رەسەيدىڭ مۇناي تابيعي گاز قۇبىرى كاسىپورىنىنىڭ قىزمەت بيناسى شابۋىلعا ۇشىرادى، ۋكراينا مەديالارى ۋكراينانىڭ قىرىم كوپىرىن پارتىلاۋ وقيعاسىمەن بايلانىستىلىعىن مويىنداعاندىعىن حابارلادى
ءوز حابارىمىز. رەسەيدىڭ پوسكوۆ وبلىسىنىڭ باستىعى 5-ايدىڭ 27-كۇنى وسى وبلىستاعى مۇناي قۇبىرى سەرىكتىگىنىڭ عيماراتىندا سول كۇنى قوپارىلىس تۋىلىپ، قۇرىلىس بۇلىنگەندىگىن، ءبىراق ءولىم -ءجىتىم بولماعاندىعىن ايتتى. بۇل جونىندەگى العاشقى حابارلاردا ايتىلۋىنشا، قوپارىلىس ەكى ۇشقىشسىز ايروپلاننىڭ شابۋىلىنان تۋىلعان، ىشكەرىلەي تەكسەرۋ جۇرگىزىلۋدە.
ۋكراينا اقيقات گازەتىندە 5-ايدىڭ 27-كۇنى بىلاي دەپ حابارلاندى: ۇكىراينا مەملەكەت حاۋىپسىزدىگى مەكەمەسىنىڭ باستىعى وسى مەكەمەنىڭ بىلتىر 10-ايدا قىرىم كوپىرى پارتىلاۋ وقيعاسىندا كەي شارالاردى قولدانعاندىعىن مويىندادى، بىراق ءتىپتى دە كوپ ناقتى مازمۇنداردى اشكەرلەۋدەن باس تارتتى. بىلتىر 10 - ايدىڭ 8 - كۇنى قىرىم كوپىرىندەگى تاس جولدابىر جۇك اۆتوموبيلىندە قوپارىلىس تۋىلىپ، كوپىر تاس جولىنىڭ ءىشىنارا بولەگى قۇلاپ تۇسكەن بولاتىن.
اۋدارعان: قاناتبەك جۇماباي ۇلى
