ينفورماتسيا اشكەرەلەۋ: mzjubao@cnr.cn

حالىقارالىق حابارلار

شەتەل قايراتكەرلەرى جۇڭگو ەكونوميكاسىنىڭ ۇزاق ۋاقىتتار بويى جاقساراتىندىعىنا سەنىمدەرى كامىل ەكەندىگىن ايتتى

来源:جۇڭگو قازاق راديو تورابى     |责编:达吾力别克 |     发布日期: 2020-05-20 16:30

شينحۋا اگەنتتىگىنىڭ حابارى. 2020 - جىلى جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى دەگەن اپالات تارالىپ، دۇنيە ءجۇزى ەكونوميكاسىن نەداۋىر اقساتتى. وسى ىندەتتىڭ زور سىنى الدىندا، جۇڭگو ەكونوميكاسى كۇشتى سەرپىنىن بايقاتتى، حالىقارالىق بايقاۋشىلار جۇڭگو ەكونوميكاسىنىڭ جاعدايىن بەلسەندى باعالادى ءارى جۇڭگو ەكونوميكاسىنىڭ ۇزاق ۋاقىتتار بويى جاقساراتىندىعىنا سەنىمدەرى كامىل ەكەندىگىن ايتتى.


فرانسيانىڭ پاريج قالاسىنداعى 8 ـ ۋنيۆەرسيتەتتىڭ پروفەسسورى پيەر. فيكار بىلاي دەدى: جۇڭگونىڭ جۇقپالى اۋرۋدان ساقتانۋ-تىزگىندەۋ جانە ەكونوميكالىق، قوعامدىق دامۋدى ءبىر تۇتاس ىلگەرىلەتۋىنىڭ ناتيجەسى كورنەكتى بولدى. جۇڭگونىڭ ەكونوميكاسى جاندانا باستادى، كوپتەگەن ەكونوميكالىق كورسەتكىشى بيىل 1-توقساننىڭ سوڭىندا-اق ورنىعا باستاعان بولاتىن، 2-توقساندا ارتاتىندىعى مەجەلەنۋدە، بۇل دۇنيە ءجۇزى ەكونوميكاسىن سەرپىلتۋگە سەپتىگىن تيگىزەدى، دۇنيە جۇزىندەگى قارجىگەرلەر مەن كاسىپورىنشىلاردىڭ سەنىمىن ارتتىرادى.


جاپونيا توكيو ۋنيۆەرسيتەتى قوعامدىق عىلىمداردى زەرتتەۋ ورنىنىڭ پروفەسسورى ۋان چۋان جىشيۇڭ بىلاي دەپ قارادى: جۇڭگونىڭ مەملەكەتتىك ساناق مەكەمەسى جاريالاعان ەكونوميكالىق ساندى مالىمەتتەردى مۇقيات زەرتتەۋ ارقىلى جۇڭگو ەكونوميكاسىنىڭ 3-ايدان باستاپ «V تيپىندە» قالپىنا كەلە باستاعاندىعىن بايقاۋعا بولادى. يمپورت - ەكسپورت ساندى مالىمەتتەرى، تۇراقتى مۇلىككە قارجى قوسۋ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سياقتى كوپتەگەن ساندى مالىمەتتەرى 3-ايدا جاقسارا باستادى.


ەگيپەت اراب عىلىم ـ تەحنيكا جانە تەڭىز تاسىمالى ينستيتۋتىنىڭ ەكونوميكا ءىلىمى پروفەسسورى كارىم. ومدا بىلاي دەدى: جۇڭگونىڭ جۇقپالى اۋرۋدان ساقتانۋ-تىزگىندەۋ مەن ەكونوميكالىق، قوعامدىق دامۋدى ءبىر تۇتاس جەبەۋ تاكتيكاسىنىڭ ارقاسىندا جۇڭگو كاسىپورىندارى جۇمىس پەن ءوندىرىستى ىرەتتى قالپىنا كەلتىردى، جۇڭگو ەكونوميكاسىنىڭ كوپ وتپەي قالپىنا كەلىپ، جۇقپالى اۋرۋ تارالعان كەزدەگى بوستىقتىڭ ورنىن تولتىرا الاتىندىعىنا سەنەمىن.


ا ق ش كولومبيا ۋنيۆەرسيتەتىنىڭ ەكونوميكا ءىلىمى پروفەسسورى جەففەري. ساكس بىلاي دەدى: جۇڭگونىڭ ءوندىرىس، تۇرمىس ءتارتىبى جالپى بەتتىك قالپىنا كەلە باستادى، ەكونوميكالىق تابىستارى مەجەمەن بيىل 2 - توقساندا نەمەسە سوڭعى جارىم جىلدا « كورنەكتى قالپىنا كەلەتىن » بولادى. بۇل شەتەل بازارىن بارىنشا سەرپىلتەدى، دۇنيە جۇزىلىك قامداۋ تىزبەگىنىڭ ورنىقتى اينالىم ارناسىنا قايتا ورالۋىنا ءتيىمدى.


شەتەل ماماندارى بىلاي دەپ قاراۋدا: جۇڭگو ەكونوميكاسىنىڭ وسى ىندەتتىڭ سىنىنان ءوتۋىن جۇڭگو ۇكىمەتىنىڭ دالمە - ءدال شارا قولدانىپ، قازىنا مەن اقشا ساياساتىن لايىقتى، ءونىمدى، تىعىز سايكەستىرۋىنەن بولە قاراۋعا بولمايدى.


اۋدارعان: امانتاي مۇسايىپ ۇلى

中央广播电视总台 央广网 版权所有

شەتەل قايراتكەرلەرى جۇڭگو ەكونوميكاسىنىڭ ۇزاق ۋاقىتتار بويى جاقساراتىندىعىنا سەنىمدەرى كامىل ەكەندىگىن ايتتى

2020 - جىلى جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى دەگەن اپالات تارالىپ، دۇنيە ءجۇزى ەكونوميكاسىن نەداۋىر اقساتتى. وسى ىندەتتىڭ زور سىنى الدىندا، جۇڭگو ەكونوميكاسى كۇشتى سەرپىنىن بايقاتتى، حالىقارالىق بايقاۋشىلار جۇڭگو ەكونوميكاسىنىڭ جاعدايىن بەلسەندى باعالادى ءارى جۇڭگو ەكونوميكاسىنىڭ ۇزاق ۋاقىتتار بويى جاقساراتىندىعىنا سەنىمدەرى كامىل ەكەندىگىن ايتتى.