ينفورماتسيا اشكەرەلەۋ: mzjubao@cnr.cn

حالىقارالىق حابارلار

يسپانيانىڭ زەرتتەرمەندەرى بىلتىر 3-ايداعى قالا جاراقسىز سۋىنان جاڭا تيپتى ايدارشا ۆيرۋسىن تەكسەرىپ شىقتى

来源:جۇڭگو قازاق راديو تورابى     |责编:达吾力别克 |     发布日期: 2020-06-28 10:10

ءوز حابارىمىز. جەرگىلىكتى ۋاقىت 6-ايدىڭ 26-كۇنى، يسپانيانىڭ زەرتتەرمەندەرى وسى ەلدىڭ ەكىنشى ۇلكەن قالاسى بارسەلونانىڭ بىلتىر 3-ايداعى قالا جاراقسىز سۋىنان جاڭا تيپتى ايدارشا ۆيرۋسىن تەكسەرىپ شىقتى.


يسپانيانىڭ حابارىنا قاراعاندا، بارسەلونا ۋنيۆەرسيتەتىنىڭ ءبىر ۆيرۋس عىلمي زەرتتەۋ گرۋپپاسى بيىل 1-ايدىڭ 15-كۇنى جەرگىلىكتى جاراقسىز سۋدى تەكسەرۋ بارىسىندا از مولشەردەگى جاڭا تيپتى ايدارشا ۆيرۋسىن بايقاعان. بۇل ناتيجە 2-ايدىڭ 25-كۇنى يسپانياداعى تۇڭعىش دياگنوزى تۇراقتانعان جۈعىمدالۋشىنىڭ بايقالعان ۋاقىتىنان 41 كۇن بۇرىن بولعان. سول سەبەپتى، وسى زەرتتەۋ گرۋپپاسى ۇزدىكسىز قاتىستى تەكسەرۋلەردى جۇرگىزدى. تاياۋدا وسى زەرتتەۋ گرۋپپاسى جەرگىلىكتى قالانىڭ جاراقسىز سۋلارىنا تاعى ءبىر رەت ۆيرۋس تەكسەرۋىن جۇرگىزىپ، 2018 ـ جىلدان بەرگى جاراقسىز سۋ ۇلگىلەرىنىڭ بارلىعىن تەكسەردى. ناتيجەدە، 2019-جىلى 3-ايدىڭ 12-كۇنى الىنعان جاراقسىز سۋ ۇلگىسىن تەكسەرگەندە، بولىمدى ناتيجە كورسەتكەن، بۇدان سول كەزدەگى بارسەلونا قالاسىنىڭ جاراقسىز سۋىندا جاڭا تيپتى ايدارشا ۆيرۋسى ساقتالعاندىعىن دالەلدەيدى. ءبىراق ۆيرۋستىڭ مولشەرى وتە تومەن. ال، باسقا ۋاقىتتارداعى جاراقسىز سۋدىڭ تەكسەرۋ ناتيجەسى تۇگەلدەي بولىمىسىز بولعان.


وسى زەرتتەۋ گرۋپپاسىنىڭ جاۋاپتىسى، يسپانيا ۆيرۋس مامانى قوعامىنىڭ ءتوراعاسى الۆەرت بوش بىلاي دەدى: بۇل ناتيجە جونىندە، ءالى دە ءبىر تالاي تەكسەرۋلەر مەن ساندىق مالىمەتتەردى تۇراقتاندىرۋعا تۋرا كەلەدى. سوندا عانا تاجىريبە ءتارتىبى ماسەلەسى نەمەسە ادام سەبەبىنەن بولىمدى ناتيجەنى كەلتىرىپ شىققاندىعىن تەرىستەۋگە بولادى. سونىمەن بىرگە، جاڭا تيپتى ايدارشا ۆيرۋسى ينفەكسيا تۋدىراتىن ۆيرۋسپەن ۇقساس كەلەدى. سوندىقتان «جالعان بولىمدىلىق» مۇمكىندىگىن دە جوققا شىعارۋعا بولمايدى. تاعى ءبىر حابارعا قاراعاندا، بيىل 4-ايدان بەرى يسپانيادان سىرت، يتاليا، فرانسيا، نيدەرلاند، اۆستراليا قاتارلى ەلدەردەگى زەرتتەرمەندەردىڭ ءبارى دە ءوز ەلىنىڭ كەيبىر رايوندارىنداعى جاراقسىز سۋ ۇلگىسىنەن از مولشەردەگى جاڭا تيپتى ايدارشا ۆيرۋستىڭ بار ەكەنىن بايقاعان.


اۋدارعان: اينۇر گىميڭعازى قىزى

中央广播电视总台 央广网 版权所有

يسپانيانىڭ زەرتتەرمەندەرى بىلتىر 3-ايداعى قالا جاراقسىز سۋىنان جاڭا تيپتى ايدارشا ۆيرۋسىن تەكسەرىپ شىقتى

جەرگىلىكتى ۋاقىت 6-ايدىڭ 26-كۇنى، يسپانيانىڭ زەرتتەرمەندەرى وسى ەلدىڭ ەكىنشى ۇلكەن قالاسى بارسەلونانىڭ بىلتىر 3-ايداعى قالا جاراقسىز سۋىنان جاڭا تيپتى ايدارشا ۆيرۋسىن تەكسەرىپ شىقتى.