مەملەكەت قىزمەتكەرىنە كىرۋدەگى جاڭا ساياسات -مىناداي ادامدار مەملەكەت قىزمەتكەرىنە كىرە الادى
كەلۋقاينارى:Kazakcnr |جاۋاپتى رەداكتور:Dawil | جاڭالانعان ۋاقىت:2019-08-30 11:12:00

بۇرىندارى اعا بۋىندارىمىز «مەملەكەت قىزمەتكەرى بولساڭ ولمەس كاسىپتىڭ باسىن ۇستايسىڭ، ماڭگى تۇراقتى بولادى»،-دەيتىن. ال جاڭا ساياسات شىققاننان كەيىن كەيبىرەۋلەر تىكەلەي سىناۋعا قاتىناسپاي تۇراقتى كاسىپتىڭ باسىن ۇستاۋدى ارماندايتىن بولدى.


بيىل جىل باسىندا، ادام كۇشى بايلىعى جانە قوعامدىق قامتاماسىزداندىرۋ مينيستىرلىگى بازاردىڭ رولىن تولىق ساۋلەلەندىرىپ، دارىندىلاردىڭ بوگەتسىز رەتتى اينالىمىن جەبەۋ جونىندەگى پىكىرىن تاراتىپ، الۋان ءتۇرلى دارىندىلار الماستىعى پكىرىن ورتاعا قويدى. ماسەلەن، مەملەكەت قىزمەتكەرىن ەمتيحانمەن قابىلداۋ ساياساتىن كەمەلدەندىرىپ، مەملەكەت قىزمەتكەرىن ۇسىنىسپەن تاعايىنداۋ قىزمەتىن جۇيەلى قانات جايدىرىپ، مەملەكەت يەلىگىندەگى كاسىپورىن-ءىسورىندارىنداعى ۇزدىك دارىندىلاردىڭ مەملەكەت قىزمەتكەرىنە كىرۋ جولىن اناعۇرلىم ىركىلىسسىزدەندىرىپ، دارىندىلاردىڭ جاپالى، شەت- شالعاي رايوندار مەن نەگىزگى ساتىنىڭ ءبىرىنشى شەبىنە بارۋىنا شابىت بەرىپ جەتەكشىلىك ەتۋ قاتارلىلار.


ەندەشە، ناقتىلى ءادىس-شارالارى قايسىلار؟


1. ۇكىمەت قىزمەتكەرلەرىن ۇسىنىسپەن تاعايىنداۋ قىزمەتىن جۇيەلى ورىستەتىپ، مەملەكەت مەنشىگىندەگى كاسىپورىن، ءىسورىندارداعى تاڭداۋلى دارىندىلاردىڭ ۇكىمەت قىزمەتكەرلەرى قوسىنىنا كىرۋ ارناسىن اناعۇرلىم ىركىلىسسىزدەندىرۋ


پارتيا، ۇكىمەت دارىندىلارىنىڭ، كاسىپورىندارداعى شارۋاشىلىق باسقارۋ دارىندىلارىنىڭ اۋىس - كۇيىس جاساۋ ءتۇزىمىن كەمەلدەندىرىپ، پارتيا، ۇكىمەت ورگاندارى مەن مەملەكەت مەنشىگىندەگى كاسىپورىن، ءىسورىندارى باسشىلارىنىڭ رايون، تاراۋ ارا اۋىس - كۇيىس جاساپ، مىندەت وتەۋ كولەمىن كەڭەيتۋ كەرەك. ءىسورىندارداعى كاسىپتىك - تەحنيكالىق قىزمەتكەرلەردىڭ كاسىپورىندارعا بارىپ مىندەت وتەۋىنە، قوسىمشا مىندەت وتەۋىنە جانە جۇمىس ورنىنان قول ءۇزىپ جاڭالىق اشىپ، شارۋاشىلىق قۇرۋىنا قولداۋ كورسەتىپ جانە شابىت بەرىپ، قاتىستى تۇزىمدەردى ورناتىپ جانە كەمەلدەندىرىپ، ولاردىڭ كاسىپتىك اتاق باعالاۋ، ەڭبەكاقى، يگىلىك، قوعامدىق قامتاماسىزداندىرۋ جاقتارىنداعى ۇقىق - مۇددەسىن قامتاماسىز ەتۋ كەرەك .


2. ءىسورىندارىنىڭ مەملەكەتتىڭ قاتىستى بەلگىلەمەلەرى بويىنشا جىلجىمالى قىزمەت ورىندارىن قۇرىپ، مەملەكەت مەنشىگىندەگى كاسىپورىنداردىڭ مەڭگەرۋشىلەر جىگىندەگى بازارلانعان كاسىپ باسقارۋشىلاردى تاڭداۋ سالىستىرماسىن ۇيلەسىمدى ارتتىرۋىنا بولادى.


ءىسورىندارىنىڭ جاريا قابىلداۋ ءتۇزىمىن ونان ارى كەمەلدەندىرىپ، ءىسورىندارىنىڭ قابىلداۋ قيمىلىن ارناعا ءتۇسىرۋ كەرەك، جوعارى مەكتەپتەردىڭ، عىلمي زەرتتەۋ ورىندارىنىڭ بەلگىلەمە بويىنشا قابىلداۋ جوباسىن دەربەس جاساۋىنا، قىزمەت ورنىن ورنالاستىرۋ شارتىن بەلگىلەۋىنە، قابىلداۋ ينفورماتسياسىن جاريالاۋىنا، جاريا قابىلداۋعا ۇيىمداستىرۋىنا بولادى.


ءىسورىندارىنىڭ مەملەكەتتىڭ قاتىستى بەلگىلەمەلەرى بويىنشا جىلجىمالى قىزمەت ورىندارىن قۇرۋىنا بولادى. مەملەكەت مەنشىگىندەگى كاسىپورىنداردىڭ مەڭگەرۋشىلەر جىگىندەگى بازارلانعان كاسىپتىك مەڭگەرۋشىلەردى ۇسىنىس ەتۋ سالىستىرماسىن ۇيلەسىمدى ارتتىرىپ، قازىرگى مەملەكەت مەنشىگىندەگى كاسىپورىنداردىڭ شارۋاشىلىق باسقارۋشىلارى مەن كاسىپتىك مەڭگەرۋشىلەردىڭ سالاۋاتىن اۋىستىرۋ ارناسىن ىركىلىسسىزدەندىرۋ كەرەك.


3. دارىندىلاردىڭ قۇنىن ۇيلەسىمدى ايگىلەيتىن كىرىس ءبولىسى مەحانيزمىن اقاۋسىزداندىرىپ، جارنا ۇقىعى، كەسىكتى ساۋدا ۇقىعى سياقتى ورتا، ۇزاق مەرزىمدىك ىنتالاندىرۋ ساياساتىن اتقارۋ كەرەك.


دارىندىلاردىڭ قۇنىن ۇيلەسىمدى ايگىلەيتىن كىرىس ءبولىسى مەحانيزمىن اقاۋسىزداندىرىپ، ءبىلىم، تەحنيكا، باسقارۋ، شەبەرلىك قاتارلى جاڭالىق اشۋ فاكتورلارىنا قوسقان ۇلەسىنە قاراي بولىسكە قاتىناستىرۋ ساياساتىن تياناقتاندىرىپ، جارنا ۇقىعى، كەسىكتى ساۋدا ۇقىعى سياقتى ورتا، ۇزاق مەرزىمدىك شابىتتاندىرۋ ساياساتىن اتقارىپ، دارىندىلار اينالىمى بارىسىندا الدىڭعى مەرزىمدىك تاربيەلەۋگە تولىقتاما جاساۋ مەحانيزمىن ورناتۋ جونىندە ىزدەنىس جاساۋ كەرەك .


دارىندىلاردى باعالاۋ مەحانيزمىن جاقسارتىپ، ءمورال، قابىلەت جانە ناتيجەنى باعالاۋ بەتالىسىن كورنەكتىلەندىرىپ، دارىندىلاردى عىلمي، وبيەكتيۆ تۇردە ءادىل باعالاۋ كەرەك.


4. اۋىل ـ قالاشىق ورگاندارى مەن ءىسورىندارىنداعى قىزمەتكەرلەردىڭ اۋىل ـ قالاشىق قىزمەت قوسىمشا قاراجاتىن تياناقتاندىرىپ، جاپالى، شەت- شالعاي وڭىرلەرگە بەرىلەتىن قوسىمشا قاراجات كولەمىنە ەنگىزىلگەن ورگان، ءىسورىن قىزمەتكەرلەرىنىڭ ەڭبەكاقى كىرىس ورەسىن جوعارىلاتۋ كەرەك.


جاپالى، شەت - شالعاي رايوندارداعى نەگىزگى ساتى ۇكىمەت قىزمەتكەرلەرىن ەمتيحان ارقىلى قابىلداۋ جانە اۋدان – اۋىلدارداعى ءىسورىندارىنىڭ جاريا قابىلداۋ قىزمەتىن ءتىپتى دە ويداعىداي ىستەپ، اۋىل - قالاشىق ورگاندارى مەن ءىسورىندارىنداعى قىزمەتكەرلەردىڭ اۋىل - قالاشىق قىزمەت قوسىمشا قاراجاتىن تياناقتاندىرىپ، جاپالى، شەت - شالعاي رايوندارداعى قوسىمشا قاراجات كولەمىنە ەنگىزىلگەن ورگان، ءىسورىندارداعى قىزمەتكەرلەردىڭ ەڭبەكاقى كىرىس دەڭگەيىن جوعارىلاتۋ كەرەك.


مەملەكەت مەنشىگىندەگى كاسىپورىن، ءىسورىندارىنىڭ كاسىپتىك تەحنيكالىق قىزمەتكەرلەرى مەن باسقارۋشى دارىندىلارىنىڭ قاتىستى بەلگىلەمەلەر بويىنشا جاپالى، شەت- شالعاي رايونداردا قوسىمشا مىندەت وتەۋىنە جانە زاڭدى اقى الۋىنا جول بەرۋ. جاپالى، شەت - شالعاي رايوندار مەن نەگىزگى ساتىلاردىڭ ءبىرىنشى شەبىندە قىزمەت ىستەيتىن اۋىل - قىستاق كاسىپتىك دارىندىلارىنا قاراتا، قاتىستى كاسىپتىك اتاق باعالاۋ ءتيىمدى ساياساتىن تياناقتاندىرۋ كەرەك. شىعىس، باتىس بولەكتەگى كادرلار مەن دارىندىلاردىڭ اۋىس ـ كۇيىسىن ىلگەرىلەتىپ، كادرلاردى، دارىندىلاردى قولداۋ سەرپىنىن كۇشەيتۋ كەرەك.


ال ۇكىمەت قىزمەتكەرلەرى ەمتيحانىنان سىرت جانە مىناداي جولداردا ۇكىمەت قىزمەتكەرلەرى قوسىنىنا كىرۋ ورايى دا بار.


1. ارميا كادرلارىنان كاسىپ اۋىستىرعاندار


ءارميادا كادر بولىپ ىستەپ، جەرگىلىكتى ورىنعا كاسىپ اۋىستىرعاندار، ۇكىمەت قىزمەتكەرلەرى قوسىنىنا كىرۋىنە بولادى. بۇل تۇيىندە، مەملەكەت قىزمەتكەرلەرى قوسىنىنا كىرمەكشى بولعان جوعارى مەكتەپ ەمتيحانىن بەرەتىن وقۋشىلار جونىنەن العاندا، اسكەري مەكتەپتى تاڭداپ وقۋىنا بولادى. (مۇندا قوسىننان شەگىنگەن اسكەرلەردىڭ بارلىعى ۇكىمەت قىزمەتكەرى بولا بەرمەيدى، تەك كاسىپ اۋىستىرۋدى تالداعانى عانا بولادى، دەربەس كاسىپ تاڭداعاندار بولمايدى.)


2. دارىندىلاردى ەنگىزۋ


جوعارى ماعلۇماتتاعى دارىندىلار دارىندىلاردى ەنگىزۋ جولى ارقىلى مەملەكەت قىزمەتكەرلەرى قوسىنىنا تىكەلەي كىرەدى، كەيبىرەۋلەرى باسقارما باستىعىنىڭ ورىنباسار باسشىلىق مىندەتىن تىكەلەي جۇكتەيدى. اسىرەسە ايگىلى ۋنيۆەرسيتەتتەردىڭ دوكتورلارى.


3. ۇسىنىسپەن تاعايىندالعان مەملەكەت قىزمەتكەرى


كەيبىر كاسىپتىك سيپاتى ءبىرشاما كۇشتى قىزمەت ورىندارىنا قاراتا كوپتەگەن جەرلەر ۇسىنىسپەن ۇكىمەت قىزمەتكەرىنە تاعايىنداۋ ءتۇزىمىن جۇرەكتىلىكپەن قولدانعان. ۇسىنىس ەتىلگەن ۇكىمەت قىزمەتكەرلەرىنىڭ ەڭبەكاقىسى جوعارى بولۋداي ەرەكشەلىككە يە.


4. اۋىل - قالاشىق باسشىلىق القاسىنا كىرۋ


اۋىل - قالاشىقتىڭ باسشىلىق القاسىن تاعايىنداۋدا اۋىل – قالاشىق ءىسورىن ىشتاتىنداعى قىزمەتكەرلەر، ۇزدىك قىستاق كادرلارى، ستۋدەنت قىستاق باستىعى سىندى وسى «ءۇش ءتۇرلى» ادامداردان تاڭداپ ىرىكتەپ الۋعا ءمان بەرىلەدى. مىنە بۇل اۋىل – قالاشىقتاعى ءىسورىن شتاتىنداعى كادرلاردىڭ، تاڭداۋلى قىستاق كادرلارىنىڭ جانە ستۋدەنت قىستاق باسشىلارىنىڭ ۇكىمەت قىزمەتكەرلەرى قوسىنىنا كىرۋىنىڭ سارا جولى ەسەپتەلەدى.

اۋدارعان: مارالبەك ابدىكارىم ۇلى (تورابىمىز ۇسىنىس ەتكەن ءتىلشى)