حاماستىڭ كوپتەگەن جوعارى دارەجەلى قولباسشىلارى يزرايليانىڭ گازا وڭىرىنە اۋەدەن شابۋىل جاساۋ بارىسىندا قازا بولدى
ٴوز حابارىمىز. پالەستين ٴىسلام قارسىلىق قوزعالىسى (حاماس) 5-ايدىڭ 12-كۇنى، حاماسقا قاراستى قارۋلى توپ كاساڭ بريگاداسىنىڭ كوپتەگەن جوعارى دارەجەلى قولباسشىلارى سول كۇنى تاڭ سارىدە يزرايليانىڭ گازا وڭىرىنە جاساعان اۋە شابۋىلىندا قازا بولعانىن راستادى.
يزرايليا جاقتىڭ حابارىنا قاراعاندا، مەملەكەت قورعانىس ارمياسى مەن مەملەكەت حاۋىپسىزدىگى باس مەكەمەسى سول كۇنى گازا قالاسى مەن وڭتۇستىك حانيۋنيس قالاسى سياقتى جەرلەردە ٴتۇيىندى تۇردە الاستاۋ قيمىلىن ورىستەتىپ، كاساڭ بريگاداسىنىڭ گازا قالاسى مەن حانيۋس قالاسىنداعى قولباسشىلارىن، سونداي-اق توراپ، احبار، حاۋىپسىزدىك جانە راكەتا ينجەنەرياسى قاتارلىلارعا جاۋاپتى 16 جوعارى دارەجەلى قولباسشىسىن ولتىرگەن.
ب م ۇ حاۋىپسىزدىك القالار كەڭەسى 5-ايدىڭ 12-كۇنى پالەستين جاعدايى جونىندە وسى اپتادان بەرگى 2-رەتكى شۇعىل كەڭەس وتكىزدى. جۇڭگونىڭ ب م ۇ-داعى تۇراقتى ۋاكىلى جاڭ جۇن حاۋىپسىزدىك القالار كەڭەسىنىڭ كەزەكتى ٴتوراعاسى رەتىندە ٴماجىلىستى باسقاردى ٴارى ٴسوز سويلەپ، جۇڭگونىڭ مايدانىن بايىمدادى. جاڭ جۇن بىلاي دەدى: جۇڭگو پالەستيننىڭ قازىرگى جاعدايىنا قاداعالاي نازار اۋدارادى، جاي حالىققا باعىتتالعان زورلىقتى كۇشتى قاتاڭ جازعىرىپ، قاتىستى جاقتاردى، اسىرەسە، يزرايليانى تەجەمدى بولۋعا ۇندەيدى.
اۋدارعان: گۇلنۇر قابىلقاق قىزى