ءوز حابارىمىز. جۇڭگو ۋاكىلى 6-ايدىڭ 16-كۇنى ب م ۇ كىسىلىك ۇقىق القالار كەڭەسىنىڭ 50-كەزەكتى ماجىلىسىندە افعانستان ماسەلەسى تالقىعا سالىنعاندا ءسوز سويلەپ بىلاي دەدى: افعانستان ماسەلەسىن تۋدىرعان-ا ق ش، افعانستانداعى قىرۋار بەيكۇنا جاي بۇقارا ا ق ش ارمياسى جاعىنان قىرعىندالدى نەمەسە سوعىس الاساپىراندىعىنان قازا بولدى، نەشە ون ميلليون ادام بوسقىنعا اينالدى. ا ق ش جاۋاپكەرسىزدىكپەن افعانستاننان اسىعىس اسكەر شەگىندىرىپ، وسىدان افعانستان حالقى كۇنى بۇگىنگە دەيىن اۋىر ادامگەرشىلىك داعدارىسقا باتۋدا. ا ق ش افعانستان حالقىنىڭ ادامگەرشىلىك داعدارىسىن باسەڭدەتۋىنە كومەكتەسۋ جاۋاپكەرلىگىن ارقالاعاندى قويىپ، افعانستاننىڭ مال-مۇلكىن اشىق توناپ، افعانستان حالقىن قايعى-قاسىرەتتىڭ شۇڭەتىنە باتىردى. جۇڭگو ا ق ش-تى افعانستانعا قاراتقان سىڭار جاقتىلى جازالاۋىن دەرەۋ تۇبەگەيلى توقتاتىپ، افعانستان حالقىنا ءتان مال-مۇلىكتەردى شارتسىز قايتارىپ، افعانستان حالقىنا سالعان زيانىن ءىس جۇزىندىك ارەكەتىمەن تولەۋگە قۋزايدى. 

 

ب م ۇ بوسقىندار مەكەمەسى 6-ايدىڭ 16-كۇنى جاريالاعان جاڭا مالىمەتتە كورسەتىلۋىنشە،   دۇنيە جۇزىندە 2021-جىلدىڭ سوڭىنا دەيىن مەكەندەرىنەن بوسقان ادام سانى 89 ميلليون 300 مىڭ بولىپ، ەستەلىككە الىنعاننان بەرگى ەڭ جوعارى ورە جاراتىلىپ، ءبىر جىلدىڭ الدىنداعىدان %8 ارتسا، 10 جىلدىڭ الدىنداعىمەن سالىستىرعاندا ەكى ەسەدەن استام ارتقان.

 

اۋدارعان: امانتاي مۇسايىپ ۇلى