رەسەي مەملەكەت قورعانىس مينيسترلىگى 1-ايدىڭ 31-كۇنى بىلاي دەپ حابارلادى: رەسەي ارمياسى دونەتسكي باعىتىنداعى شابۋىلدا ىشكەرىلەپ كىرىپ، براگوتنويە تۇرعىندار رايونىن يەلەۋدى ٴساتتى ورىندادى؛ سونىمەن بىرگە، رەسەي ارمياسى دونەتسكيدە ۋكراينا زەڭبىرەكشى اسكەرلەرىنىڭ وق ٴدارى ساقتايتىن ەكى قويماسىن كۇيرەتتى. لۋگانسكي جانە حەلسوندا، رەسەي ارمياسىنىڭ اۋە شابۋىلىنان قورعانۋ جۇيەسى ۋكراينانىڭ ميگ-8 تۇرپاتتى تىك ۇشار ايروپلانىن جانە ۇشقىشسىز 5 ۇشاعىن اتىپ تۇسىردى. مۇنان تىس، رەسەي ارمياسى حەلسوندا زەڭبىرەك جانە وق-ٴدارى قويماسىان ەكى قويمانى كۇيرەتتى. وتكەن ٴبىر تاۋلىكتە رەسەي ارمياسى ۋكراينا ارمياسىنىڭ 84 ورىنداعى زەڭبىرەكشى اسكەر وت كۇشى مەن بازاسىنا سوققى بەردى.

    ۋكراينا باس قولباسشىلىق شتابى 1-ايدىڭ 31-كۇنى سوعىس جاعدايىن مىناداي دەپ حابارلادى: ۋكراينا ارمياسى وتكەن 24 ساعاتتا دونەتسكي جانە لۋگانسكيدەگى 13 قونىستانۋ ٴتۇيىنىنىڭ ماڭىندا رەسەي ارمياسىنىڭ شابۋىلىن تويتاردى. ۋكراينا اۋە ارمياسى رەسەي ارمياسى شوعىرلانعان 4 اسكەري رايونعا اۋەدەن شابۋىل جاسادى، ۋكراينا جاقتىڭ باسقارىلمالى بومبىسى مەن زەڭبىرەكشى اسكەرلەر قوسىنى رەسەي ارمياسى مەڭگەرگەن 3 ورىن، 2 وق-ٴدارى قويماسى مەن 4 اسكەري ىستەر شوعىرلانعان رايونعا سوققى بەردى. قازىر رەسەي ارمياسىنىڭ باسقارىلمالى بومبى جانە اۋە شابۋىلى حاۋپى ٴالى دە ٴبىرشاما جوعارى بولۋدا.

اۋدارعان: قاناتبەك جۇماباي ۇلى