ينفورماتسيا اشكەرەلەۋ: mzjubao@cnr.cn

حالىقارالىق حابارلار

رەسەي جاق: رەسەي ارمياسى ۋكراينا ارمياسىنىڭ ەكى موتورلى قايىعىن تالقاندادى،-دەدى، ۋكراينا: ۋكراينا ارمياسى وتكەن تاۋلىكتە رەسەي ارمياسىنىڭ شابۋىلىن تويتاردى جانە ونى شەگىندىردى،-دەدى

来源:جۇڭگو قازاق راديو تورابى     |责编:阿依娜|     发布日期: 2023-02-02 10:20

ٴوز حابارىمىز. رەسەي مەملەكەت قورعانىس مينيسترلىگى 2-ايدىڭ 1-كۇنى رەسەي ارمياسىنىڭ حەرسون جاقتا ۋكراينانىڭ ەكى موتورلى قايىعى مەن 10 ادامدىق قۇرلىققا شىعۋ گرۋپپاسىن قيراتقاندىعىن، سونداي-اق سول جەردەگى 3 وق-ٴدارى قامباسىن تالقانداعاندىعىن حابارلادى. سۋمي شتاتىندا رەسەي ارمياسى ۋكراينا ارمياسىنا زەڭبىرەك، وق ٴدارى وندىرەتىن زاۆودقا سوققى بەردى. مۇنان تىس، رەسەي ارمياسى كۋپيانسكي، قىزىل ليمان، دونەتسكي جانە زاپوروجە قاتارلى باعىتتاردا ۋكراينا ارمياسىنىڭ اسكەرلەرىن ۇزدىكسىز جويدى جانە ۋكراينانىڭ اسكەري قارۋ-جاراقتارىنا سوققى بەردى. دونەتسكيدىڭ جەرگىلىكتى ٴمانساپتىسى 2-ايدىڭ 1-كۇنى دونەتسكيدىڭ ماڭىزدى قاتىناس ورنى باحمۋت قازىر رەسەي ارمياسىنىڭ قورشاۋىندا قالعاندىعىن، رەسەي جاقتىڭ وسى جەردى قورشاي قىسىپ بارا جاتقاندىعىن ايتتى.


    ۋكراينا قارۋلى قوسىنى باس شتابىنىڭ 2-ايدىڭ 1-كۇنگى سوعىس حابارىنا قاراعاندا، ۋكراينا ارمياسى وتكەن 24 ساعاتتا دونەتسكيدەگى 8 قونىستانۋ ٴتۇيىنىنىڭ ماڭىندا رەسەي ارمياسىنىڭ شابۋىلىن تويتارعان. ۋكراينا اۋە ارمياسى رەسەي جاقتىڭ اسكەري كۇشى شوعىرلانعان رايونعا 9 رەت اۋەدەن شابۋىلداپ، اۋە شابۋىلىنان قورعانۋ باسقارىلمالى بومبى بازاسىنا 2 رەت سوققى بەردى. ۋكراينانىڭ باسقارىلمالى بومبى جانە زەڭبىرەكشى اسكەرلەر قوسىنى رەسەيدىڭ اسكەري كۇشى شوعىرلانعان 13 رايونعا، ٴبىر مەڭگەرۋ تۇيىنىنە جانە 2 وق ٴدارى قويماسىنا سوققى بەردى.

اۋدارعان: گۇلنۇر قابىلقاق قىزى

中央广播电视总台 央广网 版权所有

رەسەي جاق: رەسەي ارمياسى ۋكراينا ارمياسىنىڭ ەكى موتورلى قايىعىن تالقاندادى،-دەدى، ۋكراينا: ۋكراينا ارمياسى وتكەن تاۋلىكتە رەسەي ارمياسىنىڭ شابۋىلىن تويتاردى جانە ونى شەگىندىردى،-دەدى

رەسەي ارمياسىنىڭ حەرسون جاقتا ۋكراينانىڭ ەكى موتورلى قايىعى مەن 10 ادامدىق قۇرلىققا شىعۋ گرۋپپاسىن قيراتقاندىعىن، سونداي-اق سول جەردەگى 3 وق-ٴدارى قامباسىن تالقانداعاندىعىن حابارلادى.