەگى ءبىر كومىركەندە ىستەپ، جۇمىس ۇستىندە جارالانىپ، جۇمىس ۇستىندە جارالانعاندىق كۋالىگى بار ەدى. قاتىستى بەلگىلەمەلەر بويىنشا ارناۋلى قىزمەت ۇستىندە جارالانۋ تۇرىندەگى دارىلەردە ەسەباتتان كوتەرۋ سالىستىرماسى %100 كە جەتەدى ەكەن. سونىمەن، ەكى ايىپكەر ەمدەۋ قامسىزداندىرۋى ارقىلى ءدارى كەستىرىپ، الىپ- ساتۋ ويىنا كەلەدى. ءدارىنى كوپتەپ كەستىرۋ ءۇشىن جياڭ جىيۋ قىزمەت بارىسىندا جارالانعاندىق كۋالىگى بار بۇرىنعى قىزمەتتەستەرىنەن ءبىر نەشەۋىن تابادى.

الەۋمەتتىك ايىپتاۋشى حۋشياۋلياڭ بىلاي دەيدى: « 2017- جىلى 10- اي مولشەرىندە، ايىپكەر سۇڭ ليرۋ، جياڭ جىيۋ باسقالاردىڭ كۋالىگىنەن پايدالانا تۇرىپ ءدارى الۋ ءۇشىن، كارتچكا يەسىنە ايىنا 1500 يۋان پايدالانۋ اقىسىن بەرەتىن بولىپ، ايىپكەر سۇن دىرۇي، چىن شياۋدۇڭ، حۋاڭ جۇڭحۋا قاتارلى تورتەۋىنىڭ قىزمەت بارىسىندا جارالانعاندىق كۋالىگى، ەمدەۋ قامسىزداندىرۋى كارتچكاسىن قولعا تۇسىرەدى». 4 ادامنىڭ قىزمەت بارىسىندا جارالانعاندىق كۋالىگى، ەمدەۋ قامسىزداندىرۋ كارتچكاسىن قولعا تۇسىرگەنسوڭ، قىزمەت بارىسىندا جارالانۋ قامسىزداندىرۋى سۇيەك بولىمىندە ەسەباتتان %100 كوتەرەتىندىكتەن، باس قىلمىسكەر بولعان ەرلى- زايىپتى ەكەۋى كارتچكا يەلەرىنىڭ اتىن جامىلىپ بەيجيڭدەگى كوپتەگەن ەمحانالارعا بارىپ كەلسە- كەلمەس ءدارى كەستىرىپ، قىزمەت بارىسىندا زاقىمدالۋ قامسىزداندىرۋى قورىن الداپ الادى.

باس سۋديا جياڭنان بىلاي دەيدى: « بۇل ەمحانالاردا 2 اپتادا 1 رەت ءدارى كەستىرۋگە، ءار رەتتە 4 مىڭ يۋاننان ارتىق ءدارى كەستىرۋگە بولاتىندىقتان، ولار 2 اپتادا ءبىر رەت بارىپ، ءار رەتتە وسى 4 ادامنىڭ راسىمياتتارىمەن ەڭ جوعارى سومامەن ءدارى كەستىرىپ وتىرادى، بىلايشا ايتقاندا ءار رەتتە 16 مىڭ يۋان اينالاسىندا ءدارى كەستىرەدى.

وسىلايشا جارىم جىلعا تاياۋ ۋاقىتتا، ايىپكەرلەر كوپ رەت دەلو تۋدىرىپ، جيىنى 446 مىڭ يۋاننىڭ ءدارىسىن كەستىرىپ، وسى دارىلەردى اسىلگى باعاسىنىڭ4/1، 3/1 باعاسىندا ساتىپ پايدا كورەدى.

ەكى ايىپكەر جەكە- جەكە 6 جىلدان مەرزىمدى قاماق جازاسىنا ۇكىم ەتىلدى، ەمدەۋ قامسىزداندىرۋ كارتچكاسىن قارىزعا بەرە تۇرعاندار الدامشىلىق قىلمىسىنىڭ ورتاق قىلمىسكەرى بولدى

حايديان سوتى سوتتا قاراپ شىعىپ، ايىپكەر سۇڭ ليرۋ، جياڭ جىيۋلار زاڭسىز يەمدەنىپ الۋ ماقساتىندا، جالپىنىڭ اقشا- مۇلكىن الداپ العان، سوماسى نەداۋىر زور، الدامشىلىق قىلمىسىن قالىپتاستىرادى دەپ قاراپ، ەكەۋىنە جەكە- جەكە 6 جىل مەرزىمدى قاماق جازاسىن بەرىپ، قوسىمشا 100 مىڭ يۋاننان ايىپ سالۋعا ۇكىم ەتۋمەن بىرگە ول ەكەۋىن الداپ العان 446 مىڭ يۋان قامسىزداندىرۋ قورىن قايتارىپ بەرۋگە بۇيرادى.

قىزمەت بارىسىندا جارالانعاندىق كۋالىگى، ەمدەۋ قامسىزداندىرۋى كارتچكاسىن قارىزعا بەرگەن 4 ايىپكەردە ءوزىن مالىمدەۋ احۋالى بار، ىلەسۋشى قىلمىسكەر ءارى زاڭسىز كىرىمىن قايتارىپ بەرگەندىكتەن جەكە- جەكە 1 جىل مەرزىمدى قاماق جازاسىن بەرىپ، 1 جىل كەشىكتىرىپ اتقارۋ، قوسىمشا 10 مىڭ يۋاننان ايىپ سالۋ جازاسىن بەرەدى.

ەمحانانىڭ باسقارۋداعى سەلقوستىعىنان پايدالانىپ قارالىق ىستەپ ەمدەۋ قامسىزداندىرۋ قورىن الداپ العان

باس سۋديانىڭ تانىستىرۋىنشا، ءدارى ساتىپ الۋ ارقىلى ەمدەۋ قامسىزداندىرۋ قورىن الداپ الۋ، الداپ العان دارىلەردى وتكەرمەلەپ ساتۋ ءبىر ءتۇرلى زاڭسىز پايدا تابۋ تىزبەگىنە اينالعان. ايىپكەرلەردىڭ مويىنداۋىنشا، ولار دارىلەردى نەگىزىنەن ارزان باعادا جيىپ الۋ ارقىلى پايدا تابادى ەكەن، ارزان باعادا جيىپ الۋدىڭ ەكى ءتۇرلى جولى بار بولىپ، ءبىرى ەمحانالاردىڭ ماڭايىندا باسپالاپ جۇرگەن قايتا جيىپ الاتىن ءدارى الىپ ساتارلارى بار ەكەن. ەكىنشىسى، ادام كوپ جينالاتىن الەۋمەتتىك اۆتوبۇز بەكەتىنىڭ ماڭايىنا كوپتەگەن ءدارى الىپ ساتارلارى مەن وسى جونىندەگى جارنامالار شوعىرلانعان.

ءادىليا ورگانى زاڭ بويىنشا قاتاڭ جازا بەرگەن بولسا دا، بۇل دەلو ەمحانانىڭ باسقارۋداعى ءبىر سىپىرا ولقىلىقتارى مەن قىزمەتتەگى سەلقوستىقتارى ايپاراداي كورىنىپ تۇر. سوتتا ايىپكەر سۇڭ ليرۋ ءىشنارا ەمحانالاردىڭ ىسكە قاتىستى ادامداردىڭ ازاماتتىق كۋالىگىن تەكسەرىپ تە قويمايتىندىعىن، سول ادامنىڭ جىنىسى مەن قىزمەت بارىسىندا جارالانعاندىق كۋالىگى سايكەس كەلمەسە دە قاقىسى جوق ەكەنىن مويىندايدى.

باس سۋديا جياڭنان بىلاي دەيدى: « ولاردىڭ دەلو تۋدىرىپ الداپ العان سوماسى، ۋاقىت ارالىعى، دەلونىڭ سانى قاتارلىلاردان كەم دەگەندە نەشە ون رەت تابىستى تاجىريبەسىنىڭ بارلىعىن، ءار قايسى ەمحانالاردىڭ كۋالىكتى تەكسەرۋ جاعىندا سەلقوستىق ىستەيتىندىگى، باسقارۋ قىزمەتىندە ولقىلىقتاردىڭ بارلىعىن كورۋگە بولادى».

اۋدارعان: ورال قاسەيىن ۇلى

قىزمەت ورنى: شينجياڭ ماناس اۋداندىق قوعام حاۋىپسىزدىگى مەكەمەسى قاتىناس باسقارۋ ۇلكەن اترەتى