ينفورماتسيا اشكەرەلەۋ: mzjubao@cnr.cn

حالىقارالىق حابارلار

رەسەي مەن ۋكراينا دونباس رايونىندا جالعاستى قارۋلى قاقتىعىستى

来源:جۇڭگو قازاق راديو تورابى     |责编:达吾力别克 |     发布日期: 2022-06-18 12:02
ءوز  حابارىمىز. انگليانىڭ باس ءۋازىرى جونسون 6-ايدىڭ 17-كۇنى كيەۆكە بارىپ، ۋكراينانىڭ پرەزيدەنتى زەليانسكيمەن كەڭەس وتكىزدى. رەسەي پرەزيدەنتىنىڭ اقپارات حاتشىسى پەسكوۆ سول كۇنى بىلاي دەدى: رەسەي ەۆروپا ەلدەرى باسشىلارىنىڭ ۋكراينا باسشىلىق جىگىندەگىلەردى قازىرگى جاعدايدى جىعا تانۋعا يلاندىرۋىن ءۇمىت ەتەدى. 
 
6-ايدىڭ 17-كۇنى، ۋكراينانىڭ پرەزيدەنتى زەليانسكي ساپارلاي بارعان انگليانىڭ باس ءۋازىرى جونسونمەن كەڭەس وتكىزدى، ەكى جاق انگليانىڭ ۋكرايناعا اۋىر تۇرپاتتى قارۋ-جاراقتار بەرۋ جانە اۋە شابۋىلىنان قورعانۋ جۇيەسى ماسەلەسىن تالقىلادى. جونسون كەڭەس بارىسىندا بىلاي دەدى: انگليا ۋكراينانى قارۋ-جاراقتارمەن جالعاستى قامدايدى، سونىمەن بىرگە انگليا جەرىندە ۋكرايناعا اسكەري ادامدار تاربيەلەپ بەرۋدى، ءار 120 كۇندە 10 مىڭ ادام تاربيەلەۋدى ۇسىنىس ەتەمىز. 
 
6-ايدىڭ 17-كۇنى، رەسەي پرەزيدەنتىنىڭ اقپارات حاتشىسى پەسكوۆ بىلاي دەدى: فرانسيانىڭ الاۋىزداسقان ءار جاقتاعىلاردى جاراستىرۋ، كەلىسسوزگە شاقىرۋ جاعىنداعى ۇلەسىن رەسەي جوعارى باعالايدى. رەسەيدىڭ ەرەكشە اسكەري قيمىل ورىستەتۋدەگى باستى ماقساتى—دونباس رايونىنداعى تۇرعىنداردى ۋكراينا ارمياسىنىڭ تاعىلارشا سوققىلاۋىنان اراشالاۋ. رەسەي مەن ۋكراينانىڭ كەلىسسوزىندە 4-ايدان بەرى كەيبىر ىلگەرىلەۋشىلىكتەر بولعانىمەن، سوڭىنان ۋكراينا بارىس-كەلىستەن قول ءۇزىپ، كەلىسسوزدى توقتاتتى. 
 
رەسەي كەشە ۋكراينا ارمياسىنىڭ قولباسشىلىق ورنى، اۋە شابۋىلىنان قورعانۋ باسقارىلمالى بومبى جۇيەسى سياقتى اسكەري نىسانالاردى ۇزدىكسىز سوققىلادى. رەسەي مەن ۋكراينانىڭ دونباس رايونىنداعى اسكەري قاقتىعىسى دا توقتاپ كورمەدى. لۋگانسكي حالىقتىق قارۋلى كۇش ۋاكىلى 6-ايدىڭ 17-كۇنى بىلاي دەدى: سولتۇستىك دونەتسكي رايونىنداعى ازوت زاۆودتىن پانالاعان ۋكراينانىڭ ءبىر ءبولىم اسكەرلەرى تىزە بۇكتى. 
 
لۋگانسكي رايونىنىڭ اسكەري-اكىمشىلىك ءمانساپتىسى سەرگەي 6-ايدىڭ 17-كۇنى بىلاي دەدى: وتكەن 24 ساعاتتا، رەسەي ارمياسى سولتۇستىك دونەتسكي، ليسيچانسكي قاتارلى كوپتەگەن رايونداردا كوپ تۇتىكتى زىمىران زەڭبىرەكتەرىمەن شابۋىل جاساپ قانا قالماي، سوعىس ايروپلاندارىمەن اۋەدەن سوققىلاپ، بۇدان كوپ ادام ءولدى جانە جارالاندى. 
 
مۇنان سىرت، ەۆروپا وداعى كوميتەتى 6-ايدىڭ 17-كۇنى ۋكراينا مەن مولدوۆانى ەۆروپا وداعىنىڭ مۇشە كانديداتى ەتۋ ۇسىنىسىن بەردى. ەۆروپا وداعىنا مۇشە ەلدەردىڭ باسشىلارى 6-ايدىڭ 23، 24 كۇندەرى وتكىزىلەتىن باسشىلار باس قوسۋىندا وسى ۇسىنىستى تالقىعا سالادى. 
 
اۋدارعان: سەرىك راقىم ۇلى
 
 

中央广播电视总台 央广网 版权所有

رەسەي مەن ۋكراينا دونباس رايونىندا جالعاستى قارۋلى قاقتىعىستى

انگليانىڭ باس ءۋازىرى جونسون 6-ايدىڭ 17-كۇنى كيەۆكە بارىپ، ۋكراينانىڭ پرەزيدەنتى زەليانسكيمەن كەڭەس وتكىزدى. رەسەي پرەزيدەنتىنىڭ اقپارات حاتشىسى پەسكوۆ سول كۇنى بىلاي دەدى: رەسەي ەۆروپا ەلدەرى باسشىلارىنىڭ ۋكراينا باسشىلىق جىگىندەگىلەردى قازىرگى جاعدايدى جىعا تانۋعا يلاندىرۋىن ءۇمىت ەتەدى.