رەسەي جاق ۋكراينا ارمياسىنىڭ قارۋ-جاراقتارىن تالقانداعاندىعىن، ال ۋكراينا جاق رەسەي ارمياسىنىڭ شەپتەرىن سوققىلاعاندىعىن حابارلادى
ٴوز حابارىمىز. رەسەيدىڭ مەملەكەت قورعانىس مينيسترلىگى 1-ايدىڭ 28-كۇنى جاريالاعان سوعىس حابارىندا بىلاي دەپ ايتىلدى: رەسەي ارمياسى كۋپيانسكي، كراسني ريمان، دونەتسكي، زاپوروجە قاتارلى باعىتتاردا ۋكراينا ارمياسىنا سوققى بەرىپ، ۋكراينا ارمياسىنىڭ ٴبىر ٴبولىم اۆتوموبيلدەرىن كۇيرەتتى. مۇنان تىس، رەسەي اۋە ارمياسى دونەتسكى وڭىرىندە ۋكراينا ارمياسىنىڭ -ميگ 29 تۇرپاتتى سوعىس ايروپلانىن اتىپ تۇسىردى.
ۋكراينانىڭ باس قولباسشىلىق شتابى 1-ايدىڭ 28-كۇنى سوعىس حابارىن بىلاي دەپ جاريالادى: ۋكراينا ارمياسى وتكەن 24 ساعاتتا رەسەي ارمياسىنىڭ دونەتسكي جانە لۋگانسكيدەگى 12 قونىستانۋ ٴتۇيىنىنىڭ ماڭىنداعى شابۋىلىن تويتاردى. ۋكراينا اۋە ارمياسى رەسەي جاقتىڭ ادامدارىنا، قارۋ-جاراقتارىنا جانە اسكەري قارۋ-جاراقتار شوعىرلانعان رايوندارىنا 8 رەت سوققى بەردى ٴارى رەسەي جاقتىڭ اۋە شابۋىلىنان قورعانۋ باسقارىلمالى بومبى جۇيە شەبىنە سوققى بەردى.
اۋدارعان: قاناتبەك جۇماباي ۇلى