ينفورماتسيا اشكەرەلەۋ: mzjubao@cnr.cn

حالىقارالىق حابارلار

رەسەي چەحتىڭ رەسەي دەپلوماتتارىن قۋىپ شىققاندىعىنا نارازىلىق ٴبىلدىرىپ، قارىمجى رەتىندە شارا قولداناتىندىعىن جاريالادى

来源:جۇڭگو قازاق راديو تورابى     |责编:古丽美热|     发布日期: 2021-04-19 11:12

 

ٴوز حابارىمىز. جەرگىلىكتى ۋاقىت 4-ايدىڭ 18-كۇنى رەسەيدىڭ سىرتقى ىستەر مينيسترلىگى مالىمدەمە جاريالاپ، چەحتىڭ رەسەي دەپلوماتتارىنان 18 ادامدى قۋىپ شىققاندىعىنا كۇشتى نارازىلىق ٴبىلدىردى. رەسەي سىرتقى ىستەر مينيسترلىگىنىڭ مالىمدەمەشىسى سول كۇنى وسىعان سايكەس قارسى شارا جاريالايتىندىعىن ايتتى.

رەسەي سىرتقى ىستەر مينيسترلىگى سول كۇنى جاريالاعان مالىمدەمەدە بىلاي دەدى: چەح ۇكىمەتى ەشقانداي نەگىزسىز جانە ورىنسىز سىلتاۋمەن رەسەيدىڭ 18 دەپلوماتىن قۋىپ شىعۋدى ۇيعارىپ، 2014-جىلعى چەحتىڭ ٴبىر قارۋ-جاراق قويماسىنداعى قوپارىلىس ۋاقيعاسىنا رەسەيدىڭ اقپارات تاراۋلارى قاتىناستى دەپ كۇمانداندى. بۇل ايتىلىم بارىپ تۇرعان سوراقىلىق، ويتكەنى چەح باسشىلارى وسىدان بۇرىن قوپارىلىستىڭ جاۋاپكەرلىگىن اسكەري قارۋ قارۋ-جاراق قويماسىنا قاراستى سەرىكتىككە ارتقان بولاتىن.

مالىمدەمەدە بىلاي دەپ اتاپ كورسەتىلدى: چەحتىڭ رەسەي دەپلوماتتارىن قۋدالاعان جاۋلاسۋ ارەكەتى ونىڭ تاياۋ جىلداردان بەرگى رەسەيگە قارسى ارەكەتىنىڭ جالعاسى. قۋدالاۋ ارەكەتىنىڭ استارىندا ا ق ش-نىڭ ىقپالى جوق ەمەس. مالىمدەمەدە بىلاي دەپ باسا دارىپتەلدى: رەسەي جاق قارسى شارا قولدانىپ، ارانداتۋشىلارعا ولاردىڭ ەكى ەل قاتىناسىنىڭ قالىپتى دامۋىن بۇلدىرۋەگى بارلىق جاۋاپكەرشىلىكتى ارقالايتىندىعىن ۇعىندىرادى.

رەسەي سىرتقى ىستەر مينيسترلىگىنىڭ مالىمدەمەشىسى زاحاروۆا 4-ايدىڭ 18-كۇنى «رەسەي-1» تەلەۆيزيا كانالىندا بىلاي دەدى: رەسەي تاياۋدا چەحتىڭ رەسەي دەپلوماتتارىن قۋدالاۋىنا قاراتا جاۋاپ قايتارۋ شارالارىن جاريالايدى.

بۇدان سىرت، وسى ايدىڭ 16-كۇنى رەسەي سىرتقى ىستەر مينيسترلىگى پولشانىڭ رەسەيدەگى 5 دەپلوماتىن قۋىپ شىعىپ، پولشانىڭ رەسەيدىڭ 3 دەپلوماتىن قۋىپ شىعۋىنا جاۋاپ قايتارعان بولاتىن. 4-ايدىڭ 18-كۇنى چەح تە رەسەيدىڭ دەپلوماتتارىن قۋىپ شىققاندىعىن جاريالاعاننان كەيىن، پولشانىڭ سىرتقى ىستەر مينيسترلىگى مالىمدەمە جاريالاپ، مۇنى قولدايتىندىعىن ٴبىلدىردى.

اۋدارعان: گۇلنۇر قابىلقاق قىزى 

中央广播电视总台 央广网 版权所有

رەسەي چەحتىڭ رەسەي دەپلوماتتارىن قۋىپ شىققاندىعىنا نارازىلىق ٴبىلدىرىپ، قارىمجى رەتىندە شارا قولداناتىندىعىن جاريالادى

رەسەي سىرتقى ىستەر مينيسترلىگىنىڭ مالىمدەمەشىسى سول كۇنى وسىعان سايكەس قارسى شارا جاريالايتىندىعىن ايتتى