انگليا، يتاليا قاتارلى جەرلەردە جۇمىس تاستالىپ، اقشانىڭ قۇنسىزدانۋىنا قارسىلىق ءبىلدىرىلدى
ءوز حابارىمىز. انگليانىڭ لوندونداعى سيترو اۋەجايىنداعى 1400 اماندىق قورعاۋ قىزمەتكەرى 5-ايدىڭ 27-كۇنى جالعاستى جۇمىس تاستاپ، اقشانىڭ قۇنسىزدانۋى تۋدىرعان تۇرمىس وزىندىك قۇنىنىڭ ۇزدىكسىز جوعارىلاۋىنا قارسىلىق ءبىلدىردى.
انگليادا 4-ايداعى تۇتىنۋ باعا كورسەتكىشى ۇقساس مەزگىلدەگىدەن %8.7 ارتىپ، 3-ايمەن سالىستىرعاندا ءبىراز تومەندەگەنىمەن، ازىق-تۇلىك جانە سپيرتكە جاتپايتىن سۋسىندىقتاردىڭ باعاسى ۇقساس مەزگىلدەگىدەن %19.1 جوعارىلاپ، سوڭعى 45 جىلدان بەرگى ەڭ جوعارى ورە جاراتتى. اقشانىڭ ءۇرتىس قۇنسىزدانۋى سەبەبىنەن انگليانىڭ كوپتەگەن سالالارىندا جۇمىس تاستالدى.
5-ايدىڭ 26-كۇنىنەن باستاپ، يجيە اۆياتسيا سەرىكتىگىنىڭ ءبىر ءبولىم ايروپلان قىزمەتكەرلەرى پورتۋگاليانىڭ استاناسى ليسسابون اۋەجايىندا جۇمىس تاستاپ، قىزمەتكەرلەرگە جاسالاتىن يگىلىك مامىلەنى جوعارىلاتۋدى تالاپ ەتتى. وسى كەزەكتى جۇمىس تاستاۋ مەجەمەن 5 كۇنگە جالعاستى، 400 گە جۋىق كەزەكشى ايروپلاننىڭ ۇشۋ مىندەتى كۇشىنەن قالدى.
5-ايدىڭ 26-كۇنى يتاليادا قاتىناس ـ تاسىمال، ەمدەۋ ـ دەنساۋلىق ساقتاۋ، وقۋ ـ اعارتۋ، عىلمي زەرتتەۋ سياقتى كوپتەگەن سالالارداعى قىزمەتكەرلەر ريم، ميلان، تۋريڭ، ناپوليس سياقتى جەرلەردە جۇمىس تاستاپ، اقشانىڭ قۇنسىزدانۋىنا قارسى تۇرىپ، تۇرعىنداردىڭ تۇرمىس اۋىرتپالىعى ارتقاندىعىن نارازىلىق ءبىلدىردى.
اۋدارعان: قاناتبەك جۇماباي ۇلى