ٴوز حابارىمىز. حانگو مەن جاپونيانىڭ قاتىستى ۇكىمەت قۇرىلىمدارى 12-ايدىڭ 3-كۇنى بەينە ەكراندا قىزمەت ٴماجىلىسىن اشىپ، جاپونيا توكيو ەلەكتر سەرىكتىگىنىڭ «فۋكۋسيما ارالىنداعى تەڭىزگە ىعىستىرىلعان يادرولىق بىلعانعان سۋدىڭ رادياتسيالىق ىقپالىن باعالاۋ دوكلاتى» جوباسىن تالقىلادى. حانگو بىرلەسكەن اگەنتتىگىنىڭ حابارىنا قاراعاندا، توكيو ەلەكتر سەرىكتىگى 11-ايدىڭ 17-كۇنى جاريالاعان مالىمەتتە: فۋكۋسيما ارالىنداعى تەڭىزگە ىعىستىرىلعان يادرولىق بىلعانعان سۋدىڭ ادامزاتتىڭ دەنساۋلىعى مەن قورشاعان ورتاعا جاسايتىن ىقپالى وتە ماردىمسىز،-دەلىنگەن. حانگو ۇكىمەتى 12-ايدىڭ 3-كۇنگى ماجىلىستە وسى جونىندە اڭىس ٴبىلدىرىپ، جاپونيا جاقتىڭ يادرومەن بىلعانعان سۋدى تەڭىزدى ىعىستىرۋدى العى شارت ەتىپ بايانداما جاريالاعانىنا وكىنەتىندىگىن ٴارى وسى باياندامانىڭ قاتىستى مازمۇنى مەن زەرتتەۋ ادىسىنە كۇمانمەن قارايتىندىعىن ٴبىلدىردى.

اۋدارعان: گۇلنۇر قابىلقاق قىزى