يزرايل پارلامەنتى داۋىس بەرىپ، جاڭا كەزەكتى ۇكىمەت قۇرۋ جوباسىن ماقۇلدادى
ٴوز حابارىمىز. جەرگىلىكتى ۋاقىت 6-ايدىڭ 13-كۇنى يزرايل پارلامەنتى جاڭا كەزەكتى ۇكىمەتكە سەنىمدىلىك داۋىسىن بەردى. ٴبىر تۇتاس وڭ قانات وداعىنىڭ باسشىسى بەنەت پەن كەلەشەك پارتيانىڭ باسشىسى لاپيتتىڭ باسشىلىعىنداعى بىرلەسكەن ۇكىمەت سەنىمدىلىك داۋىسىنا يە بولدى. وسىدان كەيىن 36 - كەزەكتى ۇكىمەت سەرت بەرىپ مىندەتكە وتىردى.
سول كۇنى كەشتە يزرايل پارلامەنتىندەگى 120 پارلامەنت مۇشەسى بىرلەسكەن ۇكىمەتتىڭ قۇرىلۋ جوباسىنا سەنىم ٴبىلدىرىپ داۋىس بەردى، بىرلەسكەن ۇكىمەت 60 داۋىستىڭ قۇپتاۋىمەن، 59 داۋىستىڭ قارسى تۇرۋىمەن، ٴبىر داۋىستىڭ قالىس قالۋىمەن ماقۇلداندى، وسىدان كەيىن 36 - كەزەكتى ۇكىمەت قۇرىلعاندىعىن جاريالادى، بەنەت يزرايلدىڭ 13 - كەزەكتى زۇڭليى بولۋعا سەرت بەرىپ، قازىرگى زۇڭلي نيتانياحۋدىڭ ورنىن باستى. لاپيد 2023 - جىلى 8-ايدىڭ 27-كۇنى بەنەتتىڭ ورنىنا 14 - كەزەكتى زۇڭلي بولىپ، 2025 - جىلى 11-ايعا دەيىن مىندەت اتقارادى. سول كۇنى كەشتە بەنەت پارلامەنتتە جاڭا ۇكىمەتتىڭ ٴبىرىنشى ٴماجىلىسىن اشتى.
جالعاسىنان 12 جىل زۇڭلي بولىپ سايلانىپ،جيىنى 15 جىل زۇڭلي بولعان نيتانياحۋ زۇڭليلىق مىندەتىنەن بوسادى، ول باسشىلىق ەتكەن ريكۋد توبى دا پارلامەنتتەگى ەڭ ۇلكەن قارسى پارتياعا اينالادى.
جاڭا كەزەكتى ۇكىمەت كەلەشەك پارتياسى، بىرلىككە كەلگەن وڭ قانات وداعى، كوك اق پارتيا، جاڭا ٴۇمىت پارتياسى، ميليز پارتياسى، جۇمىسشى پارتياسى جانە اراب بىرىككەن پارتياسى قاتارلى 8 ساياسي پارتيانى قامتيدى ٴارى اراب ساياسي پارتياسى يزرايل ۇكىمەتىنە تۇڭعىش رەت كىردى. يزرايل 36 - كەزەكتى ۇكىمەتىندە 27 مينيستر بار، مۇنىڭ 9 ى ايەل.
اۋدارعان: كۇلان ىرىسباي قىزى