ءوز حابارىمىز. رەسەيدىڭ استاناسى موسكۆا قالاسىنداعى قىزىل الاڭدا -5ايدىڭ -9كۇنى اسكەري پارات وتكىزىلىپ، وتان قورعاۋ سوعىسى جەڭىسكە جەتكەندىگىنىڭ 77 جىلدىعى اتاپ ٴوتىلدى.

 

جەرگىلىكتى ۋاقىت -5ايدىڭ -9كۇنى رەسەيدىڭ استاناسى موسكۆا قالاسىندا رەسەيدىڭ وتان سوعىسى جەڭىسكە جەتكەندىگىنىڭ 77 جىلدىعىن ەسكە ٴتۇسىرۋ اسكەري پاراتى قىزىل الاڭدا وتكىزىلدى. اسكەري پاراتقا قاتىناسقان 11 مىڭ كوماندير ـ جاۋىنگەر جانە اسكەري مەكتەپتىڭ كۋرسانتتارى، 131 اسكەري قارۋ ـ جاراق تۇگەلدەي قىزىل الاڭدا جۇرتپەن جۇزدەستى. 

 

جاياۋ اسكەر 33 تورتكىل سابى- جەڭىس كۇنى اسكەري پاراتقا كوپ رەت قاتىناسقان رەسەي قۇرلىق ارمياسى، اۋە ارمياسى، تەڭىز ارمياسى، پاراشوتشى قوسىن، ستراتەگيالىق راكەتا قوسىنى جانە فەدەراتسيالىق حاۋىپسىزدىك مەكەمەسى، قورعانىس مينيسترلىگى، شۇعىل جاعداي مينيسترلىگى سياقتى كوپ اسكەري تۇرلەر مەن تاراۋلارداعى اسكەريلەردەن جانە اسكەري مەكتەپتەگى كۋرسانتتاردان قۇرالعان. 

 

جاياۋ اسكەرلەر تورتكىل سابى قىزىل الاڭداعى پاراتتان وتكەن سوڭ، جەر بەتىندەگى ماشينالاسقان تورتكىل شەبى مايدانعا شىقتى. شەپتىڭ الدىن وتان قورعاۋ سوعىسى داۋىرىندەگى عاجايىپ 34-T تانكىسى باستادى. رەسەي ارمياسىنىڭ شىنجىر تاباندى، دوڭگەلەكتى جانە اۋە شابۋىلىنان قورعانۋ جۇيەسى سياقتى نەگىزگى كۇش ماشينالاسقان جەر بەتى اسكەري قارۋ-جاراق كۇشتەرى ارت-ارتىنان قىزىل الاڭنان ٴوتتى.

 

اۋدارعان: شالقار قازەز ۇلى