ايىمدارعا اق سالەم
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2019-03-03 14:09:00


بۇلبۇل احىمەت قىزى


الەمدەگى بارشا ارداقتى ارۋلاردىڭ جىل سايىن ءبىر كەلەتىن ءتول مەرەكەسى " 8- ناۋرىز حالقارالىق ايەلدەر مەرەكەسى مىنەكي كەلىپ جەتتى.


ىنتماق قايدا بولسا، شىن باقىت سوندا دەگەندەي، ءبىز ءار ۇلت اپەكە- سىڭىلىلەر، ءبىر ارادا باس قوسىپ، ۇلتتار ىنتىماعىنىڭ ۇلى كوركەيۋىن جىرلاپ، بەرەكەلى داستارقاننان ءدام تاتىپ، ۇلگىلى انالارىمىزبەن جەڭگەلەرىمىزگە ماراپاتتى سيلىقتار ۇسىنىپ، الۋان مادەني قيمىلدار وزدىرىپ، مەرەكەنى شات- شادىمان تويلاپ جاتىرمىز.


ايەل زاتى اياۋلى انا ەمەسپە،
انا دەگەن مەيىربان دانا ەمەسپە،
"الىپ بولساڭ انادان تۋاسىڭ" دەپ
ايتقان ءسوزى قازاقتىڭ بار ەمەسپە.

تىرشىلىكتىڭ ايەلسىز كۇنى قايدا،
(جالعىزدىققا جان بىتكەن ءتىرى ۇنايما؟!)
ايەل زاتى بولماسا دۇنيەدە،
ادام دەگەن اتاۋدا قۇرىمايما، دەپ اقىندارىمىز جىرلاعانداي، دانا حالقىمىز ءالميساقتان بەرى ايەل زاتىن قۇرمەتتەپ، جوعارى باعالاپ، ايەل ادام ءبىر اۋلەتتىڭ عانا ەمەس، ءبىر ەلدىڭ قۇتى دەپ ساناپ، دومالاق انا، اباق انا، قىزاي انا، جانات انا، قارا قاباق انا، مومىن انا قاتارلى انالارىمىزدى، دۇيىم ەلدىڭ وبىرازىنا اينالدىرعان، سونىمەن بىرگە، ۇلدىڭ بالاسىندا، قىزدىڭ بالاسىندا تەڭ قاراپ، ولاردى مۇراگەرلىك ۇقىقتان تەڭ يگىلكتەندىرگەن ءارى قىزىنان تۋعان جيەنىنە قىرىق سەركەش ەنشى اتاپ" جيەنىنىڭ نازارى قاتتى بولادى، وعان قول تيگىزسەڭ قولىڭ قالتاق بولىپ قالادى" دەپ ۇزاتىلعان قىزدىڭ مارتەبەسىن بيىك كوتەرىپ، ايەل تۋراسىندا كوپتەگەن شەشەندىك ءسوزدەر، قۇندى ماقال- ماتەلدەر شىعارىپ، ۇرپاقتان- ۇرپاققا جالعاپ كەلگەن.


يا، وتانىمىزدىڭ تۇكپىر- تۇكپىرىندە، ءار شاڭىراقتا بەرەكەنىڭ ۇيتقىسى بولىپ، وت باسىنىڭ باقىتى ءۇشىن تاڭمەن تالاسا تۇرىپ، تۇگەمەس ءۇي شارۋاسىن تىندىرىپ، يناباتتى ۇل، يبالى قىز تاربيەلەپ وتىرعان ءار ۇلت انالارىمىزعا، سونىمەن بىرگە" ارمان اسۋىن، تابىس تالعارىن، تالماس تالپىنسىپەن باعىندىرىپ، اتا- اناسىنىڭ، وتانىمىزدىڭ ماقتانشىنا اينالىپ قوعامنىڭ ءار سالاسىندا تىڭعىلىقتى قىزمەت ەتىپ جاتقان ايماڭداي ارۋلارىمىزعا دەگەن قۇرمەتىمىزبەن العىسىمىز شەكسز!


ءسوز سوڭىندا، بارلىق ايىمدارعا، مەرەكەلىك سالەم جولداپ، جۇزدەرىڭىزدەن شاتتىق، باستارىڭىزدان باق كەتپەسىن دەگەن اق تىلەگىمدى بىلدىرەمىن!


مەرەكەلەرىڭىز مەرەيلى بولسىن! ادەمى كۇلكىمىزبەن الەمدى جادىراتىپ جاساي بەرەيىك!


قىزمەت ورنى: قابا اۋداندىق قوعام حاۋىپسزدىك مەكەمەسى