ينفورماتسيا اشكەرەلەۋ: mzjubao@cnr.cn

حالىقارالىق حابارلار

لي جانشۋ حورۆاتيانىڭ پارلامەنت باستىعىمەن كەزدەستى

来源:جۇڭگو قازاق راديو تورابى     |责编:阿依娜古丽|     发布日期: 2019-11-05 10:12


    ٴوز حابارىمىز: مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 11-ايدىڭ 4-كۇنى حالىق سارايىندا حورۆاتيانىڭ پارلامەنت باستىعى ياندروكوۆيچپەن كەزدەستى.


    لي جانشۋ پارلامەنت باستىعى ياندروكوۆيچتىڭ جۇڭگوعا كەلىپ 2-كەزەكتى جۇڭگو حالىقارالىق يمپورت كورمەسىنە قاتىناسۋىن قارسى الىپ، بىلاي دەدى: جۇڭگو حالقى 70 جىلدىق دامۋ بارىسىندا جۇڭگوشا سوتسياليستىك ٴتۇزىمنىڭ وراسان زور ابزالدىلىققا يە ەكەنىن تەرەڭ تانىپ، تەرەڭ سەزىنىپ، حالىققا وراسان زور باقىت، پايدا جەتكىزىپ، بۇل ٴتۇزىمدى شىن جۇرەكتەن قولدادى. جۇڭگو حورۆاتيانى ەۆروپا وداعىنىڭ ىشكى جانە ورتا شىعىس ەۆروپاداعى ماڭىزدى سەلبەستىك سەرىگى دەپ قارايدى. ەكى جاق ەكى ەل باسشىلارىنىڭ ورتاق جەتەكشىلىگىندە، جوعارى جىكتەگىلەردىڭ بارىس-كەلىس جاعدايىن ساقتاپ، ناقتى سەلبەستىكتى كەڭەيتىپ، زاڭ شىعارۋ قۇرىلىمدارى اراسىنداعى بارىس ـ كەلىستى كۇشەيتۋى كەرەك.


    ياندروكوۆيچ بىلاي دەدى: حورۆاتيا ٴبىر جۇڭگو پرينسيبىنە باستان-اياق تاباندى بولىپ، ٴبىر بەلدەۋ، ٴبىر جول قۇرىلىسى مەن 1 + 17 سەلبەستىگىن قولدايدى جانە وعان بەلسەنە ات سالىسادى، جۇڭگومەن قول ۇستاسا قۇلشىنىپ، ەۆروپا ـ جۇڭگو قاتىناسىنىڭ دامۋىن جانە ورتا، شىعىس ەۆروپا ەلدەرى مەن جۇڭگونىڭ سەلبەستىگىن ىلگەرىلەتۋ ٴۇشىن سىندارلى رول اتقارۋدى قالايدى.

اۋدارعان: شالقار قازەز ۇلى

中央广播电视总台 央广网 版权所有