ءوز  حابارىمىز. ۋكراينا پرەزيدەنت كەڭسەسىنىڭ مەڭگەرۋشىسى ەرماك 6-ايدىڭ 16-كۇنى بىلاي دەدى: ۋكراينانىڭ پرەزيدەنتى زەليانسكي بۇگىن فرانسيا، گەرمانيا، يتاليا جانە رۋمينيا ەلدەرىنىڭ باسشىلارىمەن كيەۆتە كەڭەسىپ، ولارعا رەسەيدى جازالاۋدىڭ جاڭا شارالارىن اتقارۋ جايلى ءبىر قىدىرۋ ۇسىنىس تاپسىردى. زەليانسكي مالىمدەمە جاريالاپ بىلاي دەدى: فرانسيا، گەرمانيا، يتاليا، رۋمينيا قاتارلى ءتورت ەلدىڭ باسشىلارىمەن ۋكراينانىڭ مەملەكەت قورعانىس كۇشىن ارتتىرۋ، ۋكراينانىڭ ەۆروپاعا ءسىڭۋى، رەسەيگە جازانى ۇستەمەلەۋ سياقتى ماسەلەلەردى تالقىلادىم. ماكرون سول كۇنى بىلاي دەدى: فرانسيا، گەرمانيا، يتاليا، رۋمينيا ەلدەرىنىڭ باسشىلارى كەڭەس بارىسىندا ۋكراينانى ەۆروپا وداعىنىڭ كانديدات مۇشە ەلى ەتۋگە ءبىر اۋىزدان قوسىلدى.

 

رەسەي حاۋىپسىزدىك كەڭەسىنىڭ ورىنباسار ءتوراعاسى مەدۆەدەۆ 6-ايدىڭ 16-كۇنى بىلاي دەدى: باتىس ەلدەرى باسشىلارىنىڭ ۋكرايناعا ساپارى تۇككە تاتىمايدى، «ۋكراينانى بەيبىتشىلىككە جاقىنداتپايدى». رەسەي پرەزيدەنتىنىڭ اقپارات حاتشىسى پەسكوۆ بىلاي دەدى: 4 ەل باسشىلارىنىڭ وسى رەتكى ساپارى «ۋكرايناعا بەرەتىن قارۋ-جاراقتارىن ارتتىرۋمەن عانا شەكتەلمەۋىن» ءۇمىت ەتەمىز، قارۋ-جاراقتارمەن قامداۋ تەك «ۋكراينا حالقىنىڭ زاردابىن ارتتىرادى، وسى ەلگە ءتىپتى دە اۋىر ويران سالادى». 

 

اۋدارعان: امانتاي مۇسايىپ ۇلى