جەمىس قاعىنا قاتتى قابىقتى جەمىستىڭ ءدانىن قوسىپ جەسە قانداعى قانت قۇرامىن تومەندەتەدى
كەلۋقاينارى:تارباعاتاي گازەتى |جاۋاپتى رەداكتور: | جاڭالانعان ۋاقىت:2019-03-31 15:25:00


كوپتەگەن ادامدار جەمىس قاعى مەن قاتتى قابىقتى جەمىس ءدانىن قوسىمشا تاعام ورنىندا جەۋگە بولمايدى، اسىرەسە، قانداعى قانت قۇرامى مەن ەنەرگيا قابىلداۋ مولشەرىن تەجەيتىن ادامدار جەمىستى كەپتىرگەننەن كەيىن جەمىس قاعىنىڭ قۇرامىنداعى قانت قۇرامى زور دارەجەدە جوعارىلاپ جانە قويۋلاپ، ءدامى وتە ءتاتتى، ال قاتتى قابىقتى جەمىستەردىڭ ماي قۇرامى جوعارى بولادى دەپ قارايدى.


جۇڭگو اۋىل شارۋاشىلىق داشۋەسى ازىق-تۇلىك عىلىمى جانە قورەكتىك ينجەنەرياسى شۋەيۋانىنىڭ ازىق-تۇلىك قورەكتىگى جانە تالداۋ جاساۋ تاجىريبەحاناسى قاتىستى سىناق تاجىريبەسىن جاساپ، كەپتىرىلگەن جەمىستىڭ قانداعى قانت قۇرامىن جوعارىلاتۋ كورسەتكىشىن ءارى ءىشىنارا كۇرىش تاماقتاردى كەپتىرىلگەن جەمىستەرگە اۋىستىرىپ ءارى كەپتىرىلگەن جەمىستەردى قاتتى قابىقتى جەمىستەرمەن ارالاستىرعاننان كەيىن تاماقتان كەيىنگى قانداعى ماي قۇرامىنا بولعان ىقپالىنا زەرتتەۋ جۇرگىزەدى.


سىناق تاجىريبە ءتاسىلى: زەرتتەرمەندەر تالاپقا ۇيلەسەتىن 11 ادامدى جيناپ، ولارعا 3 ءتۇرلى سىناق تاعام ازىرلەپ، ءار رەتتە ءبىر ءتۇرلى عانا سىناق تاعامعا سىناق جۇرگىزىپ، ءار ەكى رەتكى سىناقتىڭ ارالىعىن از دەگەندە ءبىر كۇنگە ءبولىپ، ارالاستىرىلعان جەمىستەردى جەپ تاۋىسقانعا دەيىن جالعاستىرادى. بۇلاردىڭ قۇرامىنداعى كومىر-سۋ قوسىلىستارى تۇگەلدەي ۇقساس بولىپ، سىناقتان تومەندەگىدەي ناتيجە شىققان:


قورىتىندى 1. ازىقتىقتىڭ قانداعى قانت قۇرامىن جوعارىلاتۋ كورسەتكىشىنىڭ ءتاتتى داممەن ەشقانداي قاتىسى جوق بولىپ شىققان.


2.ءبىر ۋاققى تاماققا بولعان تابەتتى جاقسارتۋ ءۇشىن كۇرىش تاماقتى از جەپ، ونىڭ ورنىنا ءتورت، بەس تال كەپتىرىلگەن جەمىس جەسە قانداعى قانت قۇرامى جوعارىلامايدى. وسى نەگىزدە جانە دە ءبىر ۋىس بادام جەسە تاماقتان كەيىنگى قانداعى قانت قۇرامىن تومەندەتۋگە سەپتىگىن تيگىزەدى.


تالداۋ: كەپتىرىلگەن جەمىستىڭ قانت قۇرامى قويۋ بولعانىمەن، ۆيتامين، مينەرالدىق زات، ازىقتىق تالشىق جانە توتىقتانۋعا قارسى زات سياقتىلاردا بىرلىكتە قويۋلايدى، قاتتى قابىقتى جەمىستەردىڭ قۇرامىندا ساپالى بەلوك پەن قانىقپاعان ماي قىشقىلى، سونداي-اق فيتوستەرول جانە پوليفەنول مول بولىپ، قان تامىرلاردى قورعاۋ، قانداعى ماي قۇرامىن تەڭشەۋدە بەلگىلى رول اتقارادى.


اۋدارعان: جازيرا قاجىكەن قىزى