افعانستان تاليباندارى شەكارا سىرتىنداعى كۇشتەر افعانستاننىڭ ىشكى ىسىنە ارالاسپاۋ كەرەكتىگىن قايتالاي دارىپتەدى
ٴوز حابارىمىز. افعانستان تاليباندارى تاعايىنداعان سىرتقى ىستەر مينيسترى ٴامىرحان مۇتاكي جەرلىك ۋاقىت 9-ايدىڭ 14-كۇنى تۇستەن كەيىن كابۋلدا تىلشىلەردى قابىلداۋ ٴماجىلىسىن اشىپ، شەكارا سىرتىنداعى كۇشتەر افعانستاننىڭ ىشكى ىسىنە ارالاسپاۋ كەرەك دەپ قايتالاي دارىپتەدى، سونىمەن بىرگە بىلاي دەدى : قازىر قۇرىلعان جاڭا ۇكىمەت افعانستانداعى بارلىق جىكتەرگە جانە رۋلارعا ۋاكىلدىك ەتەدى، ال بۇرىنعى ۇكىمەتتە باتىس ەلدەرىنىڭ مۇددەسىنە ۋاكىلدىك ەتەتىن مانساپتىلار بارشىلىق بولاتىن.
باس ستانسيانىڭ كابۋلدا تۇراتىن حابارشىسى وبەرد 9-ايدىڭ 14-كۇنى بىلاي دەپ جابارلادى: وتكەن ايدان بەرى، ا ق ش افعانستاننىڭ ورتالىق بانكەسىنە قاراستى 9 ميلليارد 500 ميلليون امەريكا دوللارىندىق مال-مۇلىكتى مۇزداتىپ، افعانستاندى ناق اقشا تاپشىلىعىنا دۋشارلاستىردى.
افعانستان تاليباندارىنىڭ مالىمدەمەشىسى شاحين جۋىردا ا ق ش ـ نان افعانستان ورتالىق بانكەسىنىڭ ا ق ش مۇزداتقان مال ـ مۇلكىن بوساتۋدى تالاپ ەتتى، افعانستاننىڭ ساۋدا سالاسىنداعى قايراتكەرلەر قاتىستى ەلدەردەن افعانستاننىڭ شەتەلدەگى مۇزداتىلعان مال ـ مۇلكىن بوساتۋدى تالاپ ەتتى.
افعانستان ورتالىق بانكەسىنىڭ شەتەلدەگى مال - مۇلكى باتىس ەلدەرىنىڭ افعانستان تاليباندارىنا قىسىم جاسايتىن قۇرالىنا اينالدى. ب م ۇ ـ نىڭ باس حاتشىسى گۋتتەرەس پەن ب م ۇ ـ نىڭ باس حاتشىسىنىڭ افعانستان ماسەلەسىنە جاۋاپتى ەرەكشە ۋاكىلى دەبورا لەونس بىلاي دەدى : افعانستان قازىر ەكونوميكانىڭ بۇكىلدەي كۇيرەۋ مۇمكىندىگىنە ٴدوپ كەلىپ وتىر، حالىقارالىق قوعام افعانستان حالقىمەن بىرگە بولۋ، افعانستانعا قارجى جاعىنان كومەك كورسەتۋى كەرەك.
اۋدارعان: قاناتبەك جۇماباي ۇلى