باۋىر قىزمەتتى جاقسى بولماعان ادامداردا بولاتىن بەلگىلەر
كەلۋقاينارى:شاعانتوعاي اۋداندىق راديو-تەلەۆيزيا مەكەمەسى |جاۋاپتى رەداكتور: | جاڭالانعان ۋاقىت:2019-03-09 14:44:00


باۋىر دەنەمىزدەگى ەڭ ماڭىزدى مۇشە، باۋىر قىزمەتىندە ماسەلە بايقالعاندا، دەنەڭىزدە كوپتەگەن اۋىرۋ بەلگىلەرى بەينەلەنەدى. ەندەشە بۇل بەلگىلەر قانداي بەلگىلەر بولادى ؟


باۋىر قىزمەتتى جاقسى بولماۋدىڭ بەلگىلەرى:


1. كوز دە ماسەلە بايقالادى. كوز باۋىر مەن سىرتقى دۇنيەننىڭ قارىم –قاتناس جاسايتىن وتكەلى، باۋىر قىزمەتتى اقاۋسىز بولعان ادامداردىڭ كوزى نۇرلانىپ رۋحتى بولادى، ال باۋىر قىزمەتىندە ماسەلە بايقالعاندا، بارلىق نارسە سىزگە بۇلدىر بولىپ كورىنەدى، كوزىڭىز قۇرعاۋ سەكىلدى اۋىرۋ بەلگىلەرى بايقالادى.


2. شارشاپ تۇراسىز كۇش –قۋاتىڭىز ازايادى. باۋىر قىزمەتىندە ماسەلە بايقالعاندا تۇرمىستاعى بارلىق جاعداي توتەنشە ناشار كۇيگە وزگەرەدى. شارشاپ تۇراسىز، ۇيقىڭىز تولىق بولعانىمەن ماجاۋراپ تۇراسىز.


3. جاراقات ورنى تەز جازىلمايدى. باۋىر دەنەمىزدەگى زات الماستىراتىن نەگىزگى مۇشە. باۋىر قىزمەتىندە ماسەلە بايقالعاندا، تەرىنىڭ قايتا تۇلەۋى كەدەرگىگە ۇشىرايدى، ءارى باۋىر مۇشەسى زاقىمدالعاننان كەيىن ۋىتتى قايتارۋ رولى دا تومەندەيدى. جاراقات ورنى جازىلۋى باياۋ بولۋ مەن بىرگە، باكتەريامەن جۇعىمدالۋ احۋالى تۋىلادى.


4. اسقا تابەتتى تارتپايدى. باۋىر قىزمەتىندە ماسەلە بايقالعاندا تاماققا تابەتتى تارتپاۋ احۋالى ءجۇز بەرەدى، ادەتتە تاماقتانۋى جاقسى ادامدار تاماقتى كورگەندە جۇرەگى اينىپ قۇسقىسى كەلىپ تۇرادى. از عانا تاماقتانسادا اسقازانى كەۋىپ تۇرادى، اس قورتۋ قۋاتتى بارعان سايىن ناشارلايدى.


5. الاقانى قىزارىپ، تەڭبىلدەنىپ تۇرادى باۋىر قىزمەتىندە ماسەلە بايقالعاندا، ناۋقاستانۋشىنىڭ الاقانى قىزارىپ تۇرادى، ورمەكشى بەلگىسى پايدا بولادى.


6. بەزەۋ كوبەيەدى دەنەمىزدەگى سارى گورمون ماي ءبولىپ شىعارۋدا ماڭىزدى رول اتقارادى، ال باۋىر بولسا سارى گورموندى ءبۇلدىرۋ رولىن اتقارىپ، گورموننىڭ تەپە-تەڭدىگىن ساقتاۋعا كومەكتەسەدى. ال باۋىر قىزمەتتى زاقىمدالعاندا، باۋىردىڭ قىزمەت اتقارۋ رولى تومەندەپ، تەرى ءبولىپ شىعاراتىن مايدا كوپ بولىپ، بەزەۋ كوبەيەدى.


باۋىر قىزمەتىن قالاي قورعاۋعا بولادى ؟


1. كوڭىلدى ءجۇرۋ كەرەك باۋىر اۋىرۋىنا شالدىققاندار تۇرمىستا وزدەرىنىڭ اۋىرۋ جاعدايىنان توتەنشە الاڭدايدى، ۇرەيلەنۋ احۋالى تۋىلادى. مىنە بۇل جاعداي ۇزاق ۋاقىت جالعاساتىن بولسا، باۋىردى قورعاۋعا ءتيىمسىز بولادى، ەگەر ۇزاق ۋاقىت كوڭىل –كۇيى ناشار بولعان جاعدايدا اۋىرۋ جاعدايى اۋىرلاسادى دا ەمدەۋ ناتيجەسى دە تومەن بولادى. كۇندەلىكتى تۇرمىستا باۋىردى قورعاۋدا، ءوزىمىزدىڭ كوڭىل –كۇيىمىزدى سەرگەك ۇستاپ، ومىرگە ۇمىتپەن قاراۋىمىز كەرەك.


2. تاماقتانۋدا تەپە-تەڭدىكتى ساقتاۋىمىز كەرەك كۇندەلىكتى تاماقتانۋ تەپە-تەڭدىگىن ساقتاۋدا باۋىردى كۇتىمدەۋدىڭ تاماشا ءادىسى، ەت تۇرلەرى نەمەسە كوكونىس تۇرلەرى بولسىن جەتكىلىكتى مولشەردە قابىلداۋ كەرەك. مىنە وسىلاي بولعاندا عانا ازىقتىق ەلەمەنتتەر باۋىردىڭ قالىپتى اينالىمىن تەڭشەي الادى، كۇز ماۋسىمىندا كاپوستا، بۇيرا كوكونىس، سير ءسۇتتى جانە بالىق ەتتى قاتارلى تاعامدارمەن تاماقتانىپ باۋىر كىلەتكاسىن قالپىنا كەلترۋگە بولادى.


3. سۋدى كوپ ءىشۋ كەرەك. باۋىر دەنەمىزدەگى ۋىتتى قايتاراتىن نەگىزگى مۇشە، باۋىرداعى ۋىتتى قايتارۋ ءۇشىن كوپ مولشەردەگى سۋ قۇرامىنىڭ كومەگى قاجەت بولادى. ەگەردە دەنەدەگى سۋ قۇرامى جەتكىلىكسىز بولسا، باۋىردىڭ قالىپتى اينالىمىنا اسەرىن تيگىزەدى، ۋىت سىرتقا شىعارىلماي دەنەگە جينالىپ قالعاندا باۋىردىڭ اقاۋسىزدىعىنا ءتيىمسىز بولادى. ءار كۇنى 2000 ميلليليتر مولشەرىندە سۋ ءىشىپ تۇرۋ كەرەك. دەگەنمەندە، بۇندا بۇيرەك قىزمەتتى ءالسىز ادامدار شيپاگەردىڭ ۇسىنىسى بويىنشا سۋ ءىشۋ كەرەك.


اۋدارعان: جاينا دالاباي قىزى