كۇندىك تولەم دەڭگەيى جاڭادان بەلگىلەندى
كەلۋقاينارى:Kazakcnr |جاۋاپتى رەداكتور:Dawil | جاڭالانعان ۋاقىت:2019-05-18 10:55:00


مەملەكەتتىك ەڭ جوعارى حالىق سوتى مەن حالىق پروكۋراتۋراسى مەملەكەت بويىنشا تولەم بەرۋدىڭ جاڭا ولشەمىن بەكىتتى، كۇندىك تولەم مولشەرى حالىق اقشاسى بويىنشا 315.94 يۋان.


مەملەكەتتىك ەڭ جوعارى حالىق سوتى 5-ايدىڭ 15-كۇنى ۇقتىرۋ شىعارىپ، 2019-جىلى 5-ايدىڭ 15-كۇنىنەن باستاپ مەملەكەتتىك تولەم بەلگىلەمەسىن شىعارىپ، ازاماتتاردىڭ باس بوستاندىعىنا سۇعاناقتىق جاساۋعا تولەم بەرۋگە ساياتىن تولەم ولشەمىن كۇنىنە 315.94 يۋانعا تۇراقتاندىرعانىن جاريالادى.


سول كۇنى، مەملەكەتتىك ەڭ جوعارى پروكۋراتۋرا ورگانىنىڭ ونىنشى پروكۋراتۋرا مەڭگەرمەسى قۇلاقتاندىرۋ شىعارىپ، ءار دارەجەلى پروكۋراتۋرا ورگاندارى جەكە تۇلعانىڭ باس بوستاندىعى تولەم بورىشىنا ساياتىن دەلولاردى ءبىر جاقتى ەتۋدە جاڭادان بەكىتىلگەن كۇندىك تولەم ولشەمى 315.94 يۋان بويىنشا اتقارۋىن تالاپ ەتتى.


مەملەكەتتىك تولەم زاڭىنداعى بەلگىلەمە: ازاماتتاردىڭ باس بوستاندىعىنا سۇعاناقتىق جاسالعاندا، كۇندىك تولەم قاراجاتى مەملەكەتتىڭ وتكەن جىلداعى قىزمەتكەرلەردىڭ كۇندىك ەڭبەكاقى دەڭگەيىمەن ەسەپتەلەدى. مەملەكەتتىك ساناق مەكەمەسى 2019-جىلى 5-ايدىڭ 14-كۇنى قۇلاقتاندىرۋ شىعارىپ، 2018-جىلعى مەملەكەت بويىنشا قالا-قالاشىقتاعى جەكە مەنشىككە جاتپايتىن مەكەمە ورىنداردا كاسىپتەنگەن قىزمەتكەرلەردىڭ جىلدىق ورتاشا ەڭبەكاقىسى 82461 يۋان ەكەنىن جاريالادى.


«مەملەكەتتىك ەڭ جوعارى حالىق سوتى، ەڭ جوعارى حالىق پروكۋراتۋراسىنىڭ قىلمىستى ىستەردەگى تولەم دەلوسىنا زاڭ قولدانۋعا قاتىستى ءبىرقانشا ماسەلەلەرگە تۇسىنىك» تىڭ جيىرما ءبىرىنشى تارماعى ەكىنشى تارماقشاسىنداعى بەلگىلەمە بويىنشا، ءار دارەجەلى حالىق سوتى مەكەمەلەرى 2019-جىلى 5-ايدىڭ 15-كۇنىنەن باستاپ، مەملەكەتتىك تولەم دەلولارىن تەرگەپ ءبىر جاقتى ەتۋدە جوعارىدا ايتىلعان ولشەم بويىنشا اتقارادى؛ ءار دارەجەلى پروكۋراتۋرا ورگاندارى 5-ايدىڭ 15-كۇنىنەن باستاپ جاڭادان بەلگىلەنگەن كۇندىك تولەم ولشەمىن اتقارادى.


اۋدارعان: قۋات جۇماش ۇلى (تورابىمىزدىڭ ۇسىنىس ەتىلگەن ءتىلشىسى)