كوپ ەل قايراتكەرلەرى: شاڭحاي سەلبەستىك ۇيىمى حالىقارالىق قوعامنىڭ ناعىز كوپ جاقتىلىققا بەت الۋىن جەبەيتىن بولادى،-دەستى
来源:جۇڭگو قازاق راديو تورابى |责编：达吾力别克 | 发布日期: 2022-09-18 17:14
ٴوز حابارىمىز: كوپ ەل قايراتكەرلەرى بىلاي دەستى: ٴتوراعا شي جينپيڭنىڭ شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 22 ـ رەتكى ماجىلىسىندە سويلەگەن ماڭىزدى ٴسوزى دۇنيە ٴجۇزى قازىر ٴدوپ كەلىپ وتىرعان كوپ ٴتۇرلى سىن ـ سايىستارعا توتەپ بەرۋ جونىنەن ماڭىزدى مانگە يە. شاڭحاي سەلبەستىك ۇيىمىنىڭ دامۋىنا-زورايۋىنا بايلانىستى، وسى ۇيىم حالىقارالىق قوعامنىڭ ناعىز كوپ جاقتىلىققا بەت الۋىن جەبەيتىن بولادى.
شاڭحاي سەلبەستىك ۇيىمى 2001 - جىلى قۇرىلعاننان بەرى ۇزدىكسىز دامىپ- زورايىپ ، حالىقارالىق ىستەردە مول تاجىريبە توپتاپ ، بۇكىل جەر شارىنداعى ىقپالدى ۇيىمعا اينالدى. كاتار داشۋەسى حالىقارالىق قارىم ـ قاتىناس شۋەيۋانىنىڭ پروفەسسورى كەر ديبات بىلاي دەدى: « شاڭحاي رۋحى » شاڭحاي سەلبەستىك ۇيىمىنىڭ ۇزدىكسىز دامىپ زورايۋىنىڭ رۋحاني وزەگى جانە كۇش-قۋات قاينارى بولىپ، كوپتەگەن ەلدى باۋراۋدا. ٴتوراعا شي جينپيڭ « شاڭحاي رۋحى » تانىمىن ۇستانۋ شاڭحاي سەلبەستىك ۇيىمىنا قوسىلماعان باسقا ەلدەردى باۋراۋ قۋاتىنا يە دەگەندى قايتالاي دارىپتەدى، قازىر ٴتىپتى دە كوپ ەلدىڭ وسى ۇيىمعا كىرۋدى ٴۇمىت ەتۋى مۇنىڭ جاندى ايعاعى.
حالىقارالىق جاعدايدا تەرەڭ وزگەرىستەر بولىپ جاتقاندا شاڭحاي سەلبەستىك ۇيىمىنىڭ وڭىرلىك حاۋىپسىزدىكتى ، ورنىقتىلىقتى قورعاۋ جانە ٴار ەلدىڭ دامۋىن ، گۇلدەنۋىن جەبەۋ جاقتارىنداعى رولى اناعۇرلىم كورنەكتىلەندى. وزبەكستان دۇنيە جۇزىلىك ەكونوميكا جانە سىرتقى ىستەر داشۋەسى حالىقارالىق قارىم ـ قاتىناس فاكۋلتەتىنىڭ مەڭگەرۋشىسى مۇراد باحودروۆ بىلاي دەپ قارادى: ٴتوراعا شي جينپيڭ اتاپ كورسەتكەندەي، شاڭحاي سەلبەستىك ۇيىمىنا مۇشە ەلدەر ىنتىماقتى-سەلبەستىكتى ۇزدىكسىز قويۋلاتىپ، ٴوزارا قولداۋدى كۇشەيتىپ، ٴبىر ـ ٴبىرىنىڭ حاۋىپسىزدىگى مەن دامۋ مۇددەسىن قورعاۋ جولىندا جاساعان قۇلشىنىستارىن قولداپ-قۋاتتاپ، سىرتقى كۇشتەردىڭ شاڭحاي سەلبەستىك ۇيىمى اۋماعىندا ورنىقسىزدىق فاكتورلار تۋدىرۋىنا جول قويماۋى كەرەك.
افريكا وڭتۇستىك بولەگى تالاس ـ تارتىستى سىندارلى شەشۋ ورتالىعىنىڭ اتقارۋشى جوراسى بونيفاس چەبە بىلاي دەدى : جۇڭگو العا قويعان الەمدىك حاۋىپسىزدىك دارىپتەمەسى قازىرگى الەمدىك حاۋىپسىزدىك جاعدايىن ٴبىرجايلى ەتۋدە توتەنشە ماڭىزدى، ول ٴبىزدىڭ دۇنيە ٴجۇزىنىڭ بەيبىتشىلىگى مەن حاۋىپسىزدىگىن جۇزەگە اسىرۋىمىزعا « جۇڭگو جوباسىن » ازىرلەدى.
اۋدارعان: امانتاي مۇسايىپ ۇلى
