جالعان جارنامانىڭ الجاستىرۋىمەن تاۆار ساتىپ العاندا، تولەمدى قالاي تالاپ ەتۋگە بولادى
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-11 17:09:00

 

جوۋ فاميليالى ءۇي جيھازدارى ساتۋ ورتالىعىنىڭ جەكە ساۋداگەرى بولاتىن، 2018- جىلى 3- ايدا ءۇي جيھازدارىن ساتۋ ورتالىعىندا تيجارات جۇرگىزىپ، سول جىلى 10- ايدا جەكە ونەركاسىپشىلەر تولىمدىلىعىن كۇشىنەن قالدىرىپ تيجاراتتان شەگىنەدى. 2018- جىلى 5- ايدىڭ 17- كۇنى سۇڭ مىرزا جوۋ فاميليالىنىڭ جەرلىك كەشكى گازەتتە جاريالاعان تۇتاس ءۇي جيھازدارىن ساتۋ جارناماسىن كورەدى، جارنامادا « ءجۇز جىلدىق كونە قىزىل اعاش ماتەريالىنان جاسالعان ءونىم، باعاسى تۇراقتى، ءبىر تورىنىڭ جالپى باعاسى 400 مىڭ يۋان» دەپ جازىلادى. نەشە كۇننەن كەيىن، سۇڭ مىرزا زاكاز تالونىنا قول قويادى، تالوندا « ۇقىق- مۇددەڭىزدىڭ كەپىلدەندىرىلۋى ءۇشىن ساۋدا سارايىنىڭ اقى الۋ ورنىنا بارىپ اقشا تاپسىراسىز، تالونعا ساۋدا سارايىنىڭ ساتۋدان كەيىن قىزمەت وتەۋ ارناۋلى تاڭباسى باسىلادى» دەپ جازىلادى، سونىمەن بىرگە « ەگەردە ساتۋشى ساتىپ الۋشى تاراپتار اراسىندا تالاس- تارتىس تۋىلسا، ءۇي جيھازدارىن ساتۋ ورتالىعىنىڭ قاريدارلارعا قىزمەت وتەۋ بولىمىنە وسى تالوندى كورسەتىپ كەڭەسىپ ءبىر جاقتى ەتۋىنە بولادى» دەپ كەلىسەدى. ءۇي جيھازدارى سۇڭ مىرزاعا جەتكىزىپ بەرىلىپ جارىم جىلدان كەيىن ءپىشىنى وزگەرىپ، جارىلا باستايدى. ساراپتاۋ ارقىلى، سۇڭ مىرزانىڭ ساتىپ العان ءۇي جيھازدارىنىڭ كونە قىزىل اعاش ماتەريالىنان جاسالماعان، قىزىل اعاش ماتەريالىنان ساپاسى زور دارەجەدە تومەن بولعان ءبىر ءتۇرلى گوللانديا اعاشىنان جاسالعاندىعى انىقتالادى. تاراپتار تاۆاردى قايتارۋ تۋرالى پىكىر بىرلىگىنە كەلە الماي، سۇڭ مىرزا حالىق سوتى مەكەمەسىنە ارىزدانادى.


سۇراۋ: ءۇي جيھازدارىن ساتۋ ورتالىعى تولەم جاۋاپكەرلىگىن ارقالاۋى كەرەكپە؟


جاۋاپ: جوۋ فاميليالى ءۇي جيھازدارىن ساتۋ ورتالىعىنان ورىن مايلاپ ءۇي جيھازدارىن ساتۋ تيجاراتىمەن شۇعىلدانعان مەزگىلدە، سۇڭ مىرزا سول جەردەن قىزىل اعاش ءۇي جيھازدارىن ساتىپ الۋ زاكاز تالونىنا قول قويعان، سۇڭ مىرزا سوتقا ارىزدانعانشا بولعان ارالىقتا جوۋ فاميليالى ءۇي جيھازدارىن ساتۋ ورتالىعىنداعى جەكە ونەركاسىپشىلەر تولىمدىلىق كۋالىگىن كۇشىنەن قالدىرىپ بولعان بولسادا، ءۇي جيھازدارىن ساتۋ ورتالىعىنىڭ وزىنە تىركەلمەكشى بولعان تيجاراتشىنىڭ سالاۋاتىن تەكسەرۋ بورىشى، تاڭداۋلى ماركالى تاۆارلاردىڭ ساپاسىنا كەپىلدىك ەتۋ جاۋاپكەرشىلىگى بولادى. سوندىقتان، ءۇي جيھازدارىن ساتۋ ورتالىعىنىڭ تيجاراتشىنىڭ جالعان ءونىم ساتۋ ارەكەتىنە قاراتا ىلىكتەس تولەم جاۋاپكەرشىلىگى بولادى. سۇڭ مىرزا ءۇي جيھازدارىن ساتۋ ورتالىعىنان تولەم تالاپ ەتۋىنە بولادى. ءۇي جيھازدارىن ساتۋ ورتالىعى جوۋ فاميليالىنىڭ ورىن مايلاپ تيجارات جۇرگىزگەن كەزدەگى تيجاراتتا الدامكوستىك ىستەۋ ارەكەتىنىڭ سۇڭ مىرزاعا زيان سالۋىنا قاراتا ىلىكتەس تولەم جاۋاپكەرلىگىن ارقالاعاننان كەيىن، جوۋ فاميليالىدان تولەتىپ الۋعا ۇقىقتى.


سۇراۋ: جالعان جارنامانىڭ الجاستىرۋىمەن تاۆار ساتىپ العاندا تولەمدى قالاي تالاپ ەتەدى؟


جاۋاپ: جالعان جارناما دەگەنىمىز جارنامانىڭ مازمۇنى جالعان نەمەسە باسقالاردى وڭاي الجاستىرادى، بىلايشا ايتقاندا، ۇگىتتەگەن مازمۇن مەن قامداعان تاۆار نەمەسە قىزمەت وتەۋدىڭ ناقتىلى ساپاسى سايكەسپەيدى ءارى ۇگىتتەۋ وبيەكىتى نەمەسە ۇگىتتىڭ ىقپالىنا ۇشىراعان ادامدا تاۆاردىڭ ناقتىلى جاعدايى جونىندە قاتە تانىم پايدا بولادى. دەلوعا قاتىستى ساۋداگەردىڭ ساتقان ءۇي جيھازدارىنىڭ ماتەريالى گوللانديا اعاشى بولىپ، ازيانىڭ شىعىس وڭتۇستىك بەلدەۋىندە جاسالعان، اعاشتىڭ قابىعىن سىدىرىپ تاستاعاننان كەيىن ءىشى قىزىل ءتۇستى بولسادا، وسى كاسىپ سالاسىندا جالپى بەتتىك مويىندالاتىن « قىزىل اعاش» ەمەس. ساتۋشى جاقتىڭ گوللانديا اعاشىنان جاسالعان ءۇي جيھازدارىن قىزىل اعاشتان جاسالعان ءۇي جيھازى دەپ ساتۋى، ءبىر ءتۇرلى جاقسىنىڭ ورنىنا جالعانىن سالۋداي الدامكوستىك ارەكەت. ەلىمىز جارناما زاڭىنىڭ 56- تارماعىنداعى بەلگىلەمەگە نەگىزدەلگەندە، زاڭداعى بەلگىلەمەگە قايشىلىق جاساپ، جالعان جارناما جاريالاپ، تۇتىنۋشىلاردى الداپ، الجاستىرىپ تاۆار ساتۋ نەمەسە قىزمەت وتەۋدى قابىلداتۋ ارقىلى تۇتىنۋشىنىڭ زاڭدى ۇقىق مۇددەسىن زيانداسا، جارناما يەسى زاڭ بويىنشا ازاماتتىق ىستەر جاۋاپكەرلىگىن ارقالايدى. جارناما تيجاراتشىسى، جارناما جاريالاۋشى جارناما يەسىنىڭ اتى، ءادىرىسى جانە ناقتىلى حابارلاسۋ ءتاسىلى مەن قامداماسا، تۇتىنۋشىلار جارناما تيجاراتشىسى، جارناما جاريالاۋشىنىڭ الدىمەن تولەم بەرۋىن تالاپ ەتۋىنە بولادى. بۇل دەلودا، ەگەر جەرلىك كەشكى گازەت دەلوعا قاتىستى جارنامانىڭ يەسىنىڭ ناقتىلى اتى، ءادىرىسى جانە حابارلاسۋ ءتاسىلى مەن قامداماسا، جاۋاپكەرلىك ارقالايدى.


سۇراۋ: ەگەر سۇڭ مىرزا تاۆاردى قايتارۋ ءۇشىن جانەدە تاسىمال قاراجاتىن تولەسە، تيجارات جۇرگىزۋشىدەن تولەم تالاپ ەتۋىنە بولاما؟


جاۋاپ: سۇڭ مىرزانىڭ ساتىپ العان ءۇي جيھازىندا ءپىشىنى وزگەرىپ، جارىلىپ كەتۋ احۋالى كورىلسە، ساتۋشىدان زاتتى الىپ كەتىپ، اقشاسىن قايتارىپ بەرۋ جاۋاپكەرشىلىگىن ارقالاۋىن تالاپ ەتۋىنە بولادى. تاۆاردى قايتارۋ بارىسىندا جانەدە تاسىمال قاراجاتى تۋىنداسا، زاڭنىڭ بەلگىلەمەسى بويىنشا، تيجاراتشى تاسىمالداۋ سياقتى ورىندى شىعىندىدا ۇستىنە الۋى كەرەك. ەسكەرتۋگە ءتيستى ءبىر جايىت، زاڭدا تاسىمال قاراجاتىن تيجاراتشى ۇستىنە الۋى كەرەكتىگى بەلگىلەنسەدە، ءادىليا ءامالياتىندا تۇتىنۋشىلارعا تاسىمالداۋ ءتاسىلىن ساتۋشىمەن كەڭەسىپ ءبىر جاقتى ەتۋدى دارىپتەيدى. ساتۋشى جاق تاۆاردى الىپ كەتۋگە اۆتوموبيل ورنالاستىرماعان نەمەسە تاسىمالداۋ جاۋاپكەرشىلىگىن قاسارىسىپ ارقالاماۋ سياقتى باسقاداي ارەكەتتەر بولۋ العى شارتىندا عانا، تۇتىنۋشى تاسىمالداۋ ءتاسىلىن ءوزى تالداۋعا ۇقىقتى. ەگەر تۇتىنۋشى تاسىمالداۋ ءتاسىلىن ءوزى تالداعاندا، تاسىمالداۋدىڭ قاجەتى بارما، جوق؟ ورىندىما دەگەن ماسەلەلەر كەلەشەكتە تاراپتاردىڭ تالاس- تارتىس تۇيىنىنە اينالادى.


دەرەككوزى: زاڭ ءتۇزىم گازەتى


اۋدارعان: ورال قاسەيىن ۇلى


اۋدارماشىنىڭ قىزمەت ورىنى: شينجياڭ ماناس اۋداندىق قوعام حاۋىپسىزدىگى مەكەمەسى قاتىناس باسقارۋ ۇلكەن اتىرەتى