ينفورماتسيا اشكەرەلەۋ: mzjubao@cnr.cn

حالىقارالىق حابارلار

رەسەيدىڭ ٴار سالاسى ٴتوراعا شي جينپيڭنىڭ رەسەي مەديالارىندا جاريالاعان اۆتورلى ماقالاسىنا جوعارى باعا بەرد

来源:جۇڭگو قازاق راديو تورابى     |责编:古丽美热|     发布日期: 2023-03-22 14:59
 
 ٴوز حابارىمىز. مەملەكەت ٴتوراعاسى شي جينپيڭ 3-ايدىڭ 20-كۇنى «رەسەي گازەتى» مەن رەسەي حالقارالىق اقپارات اگەنتتىگىنىڭ توراپ بەتىندە «ارشىنداي العا تارتىپ، جۇڭگو-رەسەي دوستىق سەلبەستىگىنىڭ، ورتاق دامۋدىڭ تىڭ داستانىن جازايىق» دەگەن تاقىرىپتا اۆتورلى ماقالا جاريالادى. ماقالا رەسەيدىڭ ٴار سالاسىندا كۇشتى اڭىس قوزعادى، ولار ٴتوراعا شي جينپيڭنىڭ وسى رەتكى ساپارىنىڭ جۇڭگو-رەسەي قاتىناسىن دامىتۋدىڭ تىڭ پاراعىن اشىپ، ەكى ەلدىڭ ٴار سالاداعى اۋىس-كۇيىسىن، سەلبەستىگىن تەرەڭدەتۋگە قۇدىرەتتى قوزعاۋشى كۇش قوساتىندىعىنا سەنەتىندىگىن ٴبىلدىردى.
 
 رەسەي گازەتى مەكەمەسىنىڭ باستىعى نەگويتسا بىلاي دەدى: ٴتوراعا شي جينپيڭنىڭ اۆتورلى ماقالاسى بيىكتە تۇرىپ الىستى كوزدەگەن، جالپىلىق سيپاتقا يە. ماقالادا وتكەن 10 جىلداعى رەسەي-جۇڭگو قاتىناسىنىڭ دامۋ بارىسى قورىتىندىلانۋمەن بىرگە، بولاشاقتاعى ەكى ەل قاتىناسىنىڭ دامۋىنىڭ جەتەكشى باعىتى دا بايىمدالدى. نەگويتسا بىلاي دەدى: جۇڭگو ٴبىزدىڭ جاقسى كورشىمىز ٴارى سەنىمدى سەرىگىمىز. ەكى ەل قاتىناسىندا جوعارى دەڭگەيدە دامۋدى ساقتاۋدى ەكى ەل باسشىلارى اراسىنداعى ىقپالداستىقتان بولە قاراۋعا بولمايدى، تەز قارقىنمەن دامىعان رەسەي-جۇڭگو سەلبەستىگى ەكى ەل باسشىلارىنىڭ ستراتەگيالىق جەتەكشىلىگىنەن ايرىلا المايدى.
 
رەسەي مەملەكەتتىك گۋمانيتارلىق داشۋەسى كۇڭزى شۋەيۋانىنىڭ رەسەي جاق باستىعى تالاس يۆچەنكو بىلاي دەدى: ءتوراعا شي جينپيڭ اۆتورلى ماقالاسىنىڭ ءبىر ماڭىزدى ءتۇيىنى − رەسەي-جۇڭگو دوستىعىنىڭ ۋاقىتتىڭ سىنىنان، حالىقارالىق اۋمالى-توكپەلى جاعدايدىڭ سىنىنان وتكەندىگىن اتاپ ايتقاندىعىندا بولدى، مەنىڭشە، بۇل ەكى جاقتىڭ ءوزارا ءتۇسىنىسىپ، ءوزارا قارىم-قاتىناس ورناتىپ، ەكى ەلدىڭ ءوزارا سەنىمدىلىگى مەن سەلبەستىگىن تەرەڭدەتىپ، بىركەلكى داميتىن ءىرى ەل قاتىناسىن ورناتقاندىعىنىڭ ارقاسى، بۇل بۇكىل جەر شارىنىڭ ورنىقتىلىعى جانە گۇلدەنۋى ٴۇشىن وتە ماڭىزدى. 
 
 رەسەيدىڭ ٴار سالا قايراتكەرلەرى بىلاي دەستى: رەسەي مەن جۇڭگو باسشىلارى اراسىنداعى ٴونىمدى ىقپالداستىق ەكى جاقتى سەلبەستىكتى دامىتا تۇسۋگە ٴتيىمدى شارت-جاعداي ازىرلەدى، ٴتوراعا شي جينپيڭنىڭ وسى رەتكى ساپارى ەكى ەلدىڭ بولاشاقتاعى سەلبەستىگىنە تىڭ دا كەڭ ٴورىس اشاتىندىعىنا سەنەمىن.
 
رەسەي كاسىپورىنشىسى سۇلانا رادنەيەۆا بىلاي دەدى: ءتوراعا شي جينپيڭ اۆتورلى ماقالاسىندا ءوزىنىڭ 10 جىلدان بەرى رەسەيدە 8 رەت ساپاردا بولعاندىعىن، رەسەي-جۇڭگو مەملەكەت باسشىلارىنىڭ ەكى جاقتى جانە حالىقارالىق ورىنداردا ىلگەرىندى-كەيىندى 40 رەت كەزدەسكەندىگىن ايتتى، بۇنداي جاعداي جان جەلپىندىرەدى، ءتوراعا شي جينپيڭ ايتقانداي، ءار رەتكى كەزدەسۋدىڭ ەكى جاق جونىنەن العاندا ناتيجەسى قوماقتى. ٴبىز ەكى ەلدىڭ ەكى جاقتى ساۋداسىنىڭ تەبىندى ەكەنىن كوردىك، بىلتىر ساۋدا سوماسى 190 ميلليارد امەريكا دوللارىنان استى، وسى رەتكى ساپاردىڭ ەكى ەلدىڭ ەكونوميكا-ساۋدا سالاسىنداعى سەلبەستىگىن پارمەندى جەبەيتىندىگىنە سەنەمىن.
 
 رەسەي سىرتقى ساۋدا بانكەسىنىڭ باستىعى اندرەي كوسكين بىلاي دەدى: ٴبىز ٴتوراعا شي جينپيڭنىڭ وسى رەتكى ساپارىنىڭ مول ناتيجەلى بولاتىنىنا زور ٴۇمىت ارتىپ وتىرمىز، رەسەي-جۇڭگو قاتىناسى ٴار سالادا بەلسەندى دامۋ كۇيىن ساقتاپ كەلەدى، ٴبىز بولاشاقتا ٴتىپتى دە كوپ جۇڭگو تاۋارىنىڭ، عىلىم-تەحنيكا ونىمدەرىنىڭ رەسەيگە كىرۋىن، ەكى ەلدىڭ كەلەشەكتەگى سەلبەستىگىنىڭ جاڭا ورايعا تولى بولۋىن ٴۇمىت ەتەمىز.
 
رەسەي ازيا ونەركاسىپ كاسىپكەرلەر وداعىنىڭ ءتوراعاسى ۆيتالي مانكەۆيچ بىلاي دەدى: ءتوراعا شي جينپيڭنىڭ وسى رەتكى ساپارىنىڭ ءمانى زور، رەسەي مەن جۇڭگو جان-جاقتى ستراتەگيالىق سەلبەستىك سەرىكتەر، ەكى جاقتى ساۋدا سوما ھ10 جىلدا 116% ارتتى، بۇل ەكى جاقتىڭ ناقتى سەلبەستىگىنىڭ ناتيجەسى، مۇنان سىرت، ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسى تانىمى، <ءبىر بەلدەۋ، ءبىر جول> دارىپتەمەسى قاتارلىلار دۇنيە ٴجۇزىنىڭ جالپى جۇزدىك بايلانىسىن پارمەندى جەبەيدى. 
 
 
اۋدارعان: كۇلان ىرىسباي قىزى
 
 

中央广播电视总台 央广网 版权所有

رەسەيدىڭ ٴار سالاسى ٴتوراعا شي جينپيڭنىڭ رەسەي مەديالارىندا جاريالاعان اۆتورلى ماقالاسىنا جوعارى باعا بەرد

ٴبىز بولاشاقتا ٴتىپتى دە كوپ جۇڭگو تاۋارىنىڭ، عىلىم-تەحنيكا ونىمدەرىنىڭ رەسەيگە كىرۋىن، ەكى ەلدىڭ كەلەشەكتەگى سەلبەستىگىنىڭ جاڭا ورايعا تولى بولۋىن ٴۇمىت ەتەمىز.