ۋاڭ ياڭ بىلاي دەدى: سوڭعى جىلداردان بەرى، ٴتوراعا شي جينپيڭ مەن سيسي پرەزيدەنت تىعىز بارىس ـ كەلىستى ساقتاپ، جۇڭگو ـ ەگيپەت قاتىناسىنىڭ جوعارى دەڭگەيدە تەز دامۋىنا جەتەكشىلىك ەتتى. بيىل ەكى ەلدىڭ ديپلوماتيالىق قاتىناس ورناتقاندىعىنىڭ 65 جىلدىعى، جۇڭگو ەگيپەتپەن بىرگە ەكى ەل باسشىلارى كەلىسكەن ماڭىزدى ورتاق تانىمدى شىن مانىندە ويداعىداي تياناقتاندىرىپ، ساياسي سەنىمدىلىكتى بەكەمدەپ، ٴبىر ـ ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە ٴوزارا قولداۋ كورسەتىپ، ەكونوميكا-ساۋدا، گۋمانيتارلىق، ىندەتكە قارسى تۇرۋ سياقتى جاقتارداعى سەلبەستىكتى ىلگەرىلەتۋدى قالايدى. جۇڭگو مەملەكەتتىك ساياسي كەڭەسى ەگيپەت كەڭەس پالاتاسىمەن دوستىق بارىس ـ كەلىستى كۇشەيتىپ، اۋىس ـ كۇيىستى، ٴوزارا ۇلگى الۋدى تەرەڭدەتىپ، جۇڭگو مەن ەگيپەتتىڭ جالپى بەتتىك ستراتەگيالىق سەرىكتەستىك قاتىناسىنىڭ مازمۇنىن ونان ارى بايىتۋدى قالايدى.

    ابدۇلازيگ بىلاي دەدى: «ٴبىر بەلدەۋ، ٴبىر جول» قۇرىلىسىنا بەلسەنە ات سالىسىپ، ٴار سالاداعى ناقتى سەلبەستىكتى تەرەڭدەتىپ، جۇڭگونىڭ تايۋان، شينجياڭ، شياڭگاڭعا ساياتىن ماسەلەلەر جونىندەگى پرينسيپتىك مايدانىن ۇزدىكسىز باتىل قولداۋدى قالايدى. ەگيپەت كەڭەس پالاتاسى جۇڭگو مەملەكەتتىك ساياسي كەڭەسىمەن اۋىس-كۇيىستى، سەلبەستىكتى كۇشەيتىپ، ەگيپەت ـ جۇڭگو قاتىناسىنىڭ تىڭ ىلگەرىلەۋشىلىككە قول جەتكىزۋىن جەبەۋدى قالايدى.

اۋدارعان: سەرىك راقىم ۇلى