ناچار ئۇچۇرلارنى پاش قىلىش: mzjubao@cnr.cn

حالىقارالىق حابارلار

شەتەل باسشىلارى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتادى

来源:جۇڭگو قازاق راديو تورابى     |责编:达吾力别克 |     发布日期: 2019-10-03 17:40

شينحۋا اگەنتتىگىنىڭ حابارى. كوپتەگەن مەملەكەت باسشىلارى، حالىقارالىق ۇيىمداردىڭ جاۋاپتىلارى مەملەكەت ءتوراعاسى شي جينپيڭگە تەلەگرامما جولداپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قىزۋ قۇتتىقتادى.


يندونەزيانىڭ پرەزيدەنتى جوكى بىلاي دەدى: جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قىزۋ قۇتتىقتايمىن. جۇڭگو مەن يندونەزيا جالپى بەتتىك ستراتەگيالىق سەرىكتەستىك قاتىناستى ۇزدىكسىز تەرەڭدەتىپ، اناعۇرلىم كوپ دامۋ ورايىن جاراتىپ، ەكى ەل مەن ەكى ەل حالقىنا باقىت جاراتادى.


نەپالدىڭ پرەزيدەنتى باندالي بىلاي دەدى: جۇڭگونىڭ مەملەكەتتىڭ جاپپاي دامۋ جولىندا قول جەتكىزگەن جاسامپازدىق تابىستارىن قىزۋ قۇتتىقتايمىن. جۇڭگونىڭ «قوس 100 جىلدىق» نىساناسىن جۇزەگە اسىرۋ بارىسىندا اناعۇرلىم زور تابىستارعا قول جەتكىزۋىن تىلەيمىن.


بەلروسسيانىڭ پرەزيدەنتى لۋكاشەنكو بىلاي دەدى: جۇڭحۋا حالىق رەسپۋبليكاسى قۇرىلعان 70 جىلدان بەرى وراسان زور تابىستارعا قول جەتكىزدى. بەلورۋسسيا حالقى بەلورۋسسيا مەن جۇڭگو حالقى ورناتقان دوستىقتى، ءوزارا سەنىمدىلىكتى جانە ءوزارا قۇرمەت ەتۋدى توتەنشە قاستەرلەيدى.


ۋكراينانىڭ پرەزيدەنتى زەلەنسكي بىلاي دەدى: ءتوراعا شي جينپيڭنىڭ باسشىلىعىندا جۇڭگو ادامدى جالت قاراتقان تابىستارعا قول جەتكىزدى. جۇڭگو حالقىنىڭ تىنىش، جاراسىمدى، گۇلدەنىپ-كوركەيۋىن تىلەيمىن.


يراقتىڭ پرەزيدەنتى بارحام بىلاي دەدى: مەن يراق حالقى اتىنان جانە ءوز اتىمنان شىن جۇرەكتەن قۇتتىقتايمىن جانە ىزگى تىلەك بىلدىرەمىن. يراق ەكى ەلدىڭ دوستىق ىنتىماقتاستىق قاتىناسىن ۇزدىكسىز تەرەڭدەتىپ، ەكى ەل حالقىنىڭ گۇلدەنىپ-كوركەيۋگە، دامۋعا دەگەن ءۇمىتىن جۇزەگە اسىرۋدى قالايدى.


يزرايليانىڭ پرەزيدەنتى ريفلين بىلاي دەدى: جۇڭگو كوممۋنيستىك پارتياسىنىڭ باسشىلىعىندا جۇڭگو كۇللى الەمدى جالت قاراتقان ۇلى تابىستارعا قول جەتكىزدى. يزرايليا جۇڭگومەن تاماشا قاتىناسىنا ايرىقشا ءمان بەرەدى، جۇڭگومەن بىرگە ەكى ەلدىڭ جاپپاي سەرىكتەستىك قاتىناسىن ۇزدىكسىز ورناتۋدى جانە كۇشەيتۋدى قالايدى.


نيگەردىڭ پرەزيدەنتى يسۋف بىلاي دەدى: جۇڭگو كوممۋنيستىك پارتياسىنىڭ باسشىلىعىندا جۇڭگو حالقى 70 جىل ىشىندە جۇڭگونى باي دا قۇدىرەتتى، دەموكراتيالى جانە قادىرلى مەملەكەت ەتىپ قۇرىپ شىقتى. مەن » قوس 100 جىلدىق« كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ، ءسوز جوق، جۇزەگە اساتىندىعىنا كامىل سەنەمىن.


ناميبيانىڭ پرەزيدەنتى گەنگوب بىلاي دەدى: باۋىرلاس جۇڭگو حالقىن قىزۋ قۇتتىقتايمىن. ناميبيا ەكى ەل قاتىناسىن ىشكەرىلەي دامىتۋعا ۇزدىكسىز كۇش سالادى.


چيليدىڭ پرەزيدەنتى پينەلا بىلاي دەدى: جۇڭحۋا حالىق رەسپۋبليكاسىنىڭ قۇرىلۋى جۇڭگو حالقى مەن تاياۋ زامانعى تاريح جونىنەن كەلەلى بەلەستىك مانگە يە. جۇڭگو حالقىنىڭ ماڭگى گۇلدەنىپ-كوركەيۋىنە، بەيبىتشىلىگىنە جانە العا باسۋىنا تىلەكتەسپىن.


دۇنيە جۇزىلىك دەنساۋلىق ساقتاۋ ۇيىمىنىڭ باس ىسجۇرگىزۋشىسى تان دىساي بىلاي دەدى: 70 جىل تىنباي قۇلشىنۋ ارقىلى جۇڭگو بۇكىل ەلدى قامتىعان ەمدەۋ قامتاماسىزداندىرۋ جۇيەسىن قۇرىپ، حالىقتىڭ دەنساۋلىق احاۋسىزدىعى مەن باقىتىن كورنەكتى جوعارىلاتتى. دۇنيە جۇزىلىك دەنساۋلىق ساقتاۋ ۇيىمى جۇڭگونىڭ دۇنيە جۇزىلىك دەنساۋلىق ساقتاۋ سالاسىندا اتقارعان باسشىلىق رولىن بارىنشا القايدى، جۇڭگومەن سەلبەستىكتى كۇشەيتىپ، اناعۇرلىم اقاۋسىز، حاۋىپسىز جانە ءادىل دۇنيە ءجۇزىن بىرگە قۇرۋدى ءۇمىت ەتەدى.

中央广播电视总台 央广网 版权所有