تولىمسىز«مەكتەپ كولىگىنە» ارتىق ادام وتىرعىزعاندار جازالاندى
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-11 14:32:00


بالا باقشا، مەكتەپ كولىگى تولىمدىلىعىن الماعان كىشكەنە اۆتوۋزدى مەكتەپ كولىگى ورنىندا ىستەتىپ، كولىككە وتىرعىزعان ادام سانىن بەلگىلەنگەن ولشەمنەن ٪ 100 اسىرىپ ەرەكشە اۋىر حاۋىپسىزدىك كىناراتىن تۋدىرعان. تاياۋدا فۋجيان ولكەسى شيان يوۋ اۋداندىق حالىق سوتى شوفەر مەن بالا باقشا باستىعىن قاتەرلى جاعدايدا اۆتوكولىك جۇرگىزۋدە بىرىگىپ قىلمىس وتكىزگەن دەپ قاراپ، ولارعا قولدا ۇستاي تۇرىپ ەڭبەككە سالۋ جازاسىن بەرۋ جونىندە ۇكىم شىعاردى.


شيان يوۋ اۋداندىق حالىق سوتىنىڭ تەرگەپ انىقتاۋىنا قاراعاندا، 2018 - جىلى 6- ايدىڭ 7 - كۇنى تۇستەن كەيىن ساعات 3 مولشەرىندە شيان يوۋ اۋدانى يۋان جۋاڭ قالاشىعىنداعى بەلگىلى بالا باقشانىڭ " مەكتەپ اۆتوكولىگى" نىڭ جىڭ فاميليالى شوفەرى، وسى كولىككە 12 وقۋشى مەن ءبىر مۇعالىمدى وتىرعىزىپ اۋدان قالاشىعى مەن داۋ فىڭيۋان جول لەنياسىندا كەتىپ بارا جاتقاندا وسى جولدا مىندەت وتەپ جۇرگەن يۋان جۋاڭ ساقشى بولىمشەسىنىڭ ساقشىلارى جاعىنان انىقتالعان. تەكسەرۋگە قاراعاندا جىڭ فاميليالى بۇل شوفەر مەكتەپ اۆتوكولىگىندە بولۋعا ءتيىستى ەشقانداي تولىمدىلىق كۋالىگى جوق 7 ادام وتىراتىن كىشكەنە اۆتوبۋزعا، 14 ادام وتىرعىزىپ، بەلگىلەنگەن ولشەمنەن ٪ 100 اسىرىپ، ەرەكشە اۋىر دارەجەدەگى ارتىق ادام وتىرعىزۋ ارەكەتىن قالىپتاستىرعان.


سوت مەكەمەسى: وسى دەلوداعى جىڭ فاميليالى شوفەر مەكتەپ اۆتوكولىگىندە بولۋعا ءتيىستى ەشقانداي تولىمدىلىق كۋالىگى جوق كولىكپەن بالا باقشا وقۋشىلارىن تاسۋ كاسىبىمەن شۇعىلدانعان ءارى بەلگىلەنگەن ولشەمنەن الدە قايدا ارتىق ادام وتىرعىزىپ، جول قاتناس حاۋىپسىزدىگى زاڭ ەرەجەلەرىنە قايشىلىق جاساپ، الەۋمەتتىك حاۋىپسىزدىككە زيان جەتكىزگەن، ونىڭ بۇل ارەكەتىنەن قاتەرلى جاعدايدا اۆتوكولىك جۇرگىزۋ قىلمىسى قالىپتاسادى. ال بالا باقشانىڭ چىن فاميليالى باستىعى جىڭ فاميليالى شوفەردى جالداپ ىستەتىپ «مەكتەپ اۆتوكولىگى» مەن بالا باقشانىڭ وقۋشىلارىن تاسىتقان وسى كولىكتى باسقارۋشى ادام بولعان ونىڭ كولىككە ارتىق ادام الىپ جۇرۋىندە تىكەلەي جاۋاپكەرشىلىگى بار بولعاندىقتان قاتەرلى جاعدايدا اۆتوكولىك جۇرگىزۋ قىلمىسىندا بىرلەسىپ قىلمىس وتكىزگەن دەپ قارادى. ەڭ سوڭىندا، حالىق سوتى جىڭ فاميليالىعا 1 اي قاماۋ جازاسىن بەرىپ 10 مىڭ 200 يۋان ايىپ سالۋدى ؛ چىن فاميليالىعا 1 اي قاماۋ جازاسىن بەرىپ 4 مىڭ يۋان ايىپ سالۋ جازاسىن بەرۋ جونىندە ۇكىم شىعاردى. مىنە بۇل شيان يوۋ اۋداندىق حالىق سوتى، قاتەرلى جاعدايدا اۆتوكولىك جۇرگىزۋ قىلمىسىنداعى بىرلەسىپ قىلمىس وتكىزگەن بالا باقشانىڭ زاڭدى ۋاكىلىنە بەرىلگەن تۇڭعىش جازا بولدى.


بالالار وتاننىڭ بولاشاعى ءارى ءار ءبىر وتباسىنىڭ ءۇمىتى، بالالاردىڭ ءومىرى مەن دەنە اقاۋسىزدىعىنا زيان جەتكىزەتىن ءارقانداي ارەكەتتەردەن اۋلاق بولۋىمىز قاجەت. وسى دەلوداعى بالا باقشا، مەكتەپ اۆتوكولىگىندە بولۋعا ءتيىستى تولىمدىلىق كۋالىگى جوق كىشكەنە اۆتوۋزدى مەكتەپ اۆتوكولىگى ورنىندا ىستەتكەن، كولىككە بەلگىلەنگەن ولشەمنەن الدە قايدا ارتىق ادام وتىرعىزىپ حاۋىپسىزدىك كىناراتىن قالىپتاستىرعان، الدا جالدا قاتناس شىرعالاڭى تۋىلسا كولىكتەگىلەردىڭ باس اماندىعىنا اۋىر حاۋىپ ءتوندىرۋى ابدەن مۇمكىن. شيان يوۋ اۋداندىق حالىق سوتىنىڭ وسى دەلوعا قاتىستى بالا باقشا باستىعىن قاتەرلى جاعدايدا كولىك جۇرگىزۋدە بىرلەسىپ قىلمىس وتكىزگەن دەپ سوتتاۋى، كەزەكتەگى حالىق باسقارۋىنداعى بالا باقشالار مەن قالىڭ اتا انالارعا «تولىمسىز مەكتەپ اۆتوكولىكتەرى» مەن «ارتىق ادام وتىرعىزعان مەكتەپ اۆتوكولىكتەرىنىڭ» بالالارىنىڭ ءومىرىن ويراندايتىن قاندىقول بولىپ قالۋىنان ساقتانۋ جونىندەگى قاققان دابىلى بولدى.


«حالىق سوتى گازەتىنىڭ» 2019 - جىلى2 - ايدىڭ 16- كۇنى سانىنان اۋدارعان: وماربەك قىزىرقان ۇلى