رەسەي پرەزيدەنتى فينلانديا مەن شۆەتسيانىڭ ناتوعا كىرۋگە ٴوتىنىش بەرگەندىگىنە پوزيتسيا ٴبىلدىردى
ٴوز حابارىمىز. رەسەيدىڭ پرەزيدەنتى پۋتين 5-ايدىڭ 16-كۇنى بىلاي دەدى: رەسەيدىڭ فينلانديامەن جانە شۆەتسيامەن قايشىلىعى جوق، سوندىقتان فينلانديا مەن شۆەتسيانىڭ ناتوعا كىرۋى رەسەيگە تىكەلەي حاۋىپ توندىرمەيدى. ٴبىراق ناتونىڭ اسكەري نەگىزدىك قۇرىلعىلارىنىڭ ەكى ەل تەرريتورياسىنداعى ىرگە كەڭەيتۋى، ٴسوز جوق، رەسەيدىڭ نازارىن اۋدارادى.
شۆەتسيانىڭ باس ٴۋازىرى اندەرسون 5-ايدىڭ 16-كۇنى شۆەتسيا ۇكىمەتىنىڭ سول كۇنى ناتوعا كىرۋ ٴوتىنىشىن بەرۋدى رەسمي ۇيعارعاندىعىن جاريالادى. شۆەتسيانىڭ ناتوعا كىرۋ تالاپتارى جۋىردا ناتوعا تاپسىرىلادى.
رەسەي سىرتقى ىستەر مينيسترلىگى 5-ايدىڭ 16-كۇنى توراپتا بىلاي دەپ مالىمدەمە جاريالادى: ناتوعا كىرۋ شۆەتسيانىڭ حاۋىپسىزدىك ورەسىن جوعارىلاتا المايدى. شۆەتسيانىڭ حاۋىپسىزدىگىنە ٴتونىپ تۇرعان قاتەر جوق، ٴبىراق ناتوعا كىرۋ شۆەتسيانى ديپلوماتيالىق شەشىم جاساۋ بارىسىندا يەلىك ۇقىعىنان ايىرادى. رەسەي جاق بىلاي دەپ قارايدى: شۆەتسيا ۇكىمەتىنىڭ مۇنداي تالعام جاساۋى شۆەتسيالىقتار مەن حالىقتىڭ ۇزاق بولاشاقتىق مۇددەسىنە ۇيلەسپەيدى.
رەسەي قورعانىس مينيسترلىگى 5-ايدىڭ 16-كۇنى بىلاي دەپ حابارلاندىردى: رەسەي ارمياسى سول كۇنى ۋكراينانىڭ ماريوپور قالاسىنداعى ازوب بولات-تەمىر زاۆودىندا قامالىپ قالعان ۇكراينا ارمياسىنىڭ ۋاكىلدەرىمەن كەلىسسوز وتكىزىپ، ازوب بولات - تەمىر زاۆودى رايونىندا «تىنىشتىق كۇي» ورناتتى ٴارى ادامگەرشىلىك ٴدالىز اشۋ جونىندە ورتاق تانىمعا كەلىستى، ۇكراينا جاقتىڭ جارالانعان اسكەرلەرى دونەتسكي رايونى جاڭا ازوب قالاشىعىنىڭ ەمدەۋ قۇرىلىمدارىنا ەمدەلۋگە جەتكىزىلدى.
اۋدارعان: قاناتبەك جۇماباي ۇلى
