حالىقارالىق قوعام جۇڭگونىڭ تايۋان ماسەلەسىندەگى مايدانىن تەگىس قولدادى
来源:جۇڭگو قازاق راديو تورابى |责编:古丽美热| 发布日期: 2022-08-10 17:05
سىريلانكانىڭ زۇڭتۇڭى ۆيكراماسينحا قوعامدىق قارىم-قاتىناس مەديادا سىريلانكانىڭ ٴبىر جۇڭگو ساياساتىن، سونداي-اق ب م ۇ ەرەجەسىنىڭ مەملەكەتتىڭ يەلىك ۇقىعى مەن تەرريتوريا تۇتاستىعى جونىندەگى پرينسيبىن باتىل اتقاراتىندىعىن قايتالاي دارىپتەدى.
موڭعۇليانىڭ زۇڭتۇڭى حۇرىلسۋح بىلاي دەدى : موڭعۇليا ٴبىر جۇڭگو پرينسيبىن باتىل اتقارادى، تايۋان، شياڭگاڭ، شيزاڭ، شينجياڭ ىستەرىن جۇڭگونىڭ ىشكى ٴىسى دەپ قارايدى. بۇل موڭعۇليا جاقتىڭ دايەكتى ساياساتى، وندا ەشقانداي وزگەرىس بولمايدى.
ماداگاسكار كەڭەس پالاتاسىنىڭ باستىعى حالمانا لازافي ماحايفا بىلاي دەدى : ماداگاسقار ٴبىر جۇڭگو پرينسيبىن قولدايدى، جۇڭگو ۇكىمەتىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ جولىندا كورسەتكەن قاجىرلى قۇلشىنىستارىن قولدايدى.
باحامانىڭ سىرتقى ىستەر جانە الەۋمەتتىك قىزمەت وتەۋ مينيسترى ميچەل بىلاي دەدى : ب م ۇ 1971-جىلى جۇڭحۋا حالىق رەسپۋبليكاسى ۇكىمەتىنىڭ بۇكىل جۇڭگوعا ۋاكىلدىك ەتەتىن بىردەن-ٴبىر زاڭدى ۇكىمەت ەكەندىگىن مويىندادى، باحامانى قامتىعان دۇنيە جۇزىندەگى باسىم كوپ ساندى ەلدەر وسى مايداندا بەرىك تۇرادى.
كۆەيت سىرتقى ىستەر مينيسترىنىڭ ورىنباسارى ماجيدي بىلاي دەدى : كۆەيت ٴبىر جۇڭگو پرينسيپتىك مايدانىنا بويسۇنادى ٴارى وسىعان قاتىستى بارلىق حالىقارالىق قاۋلىلاردى اتقارادى.
يتاليا جۇڭگو دوستىق قاتىناس قوعامىنىڭ ٴتوراعاسى ماريا مولەني بىلاي دەدى: پەلوسيدىڭ ارەكەتى ٴوڭىردىڭ ورنىقتىلىعىنا زيان جەتكىزدى ٴارى ا ق ش ـ نىڭ ساياسيىندا ٴومىر ٴسۇرىپ وتىرعان بىلىقپالىقتى تولىق ايگىلەدى.
اراب جۇڭگو دوستىق قوعامى بىرلەستىگى مالىمدەمە جاريالاپ، اراب حالقىنىڭ باستان ـ اياق ٴبىر جۇڭگو پرينسيبىن باتىل قولدايتىندىعىن، تايۋان ماسەلەسىنەن پايدالانىپ ٴوڭىردىڭ حاۋىپسىزدىگى مەن ورنىقتىلىعىن بۇلدىرەتىن بارلىق قاسكۇنەمدىك ارەكەتتەرگە جانە ارانداتۋشىلىق ارەكەتتەرگە باتىل قارسى تۇراتىندىعىن قايتالاي دارىپتەدى.
مەكسيكا كەڭەس پالاتاسىنىڭ مۇشەسى حوسە نارو سەسپەدس بىلاي دەپ اشىق ايتتى: ا ق ش ساياسي الاياقتارىنىڭ ٴسوز ـ ارەكەتى ا ق ش نەن ازيا وڭىرىندەگى حالىققا حاۋىپ ٴتوندىرىپ قانا قالماستان، دۇنيە ٴجۇزىنىڭ حاۋىپسىزدىگىن دە حاۋىپ ـ قاتەرگە ۇشىراتتى.
اۋدارعان: قاناتبەك جۇماباي ۇلى