ينفورماتسيا اشكەرەلەۋ: mzjubao@cnr.cn

حالىقارالىق حابارلار

حالىقارالىق قوعام: جۇڭگونىڭ اۋرۋعا قارسى تاجىريبەسىن دۇنيە ٴجۇزى ۇيرەنۋگە تاتيدى،-دەستى

来源:جۇڭگو قازاق راديو تورابى     |责编:古丽美热|     发布日期: 2020-03-25 16:40

 

ورتالىق تەلەۆيزياسىنىڭ حابارى. كوپ ەل قايراتكەرلەرى بىلاي دەستى: جۇڭگو ٴوز ەلىندە جۇقپالى اۋرۋدان ساقتانۋ جانە ونى تىزگىندەۋ قىزمەتىن ۇزدىكسىز تىڭعىلىقتى جۇرگىزۋمەن بىرگە، كومەك تالاپ ەتكەن ەلدەرگە قولىنان كەلگەنىنشە قولداۋ كورسەتىپ كەلەدى، بۇل حالىقارانىڭ اۋرۋعا قارسى تۇرۋ كۇرەسىن باتىل قولداپ، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن امالياتتا ايگىلەگەندىگى.

3-ايدىڭ 23-كۇنى، جۇڭگونىڭ جۇقپالى اۋرۋعا قارسى ەمدەۋ ماماندارى گرۋپپاسىنداعى 7 ادام كامبودچانىڭ پنومپەن حالىقارالىق اۋەجايىنا جەتىپ، سول ەلدىڭ جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا توتەپ بەرۋىنە كومەكتەستى، بۇل جۇڭگونىڭ شىعىس وڭتۇستىك ازيا ەلدەرى وداعىنداعى ەلگە تۇڭعىش رەت جىبەرگەن وسى رەتكى جۇقپالى اۋرۋعا قارسى ەمدەۋ اترەتى. جۇڭگونىڭ كومەككە اتاعان ەمدەۋ بۇيىمدارى دا سول ايروپلانمەن جەتكىزىلدى.

ەفيوپيادا، جۇڭگونىڭ اۋرۋعا قارسى بۇيىمدارى تيەلگەن ارناۋلى ايروپلان 3-ايدىڭ 22-كۇنى ادديس ابەبا حالىقارالىق اۋەجايىنا ٴساتتى قوندى، وسى ايروپلانداعى بۇيىمدار افريكاداعى 54 ەلدىڭ جۇقپالى اۋرۋعا توتەپ بەرۋىنە ىستەتىلەدى.

اۋرۋعا قارسى بۇيىمداردىڭ قورابىنا وڭتۇستىك افريكانىڭ بۇرىنعى پرەزيدەنتى ماندەلانىڭ كلاسسيك ٴسوزى جازىلعان، جانىنا حانزۋشا اۋدارماسى رەتىندە «جۇرت ٴبىر نيەت، ٴبىر تىلەكتە بولسا، تايشان تاۋىن كوشىرۋگە بولادى» دەگەن حانزۋ حالقىنىڭ ماعنالاس ماقالى جازىلعان بولىپ، جۇڭگو حالقى مەن افريكا حالقىنىڭ ٴبىر جاعادان باس، ٴبىر جەڭنەن قول شىعارىپ، ٴبىرىن-ٴبىرى قولدايتىندىعى اڭعارتىلدى.

جۇڭگونىڭ ەمدەۋ ماماندارى مەن فيليپپين دوحتىرلارى 3-ايدىڭ 24-كۇنى جاڭا ٴتيپتى ايدارشا ۆيرۋسپەن جۇعىمدالعان وكپە اۋرۋىنىڭ الدىن الۋ جانە ونى تىزگىندەۋ جونىندە بەينە ـ ەكران ٴماجىلىسىن وتكىزدى، فيليپپين جاقتان ماجىلىسكە قاتىناسقاندار جۇڭگونىڭ وسى اۋرۋدان ساقتانۋ-تىزگىندەۋ تاجىريبەسىن ۇيرەنۋدى ٴۇمىت ەتەتىندىكتەرىن ايتتى.

سەربيانىڭ استاناسى بەلگراد قالاسىندا 3-ايدىڭ 23-كۇنى جۇڭگودان سەربياعا كومەككە بارعان ەمدەۋ ماماندار گرۋپپاسىنىڭ مۇشەلەرى سەربيا جاعىنداعىلارمەن اۋىس-كۇيىس ماجىلىسىنە قاتىناستى. سەربيانىڭ پرەزيدەنتى ۋچيچ 3-ايدىڭ 23-كۇنى مىنانى جاريالادى: جۇڭگودان سەربياعا كومەككە كەلگەن ەمدەۋ ماماندارى گرۋپپاسىمەن كەڭەسۋ ارقىلى، سەربيا كەڭ كولەمدە تەكسەرۋ، اۋرۋى جەڭىلدەر مەن سالماقتى ناۋقاستاردى ايىرۋ-اۋاشالاۋداي شارالار قولدانىپ، جاڭا ٴتيپتى ايدارشا ۆيرۋسپەن جۇعىمدالعان وكپە اۋرۋىنا توتەپ بەرۋدى ۇيعاردى.

ەگيپەت سىرتقى ىستەر كوميتەتىنىڭ مەڭگەرۋشىسى يزات. سا-اد تاياۋدا بىلاي دەدى: جاڭا ٴتيپتى ايدارشا ۆيرۋسپەن جۇعىمدالعان وكپە اۋرۋىنىڭ بۇكىل جەر شارىندا تارالۋى ادامزاتتىڭ تاعدىرلاس ەكەندىگىن تاعى ءبىر رەت دالەلدەدى. جۇڭگو كەسكىن شارا قولدانىپ، قىرپۋلى ارەكەتتەر ورىستەتىپ اۋرۋ جاعدايىن ءبىرشاما تەز تىزگىندەدى. جۇقپالى اۋرۋ جاعدايى جاقسارعاننان كەيىن، جۇڭگو دەرەۋ ەمدەۋ ماماندارىن جۇقپالى اۋرۋ جاعدايى اۋىر ەلدەرگە جىبەرىپ ٴارى جۇقپالى اۋرۋدان ساقتانۋ بۇيىمدارىن جەتكىزىپ، جاۋاپكەرشىلىك ارقالايتىن ٴىرى ەلدىڭ حالىقاراداعى رولىن ايگىلەدى.



اۋدارعان: امانتاي مۇسايىپ ۇلى

中央广播电视总台 央广网 版权所有

حالىقارالىق قوعام: جۇڭگونىڭ اۋرۋعا قارسى تاجىريبەسىن دۇنيە ٴجۇزى ۇيرەنۋگە تاتيدى،-دەستى

جاۋاپكەرشىلىك ارقالايتىن ٴىرى ەلدىڭ حالىقاراداعى رولىن ايگىلەدى