شي جينپيڭ : ادەبيەت-كوركەمونەر جونىندە
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-04 15:39:00


2014-جىلى 15 -قازان كۇنى باس شۋجي شي جينپيڭ ادەبيەت-كوركەمونەر قىزمەتى اڭگىمە ءماجىلىسىن باسقارىپ اشىپ، ماڭىزدى ءسوز سويلەپ، كەلەلى ورنالاستىرۋلار جاساپ، ادەبيەت-كوركەمونەر قىزمەتىمەن شۇعىلدانۋشىلارعا كوكەيتەستى تىلەگىن بىلدىرگەن بولاتىن . وسى ءماجىلىس اشىلعانىنا ءتورت جىل تولۋ بايلانىسىمەن شينحۋا اگەنتتىگى باس شۋجيدىڭ تومەندەگىدەي ماڭىزدى بايىمداۋلارىن رەتتەپ،ءبىزدىڭ بىرگە ۇيرەنۋىمىزگە ۇسىنىپ وتىر.

ادەبيەت-كوركەمونەر ــــــءداۋىر دابىلى

★ ادەبيەت-كوركەمونەر ـــــ ءداۋىردىڭ اسقاق دابىلى بولىپ، ول ەڭ اۋەلى ءبىر ءداۋىردىڭ كەسكىن-كەلبەتىنە ۋاكىلدىك ەتىپ، سول ءداۋىردىڭ سالت- ساناسىن ايگىلەيدى. ”قوس ءجۇز جىلدىق “ كۇرەس نىساناسىن، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا ادەبيەت-كوركەمونەردىڭ ماڭىزدى ورنىن وگەيسىتۋگە استە بولمايدى. ادەبيەت-كوركەمونەر قىزمەتكەرلەرى دە كوپتەگەن كەلەلى ىستەردى تىندىرا الادى.


★ءبىر تاماشا تۋىندىدا، قوعامدىق ونىمدىلىك باستى ورىنعا قويىلۋى، سونداي-اق، قوعامدىق ونىمدىلىك پەن ەكونوميكالىق ونىمدىلىك بىردەي قاراستىرىلۋىءتيىس. ادەبيەت-كوركەمونەر استە بازاردىڭ قۇلى بولۋىنا، اقشانىڭ ارباۋىنا الدانۋىنا بولمايدى.


★ ادەبيەت-كوركەمونەر سالاسى مەن بارلىق ادەبيەت-كوركەمونەر قىزمەتكەرلەرىنەنءداۋىر ۇندەۋىنە ءۇن قوسىپ،حالىقتىڭ ءۇمىتىن جەردە قويماۋلارىن، كوپتەگەن تاماشا ادەبيەت-كوركەمونەر سارا تۋىندىلارىن جاراتىپ، مادەنيەتتىڭ قارىشتاپ دامىپ، قاۋرت گۇلدەنۋىن جەبەۋلەرىن، ءسويتىپ،سوتسياليستىك مادەنيەتتەگى قۋاتتى ەل قۇرۋ جولىندا تىڭ دا كەلەلى ۇلەستەر قوسۋلارىن ءۇمىت ەتەمىن.



سوتسياليستىك ادەبيەت-كوركەمونەر ـــــ حالىقتىڭ ادەبيەت-كوركەمونەرى


★ سوتسياليستىك ادەبيەت-كوركەمونەر ـــــ ءتۇپ نەگىزىنەن ايتقاندا حالىقتىڭ ادەبيەت-كوركەمونەرى بولىپ، ول حالىقتىڭ جۇرەك لۇپىلىن ايگىلەپ، حالىق ءۇشىن، سوتسياليزم ءۇشىن قىزمەت وتەۋ سىندى نەگىزگى باعداردا تاباندى بولۋى ءتيىس. بۇل ــــ پارتيانىڭ ادەبيەت كوركەمونەر سالاسىنا قويعان نەگىزگى تالابى،سونداي-اق، ەلىمىز ادەبيەت-كوركەمونەر ىستەرىنىڭ بولاشاق تاعدىرىن بەلگىلەيتىن ءتۇيىن بولماق.


★ پارتيا باسشىلىعى ــــــ سوتسياليستىك ادەبيەت-كوركەمونەردى دامىتۋداعى ءتۇبىرلى كەپىل. پارتيانىڭ ءتۇبىرلى ماقساتى ـــــ بۇكىل ىنتا-پەيىلىمەن حالىق ءۇشىن قىزمەت وتەۋ،ال، ادەبيەت-كوركەمونەردىڭ باستى ماقساتى ـــــ حالىق ءۇشىن جاسامپازدىق جاراتۋ. وسى ءبىر تابان تىرەر تياناقتى مىقتى يگەرگندە عانا، پارتيا مەن ادەبيەت-كوركەمونەردىڭ بايلانىسىن دۇرىس ءبىر جاقتىلى ەتىپ، پاتيالىلىق پەن حالىقتىق سيپاتتىڭ بايلانىسىن،ساياسي مايدان مەن جاسامپازدىق ەركىندىكتىڭ بايلانىسىن دۇرىس مەڭگەرۋگە بولادى.


★ ادەبيەت-كوركەمونەر قىزمەتكەرلەرى تابىسقا جەتەمىن دەيدى ەكەن، وندا، ءسوزسىز سانالى تۇردە حالىقپەن تىنىستاس، تاعدىرلاس، جۇرەكتەس بولىپ، حالىقتىڭ شاتتىعىنان شابىت الىپ، قايعىسىنا ورتاقتاسىپ، حالىقتىڭ كومپىس قىزمەتكەرى بولۋلارى قاجەت.


★ ادەبيەت-كوركەمونەر بازار ەكونوميكاسىنىڭ الىپ تولقىنىندا استە باعداردان اداسۋعا، كىمدەر ءۇشىن ىستەۋ ماسەلەسىندە تيتتەي دە اۋىتقۋعا بولمايدى. ايتپەگەندە ادەبيەت- كوركەمونەر ومىرشەڭدىك قۋاتىنان ايرىلادى.


★ كوركەمونەردى قالىقتاپ ۇشار قانات ەتۋگە بولار-اق، الايدا،تابان تىرەر تياناعىمىز قارا جەر ەكەنىن استە ۇمىتپاعانىمىز ءجون. ادەبيەت- كوركەمونەردىڭ جاسامپازدىق ادىستەرى سان الۋان بولعانىمەن، ونىڭ ەڭ ءتۇبىرلى، شەشۋشى، سەنىمدى امالى ـــــ حالىق اراسىنا تەرەڭ تامىر تارتۋ، ومىرگە ىشكەرلەي ارالاسۋ بولماق.


★ ەلىمىز از ۇلتتارى ءان-ءبيدىڭ اسقان شەبەرلەرى بولىپ، ولار ۇزاق ۋاقىتتان بەرى الۋان فورمالى، باي مازمۇنداعى ادەبيەت-كوركەمونەر تابىستارىن جاراتتى، مۇنىڭ ءوزى ـــــ ەلىمىز ادەبيەت-كوركەمونەرىنىڭ جاۋھارى سانالماق. ءبىز ونى قورعاۋىمىز، دامىتۋىمىز، وتانىمىز ادەبيەت-كوركەمونەر باقشاسىندا قۇلپىرتا شەشەك اتتىرۋىمىز كەرەك.

ادەبيەت-كوركەمونەر قىزمەتكەرلەرى ــــــ رۋح ينجەنەرلەرى

★ ادەبيەت-كوركەمونەر جاسامپازدىعىن گۇلدەندىرىپ، جاڭالىق جاراتۋدى جەبەۋدە، ءسوزسىز ءمورال مەن ونەرگە تەڭ جەتىلگەن ادەبيەت-كوركەمونەر ماماندارىنىڭ قوماقتى قوسىنى بولۋى ءتيىس. ەلىمىز جازۋشىلارى مەن كوركەمونەرشىلەرى ءداۋىر تىنىسىن بولجاۋشى، سەركە، دارىپتەۋشى بولىپ، كوپتەگەن قۋاتتى دا اقاۋسىز،تارتىمدى تۋىندىلارى ارقىلى حالىق ءومىرىن،ءداۋىر تالابىن كەستەلەپ،سەنىم مەن وسكەلەڭدىكتىڭ اسەمدىگىن ايگىلەۋلەرى كەرەك.


★ ادەبيەت-كوركەمونەر ـــــ رۋح سومدايتىن ينجەنەريا، ادەبيەت-كوركەمونەر قىزمەتكەرلەرلەرى ــــــ رۋح ينجەنەرلەرى. تاماشا ادەبيەت-كوركەمونەر تۋىندىلارى بەينە اشىق اسپاننان توگىلگەن كۇن شۋاعى مەن كوكتەمنىڭ جىبەك سامالىنداي وي-ساناڭدى سەرگىتىپ، جۇرەك لۇپىلىڭدى قوزعاپ، ءومىرىڭدى نۇرلاندىرىپ، سالعىرتتىق سالقىنىن سىپىرىپ اكەتەرى حاق.


★ ادەبيەت-كوركەمونەردىڭ گۇلدەنۋىن، دامۋىن جەبەۋدە، ەڭ ماڭىزدىسى ــــــ ۇلى ۇلتىمىزعا، ۇلى داۋىرىمىزگە سايما-ساي كەلەتىن ۇزدىك تۋىندىلار جاراتۋ قاجەت. ادەبيەت-كوركەمونەر قىزمەتكەرلەرى جاسامپازدىقتىڭ وزدەرىنىڭ وزەكتى مىندەتى ەكەنىن، تۋىندى وزدەرىنىڭ بوي تۇزەر تياناعى ەكەنىن ۇمىتپاي،ۇقىپتى دا ۇلاعاتتى بەينەدە جاسامپازدىقپەن اينالىسىپ، ەڭ تاماشا رۋحاني ازىقتى حالىققا تارتۋ ەتۋلەرى كەرەك.


★ رەاليستىك رۋح پەن رومانتيك بەينەدە شىنايى ومىرگە ءۇڭىلىپ، قاراڭعىعا ساۋلە شاشىپ، تۇرپايىنى ءتۇڭىلدىرىپ، ادامدارعا كوركەم ءومىر، ۇكىلى ءۇمىت، اسقاق ارمان الدارىنان قول بۇلعاپ تۇرعاندىعىن شىنايى سەزىندىرۋىمىز كەرەك.


★ تۇتاس ادەبيەت-كوركەمونەر قىزمەتكەرلەرى سوتسياليستىك وزەكتى قۇن كوزقاراسى تۋىن اسقاقتاتىپ، سوتسياليستىك وزەكتى قۇن كوزقاراسىنىڭ جاندى دا جالىندى بەينەسىن ادەبيەت-كوركەمونەر جاسامپازدىعىندا ايگىلەپ،ءومىردىڭ ءدال وزىندەي شىعارما وبرازى ارقىلى ادامدارعا نەنىڭ قۇپتاپ-قۋاتتاۋعا تاتيتىنىن، نەنىڭ قارسى تۇرىپ، قابىلداۋعا بولمايتىندىعىن ۇعىندىرىپ، گۇل جايناعان كوكتەمدەي، ەركە سامال وپكەندەي سەزىم باعىشتاۋلارى ءتيىس. وتانشىلدىقتى ادەبيەت-كوركەمونەر جاسامپازدىعىنىڭ ارقاۋ اۋەنى ەتە وتىرىپ، حالىقتى دۇرىس بولعان تاريح، ۇلت، مەملەكەت جانە مادەنيەت كوزقاراستارىن ورناتۋعا ءارى وعان تاباندى بولۋعا باستاۋلارى، ءسويتىپ، جۇڭگولىقتاردىڭ نامىس-جىگەرىن شىڭاۋلارى قاجەت.


★ سوتسياليستىك ادەبيەت-كوركەمونەردى قارىشتاپ دامىتامىز دەيدى ەكەنبىز، ءبىز ءسوزسىز دۇنيەدەگى ءار ەل حالىقتارى جاراتقان ۇزدىك ادەبيەت-كوركەمونەردەن زەر سالا ۇيرەنۋىمىز، ودان ۇلگى الۋىمىز كەرەك. ءبىز تەك شەتەلدىكىن جۇڭگو ءۇشىن قىزمەت ەتتىرۋگە، ءورىس اشا جاڭالىق جاراتۋعا تاباندى بولىپ، جۇڭگو مەن باتىس مادەنيەتىن توعىستىرا بىلگەنىمىزدە عانا ەلىمىز ادەبيەت- كوركەمونەرىن قارىشتاپ دامىتاتىن، گۇلدەندىرەتىن بولامىز.


شينحۋا تورابىنان اۋدارعان : نۇراحىمەت اۋەتوۆ