«شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ سۇراۋ ـ جاۋاپتارى» اتتى كىتاپتىڭ اعىلشىن تىلىندەگى باسىلىمىنىڭ تۇڭعىش تاراتىلۋ سالتى مالايزيادا وتكىزىلدى
ءوز حابارىمىز. «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ سۇراۋ-جاۋاپتارى» اتتى كىتاپتىڭ اعىلشىن تىلىندەگى باسىلىمىنىڭ تۇڭعىش تاراتىلۋ سالتى 5-ايدىڭ 27-كۇنى مالايزيانىڭ كۋالالۋمپور حالىقارالىق كىتاپ كورمەسىندەگى جۇڭگو نەگىزگى قوناق ەل قيمىلىنىڭ ناق مايدانىندا وتكىزىلدى.
«شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ سۇراۋ ـ جاۋاپتارى» اتتى كىتاپتا سۇراۋ ـ جاۋاپ فورماسى ارقىلى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى رۋحى، نەگىزگى مازمۇنى، نەگىزگى تالابى ەگجەي ـ تەگجەيلى باياندالادى، كىتاپتىڭ مازمۇنى باي، فورماسى جاڭا، سۋرەت پەن جازۋ تەڭ قوسىلعان، تىلگە جەڭىل قاراپايىم دا ۇعىنىقتى.
«شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ سۇراۋ-جاۋاپتارى» اتتىڭ كىتاپتىڭ اعىلشىن تىلىندەگى نۇسقاسى جۇڭگو حالىق باسپاسى، ۇيرەنۋ باسپاسى جانە ينديا جالپىلىق وقىلىمدار باسپاسى جاعىنان سەلبەسىپ باسپادان شىعىپ، دۇنيە جۇزىندەگى اعىلشىن تىلىندەگى ەلدەرگە تاراتىلدى، بۇل كىتاپتىڭ تاراتىلۋى حالىقارالىق قوعامنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باستى مازمۇنىن جان ـ جاقتى تۇسىنۋىنە پايدالى بولادى، سونداي-اق جۇڭگو كوممۋنيستىك پارتياسىنىڭ كوركەم دۇنيە قۇرۋدى ىلگەرىلەتۋگە كۇش سالاتىن جۇڭگو اقىل ـ پاراساتى مەن جۇڭگو جاۋاپكەرشىلىگىن ىشكەرىلەي تانۋعا كومەگىن تيگىزەدى.
مالايزيانىڭ ساياسي، عىلىم، اقپارات، باسپا ءسوز سالاسىنداعى ايگىلى قايراتكەرلەر مەن اقىل-پاراسات قويماسىنىڭ ۋاكىلدەرى كىتاپتىڭ تۇڭعىش تاراتىلۋ سالتىنا قاتىناستى.
اۋدارعان: قاناتبەك جۇماباي ۇلى
